夏麵館 (寶石大廈)

眾所周知荃灣市中心食肆多如繁星那工業區附近又有什麼選擇呢今趟完成工作後與友人來到位於沙咀道這家夏麵館想不到價錢實惠且質素不錯先來蟹粉小籠包皮薄肉多咬開表皮即見表面淡黃色的蟹粉包裡充滿混有蟹粉的鮮味肉汁大小剛好一口剛好填滿了我整個嘴裡再來是名字摸不著頭腦的多唻咪看餐牌介紹原來是明星張曼玉命名意思是同時有蟹黃蟹粉河蝦的鮮味一試果然蟹味非常濃郁且隱約帶海鮮的鮮甜味用來配上淡淡的饅頭果腹之餘又能嘗鮮味來到麵館麵食當然是主角嫩雞煨麵麵質軟而不爛雞湯素白而鮮味雞肉清淡軟嫩簡單的菜式要做得好更考基本功另一款麵食是排骨擔擔麵麵質有嚼勁湯頭偏向微辣風味蘊藏著濃濃麻醬香味配上外皮酥脆內裡軟嫩的大塊豬排總結而言食物質素不錯而且份量豐實…查看更多

上海妹定時定候都會饞吓家鄉菜，夏麵館喺好多區都有，但多數都開喺商場內，一到飯點就鬼咁多人。反而寶石大廈附近呢間可能因為近民宅，啲人多數返歸食，好好彩七點半到都有得直入。秋起蟹肥，餐廳都適時推出蟹全宴，蟹羹、蟹粉拌面拌菜炒飯炒年糕炒自己，能夠諗到嘅都喺哂餐牌。依家喺togetda仲有得11道菜矜貴蟹粉宴買一送一優惠，記得要預訂先有咖！未食全宴之前，就小試牛刀試吓佢蟹粉小籠包同菜芯；小籠包半個手掌大小，皮薄肉多，除咗喙喙果撮蟹粉，肉包內都充滿混有蟹粉嘅汁水，鮮嫩多汁。蟹粉多過菜芯，貼心地伴有薑醋可蘸點，蟹粉加咗薑碎炒，唔怕太涼，仲有絲絲蟹肉；菜芯質素好靚，冧甜無渣，一咬就斷，係調味偏重咗，單食有啲鹹，送飯送饅頭會比較好。上海涼菜一定要嗌，涼拌茄子個汁食得出溝咗蠔油、辣醬，加上茄子索哂汁，每一啖都好惹味；燻魚炸得甘香酥脆，偏多骨，但骨刺大條，尚算易食。韭黃炒鱔絲好足料，鱔段肥美大條，加埋韭黃炒更添辛香，不過同炒蟹粉一樣調味較重，宜配饅頭銀絲卷。麻醬拌麵用上剪麵，剪成段狀較易食用，用麻醬香油拌勻，麻醬略少唔夠麻香，值得一讚係麵條烹煮時間較短，保留到韌勁，食起嚟更有咬口。…查看更多

位於沙咀道旁位置既夏麵館，呢間嘢食算系高質，環境夠大，價錢合理親民！ 菜式正宗地道。《蟹粉小籠包》入秋喇!就最鍾意食佢地嘅蟹粉系列既小籠包，食過真系番唔到轉頭咁好味道，包裹滿滿鮮甜蟹粉又有上湯在內，CP值超高！《濃湯滑津白》以上湯煮過既津白，入口好creamy，配以金華火腿絲，油而不膩。《酥炸雞排麵》件件雞排炸得很香口，粉漿夠薄。清甜擔擔麵的湯。呢個配搭冇得輸。《高力豆沙》空氣感十足，飽飽夠鬆軟。口感軟熟, 一咬開已經散發陣陣豆沙飄香。味道一流。…查看更多

放工同好友去食好嘢，當然要揀我最鐘意嘅上海嘢平平地喺荃灣都有好嘢食！哩度啲嘢種類多，又夠晒大碟，上菜快又好味上海嘢必嗌嘅擔擔麵，花生醬份量適中，辣度亦剛剛好，麵幼唔淋蔥油伴麵夠晒香，麵都係用幼嘅，夠晒煙韌蟹粉菜芯落足料，誠意之足，蟹粉好惹味，菜芯夠晒淋賽磅蟹有蝦有帶子，炒起唔會太油膩但夠滑，溝埋醋食一流嘅回鍋肉咁嘅價錢黎講都真係好大碟，濃味香口，微辣，正蟹粉小籠包真心皮薄餡靚，蟹粉夠多，一咬就勁多汁高力豆沙一定要試！唔太甜又唔太油，好軟熟得黎又好重蛋味…查看更多

難得成家人都得閒，就一齊出去荃灣搵好野食～屋企人都偏向愛食中菜，所以今次就搵左間上海菜一齊食，今晚就黎左位於沙咀道既♥夏麵館♥門面已經有中式古代既裝修，一睇就知係食上海野。內裡環境好大，好適合一家大細一齊開飯～坐位與坐位之間都好闊，所以成餐飯都食得好舒服。一坐低就好快預備好餐具，好似茶樓咁自己洗茶杯碗快，而且仲有壺茶係台面～茶都幾好飲😄餐紙上有好多各式各樣既上海特色小菜，睇到花多眼都亂，最近係蟹季，唔少菜色都以蟹粉黎做主題，每一樣菜都覺得好吸引！今次叫既野食都係上海菜比較有名的，每款都好出色好味，個個都食得好味又開心！蟹粉小籠包4隻 $70小龍包基本上係食上海菜必食既食物，一籠有四隻，岩岩好每人一隻。小籠包包得好靚，一夾起都唔會好易散哂，仲可以包住入面既湯汁無流出黎。點少少個醋汁，先咬開小籠包個頂頂，可以見到入面有好多湯汁係到，再用力一吸，所有湯汁都吸哂入口，好滿足！！入面既餡比啲湯汁吸到入哂味，肉質都唔好，最重要係夠味～我覺得夏麵館既小籠包絕對唔可以錯過～蟹粉炒年糕 $98黎到蟹既季節，點少得蟹粉呢！！今次好特別點左呢個蟹粉炒年糕，炒年糕就食得多啦，但係用蟹粉炒既真係第一次食，我地都好期待呢款食物。因為係蟹季，所以蟹粉食起上黎就覺得好鮮，甜甜既蟹味係個口入面，配埋個炒年糕係出奇地幾夾而且好食，年糕質感岩岩好，唔會太硬，都唔會太淋，好好咬～**( 建議大家呢碟炒年糕要趁熱食，否則蟹炒既鮮味會減退。)糖醋小排 $52黎到呢碟糖醋小排，侍應同我地講好好彩我地呢碟係最後一碟了，可想像到呢碟小菜都深受大家歡迎～～甜甜的排骨為我地開左個胃，細細粒既排骨更容易令我地入口，如果配埋個白飯就最好了～干煽四季豆 $52一家人食飯點都會叫一碟菜，干煽四季豆也是我地一家人喜愛的菜色！四季豆跟肉碎炒起上黎好香，大家都食得好滋味。而且食落去仲好惹味，會有忍唔住不停食，都係果句，如果配埋個白飯，我諗我可以食到兩碗～～真係好好食的！上海擔擔麵 $46上海擔擔麵也算是上海菜中的經典食品，一碗好既擔擔麵唔係間間都整得好食，每一間餐廳既做法都好唔同，夏麵館既擔擔麵較為易入口同埋正宗啲～呢碗惹味既湯都不能夠錯過，湯底好香又好濃，雖然入面既配料都係花生，肉碎等簡單材料，但係所有野加埋一齊又係一番風味，而且有重芝麻香口感，但同時又不太辣，同樣深受我地喜愛～酸辣湯(位) $28媽媽覺得食飯點都要有碗湯，所以特登幫佢叫左一碗酸辣湯比佢自私飲，個賣相睇見都想飲佢一啖，的確又真係幾好飲，酸酸又有點辣，入面既材料都好足料，就算只係一小碗，但係1啲都唔HEA！…查看更多

媽媽今日去荃灣辦事不煮飯，下班本貓就去會合媽媽覓食。老媽子大人說想吃上海菜，搜了一下，來夏麵館試試。有套餐有散叫，價錢合理。-蟹粉小籠包（$38兩隻）頂部少少蟹黃。哇，夾起異常飽滿。小心一咬，熱燙湯汁爆出，好鮮美。皮薄餡靚，但略嫌蟹粉味不夠突出。-🎖Best of the Day黑醋話梅骨（$70）油亮的醬汁賣相讓人食指大動，入口酸甜交融，濃濃的話梅味。媽媽一直嚷著好吃，停不下來；竟引來附近的經理來搭話解釋，說是從上海運送過來的酸話梅，正宗地道啊，說這算是招牌菜。其實只是按我倆口味選，運氣好罷了。-排骨菜飯（$60）點一個澱粉質來配小菜。排骨炸得金黃酥脆，份量比手掌大；價錢跟快餐店差無幾，當然更好吃。-上海醬鴨（$60）冷盤來說是頗大一份；鴨皮香酥，肉嫩。醬汁以冰糖煮過，微甜的醬汁，是飯的好拍檔。-夏味燻蛋（$13）燻味不明顯但溏心效果出色。-高力豆沙（$34）蛋白澎鬆軟棉棉；豆沙微甜，不嗜甜的老媽子表示很滿意。-不小心叫太多，兩母女吃得好飽足👩‍👧♥️…查看更多

今次用了團購券，落單時交團購券給服務員，非常有禮貌地解釋團購券的計算方法，讚！分別點了蟹粉小籠包和小籠包，兩款小籠包都皮薄且肉汁豐富，蟹粉小籠包增添了一份蟹肉的鮮甜，貴一倍也是值得的。蟹粉拌麵的蟹粉醬薑末太多，不太喜歡。自選五小碟不過不失，唯其中的水晶肉未完全解凍，竟然感覺有冰沙，馬上倒了胃口。排骨擔擔麵的擔擔麵維持水準，但今晚的排骨有點乾。炒鱔糊的「黃鱔」很肥美。除了小籠包，整晚最喜歡的一道菜。…查看更多

「因團購而一試 整體感覺良好 用餐環境舒適 價格合理 味道不俗」1） 津白肉絲湯年糕 *一向鐘意食湯年糕  因炒年糕大多數餐廳炒到好油 呢間既湯底幾香濃 唔會太鹹 食完亦冇口渴  推介～～擔擔麵感覺冇咩特別 2）蟹粉小籠包 同友人 點左兩款小籠包一試分別 蟹粉 （$36／2）同普通（$36／4）兩款都皮簿 但意料之外既係 普通36蚊果款既好食好多 肉汁又多又甜  肉嫩  個人認為 蟹粉果隻湯冇咁多 有d腥 …查看更多

有時會突然好想食小籠包~咁岩同朋友係荃灣行完街就去食夏麵館啦~見到個蟹粉小籠包即點小籠包本身已經好吸引了~更何況係蟹粉小籠包?皮薄餡靚~要小心d夾唔好整穿個皮~如果唔係d精華就流走晒肉汁在口內爆發的感覺太滿足了~散發出陣陣蟹皇味~先唔好理佢蟹黃到底係咩味~本身個炒飯都炒得唔錯~幾有獲氣既~加埋個蟹黃醬~就好似圖中咁淋落去個飯度食變得濕炒飯~感覺冇咁熱氣同埋個醬都幾好味~同黎撈飯其實好夾架有蛋黃的香氣~幾惹味最好味係雞絲粉皮和糖醋小排骨甜甜酸酸幾開胃有d似酸辣湯的味道豆腐都好滑~細細粒好易食~…查看更多

在 BeautySearch 的腦海中，《夏麵館》以麵食聞名，相信光顧過的人都品嚐過當中的滋味，今日路經荃灣寶石大廈，看到《夏麵館》今期推介『蟹粉』系列菜式，『蟹粉』是我與蝦子的心頭好，心動不如行動，一於入去光顧品嘗。 在大街上，看見如此中式的門面，吸睛度的確非常高。不過，當日最吸引 BeautySearch 的，還是當中的菜餚，我與蝦子都喜愛吃『蟹粉』的菜餚，正好《夏麵館》今期的推介是『蟹粉』系列菜式，所以，我們便不加考慮即時鑽進店內品嚐。店內店外的裝潢，均貫徹中式的雅致佈局，加上這裡的樓底較高，大大增加了這兒的空間感外，更添氣派。以紅及鏡子為主，令這裡保留中式傳統之餘，同時亦注入了幾分時尚感。先來一碟小吃「涼伴小木耳」，木耳有益健康，具有益氣强身、滋腎養胃、活血等功效，但平時很少在家煮理，所以每次在外進餐看見，少不了也會點選一碟，尤其涼伴更是醒胃之選。可惜，今次廚師用了麻辣方法泡製，十分強烈，越吃越辣、亦越來越麻，吃不了五份一碟，BeautySearch 便宣告投降。如能在menu 上已註明是辣的會好一點吧...... 因為對我來說實在太辣了！幸好蝦子餅點選了一碟「糖醋小排」，酸酸甜甜的味道把「涼伴小木耳」的麻辣減淡了一點點，而且十分開胃。排骨吸收了糖醋的味道，十分惹味。用來拌飯同吃，兩者十分配合，一口糖醋二口飯，為味蕾提供了高高低低的刺激感覺。「蟹粉炒飯」是當晚的重點之一，簡簡單單配上青瓜、紅蘿蔔、蛋同炒，炒飯乾身飽滿入味，而蟹粉是分開上桌的，吃時，把蟹粉拌入炒飯中，蟹粉的鮮味滲入，確是非常滋味，而配菜則令炒飯更添爽口質感，唯整體味道屬淡淡的，未夠香濃，惹味不足。不過廚師推介的「蟹粉小籠包」卻非常吸引，上桌時熱烘烘的，每粒小籠包都非常飽滿，賣相相當吸引，咬落皮薄多汁，而且，肉汁充滿鮮味，加上蟹粉提升了小籠包內豬肉的鮮味，十分美味，值得推介。很久沒有品嚐「豆沙鍋餅」，這款傳統的上海甜品是BeautySearch 年少時最愛的中式甜品之一，還記得當年總會讓哥哥姐姐先夾，等他倆夾走邊位後，BeautySearch 便可品嚐滿載豆沙的中間部份。「豆沙鍋餅」外表香脆而不油膩，内裡的紅豆是起沙，香軟甜美，BeautySearch 喜歡滿載豆沙的中間部份，入口口感柔軟綿細，豆沙洶湧而出，那種感覺非常滋味，絕對不可不吃！…查看更多

原來荃灣都開左夏麵館, 8點左右黎到差不多已經爆滿!地方都幾大! 都好多位呀! 裝修新, 坐得都幾舒服!哩度都算好多食物揀! 我揀左花雕醉雞、雞扒担担麵、蟹粉小籠包、蟹粉炒年糕、同埋一個宋嫂鮮魚羹!仲有係豆沙鍋餅~ 2個人好似過份左,,哈哈!蟹粉小籠包超讚好呀! 入面仲係熱熱野湯, 湯好鮮甜! 而且皮簿! 入面既肉質也鮮美! 店員提點要即刻食先好味呀! 雞扒担担麵碗麵一上枱我係呆左...勁大碗！真係好大碗！炸雞扒炸得好鬆脆...份量勁多！而佢既担担麵煮得啱啱好！好彈牙！而湯底夠濃味！帶一點辛辣咁！😋但係味道會比較辣...如果唔食得辣既最好同店員講啦！蟹粉炒年糕都好煙韌, 食到勁多蟹粉! 美中不足係佢比較多油! 如果可以少d油就更加好喇! 花雕醉雞既酒好入味呀! 雞夠滑! 佢又唔會好濃既酒味! 味道啱啱好! 宋嫂鮮魚羹也不錯! 清清地咁! 入面都好多料呀! 細細碗夠一至兩個人食! 因為可以揀(例)或者係(位)!豆沙鍋餅不得不讚既! 出面金黃色脆卜卜, 入面既紅豆仲係熱辣辣最緊要唔會太甜!好好味! 食落係知道即叫即做的! 總括夏麵館食物都唔錯呀!…查看更多