蓮香樓

呢間老字號茶樓開分店嚟到尖沙咀啊，地點咁方便就腳，呢日就過咗嚟試吓😙 要嘆返嗰一盅兩件先得。呢度比較特別嘅係冇一張正式嘅點心紙㗎，所有點心都要出去自己揀，真係超級懷舊啊😝 蟹籽燒賣皇每一次飲茶都必定要嗌燒賣，呢個燒賣餡料非常飽滿，入面有豬肉、蝦仁同埋冬菇粒🐷黑椒牛仔骨黑椒夠晒惹味，牛仔骨嘅肉質比較軟腍，好輕易就可以骨肉分離🐮 冰鎮花雕豬手呢個菜式好開胃，豬手都幾入味，冰鎮豬手皮好彈牙😙 有啖啖嘅酒香😝咸蛋花雕燉肉餅呢個菜式都幾特別，用上新鮮嘅豬肉，加上烹調方法係用上燉，所以keep住勁多肉汁👍🏻 面頭仲有三粒鹹蛋黃。蝦子蝦球撈麵多人食嘅話一定要嗌呢個，蝦子撈麵嘅份量超多，闊條麵嘅口感都幾爽彈🍝 面頭仲有四隻好彈牙嘅大蝦🦐呢度除咗菜式係比較傳統之外，連細個喺酒樓上見嘅推車仔賣點心都仲有㗎，真係好有集體回憶啊🙈茶樓仲要係24小時營業，幾夜都可以嚟嘆一盅兩件啊😋…查看更多

蓮香樓係中環既時候已經好出名，最特別既係佢仲少有地仲保留懷舊酒樓既元素，點心車、點心卡、仲有舊式點心雞札、金錢雞等等，連裝潢都非常懷舊。之前見啲遊客會推薦黎香港要黎呢度食，反而自己一路係香港就冇特別去食過😂最近開左黎尖沙咀，仲要24小時營業，終於搵機會去試下🫖佢地黎緊10點後仲會有宵夜時間，啱曬夜貓🤓1️⃣燒味三拼（$298）有小火爐熱住，叉燒半肥瘦，燒腩仔皮脆，雞肉軟嫩，幾個人一齊食叫翻份正👍2⃣️花膠魚翅灌湯餃（$58）湯底清甜，皮薄餡多，一上檯要即刻趁熱辣辣食😋3⃣️懷舊蓮藕餅（$138）食落好香口，入面有啲馬蹄粒增加口感。4⃣️點心（$48/1）攞住張點心卡就可以自己去揀點心，睇到咩想食直接指，比張點心卡姐姐吸翻個印仔就攞得！👉蝦餃👉小籠包👉鮮蝦腸👉炸鮮奶👉炸春捲👉豬潤燒賣👉鮮竹卷👉蟹籽燒賣皇👉雪山叉燒包👉咖喱魷魚5⃣️椰皇燕窩燉鮮奶（$52）燉奶滑身仲食到椰子既清甜味，食完點心仲可以食到個成個椰皇甜品好滿足。6⃣️西米焗布丁（$48）第一次食呢款甜品，食落奶黃味好香，啖啖都係西米粒粒，口感同味道都唔錯。…查看更多

呢間餐廳自1926年開業，以「推車仔」點心聞名，所有點心均為手工製作，而晚上亦供應多款經典懷舊粵菜🥢💗懷舊金錢雞 ($28/件）懷舊金錢雞真係買少見少嘅菜式，先將雞肝、肥肉、瘦肉串埋一齊，再用叉燒汁、蜜糖等醬汁慢火燒制，甘香甜美，配上酸薑更解膩🍢💗燒味三拼（$298）燒味三拼包括叉燒、燒腩仔同貴妃雞，叉燒肉質軟嫩鬆化，肉汁豐富，滲透蜜糖甜味🍯；燒腩仔肥瘦相間，塊皮卜卜脆🐖；貴妃雞非常嫩滑，而且有雞味🐓💗懷舊蓮藕餅（$138）香煎蓮藕餅非常厚身，厚實嘅免冶豬肉加上爽脆嘅蓮藕粒，肉香四溢🪷💗花膠魚翅灌湯餃（$58）灌湯餃非常大隻，餃皮亦都夠薄，內餡包住鮮蝦、北菇、豬肉碎、香菇等，浸係清甜鮮美嘅湯頭，最重要係真係有魚翅同花膠，都算足料🥟💗鮮蝦炸雲吞（$25）鮮蝦炸雲吞炸到金黃香脆，蘸上酸甜汁一齊，完全食唔停口🥠💗蟹籽燒賣皇（$35）蟹籽燒賣包住爽滑鮮嫩嘅冬菇豬肉鮮蝦餡🍄‍🟫💗咖哩蒸土鱿（$42）咖哩魷魚爽口彈牙，夠哂香濃入味🦑💗蓮香蝦餃皇（$48）蝦餃皮包住有爽口嘅蝦肉餡，但餃皮略厚🦐💗地道豬腳薑醋（$48）薑醋感覺煲咗好耐，味道濃郁而且甜酸可口，尤其豬腳好出色，炆到超軟腍，個人最鐘意都係雞蛋，結實入味🫚💗西米焗布丁（$42）西米布甸焗至表面焦香，內𥚃綿密香滑，食落有濃郁蛋香同粒粒西米🍮💗椰皇燕窩燉鮮奶（$48）原個椰皇燉鮮奶超滑溜，啖啖奶香同椰香，再以燕窩點綴，夠哂滋補美顏🥥💗杞子桂花糕（$30）杞子桂花糕帶有桂花同杞子嘅馥郁清香，口感Q彈而且唔太甜🌼…查看更多