李公館

營業中

休息中

聖誕假期開始，約埋3個好友一齊去試下呢間位於商業中心2樓既李公館嘆茶食點心。星期六，客人不算多，裝修幾特別。點左壺桂花鐵觀音，飲落啖啖桂花味，好清新!點心紙選擇頗多，傳統的，新派創意的都有。揀左D名字比較特別的點心先試最後點左個甜品~~銀耳椰皇燉桃膠，桃膠有益健康，加埋雪耳，海底椰，最適合呢個天氣滋潤一下。4個人食到捧住個肚走，好耐冇食過一間咁特別既點心了，十分滿足!朋友仲即時約埋下次要試晚飯呢度地方，服務都ok,樓面會自動自覺主動收碟加水

見到網上呢度評價幾高，所以黎試下呢度食個brunch飲個茶.一行4人，叫左幾個點心同2個廚點⋯⋯首先講個蝦餃，呢個算係佢地既招牌.因為點心紙上都有佢既圖出現.蝦肉係普通蝦，一定無新同樂的海蝦蝦餃咁鮮味，不過不能貨比貨.Size正常，不太大不太小剛剛好.餃皮帶店chewy,厚薄一般，沒有薄到一夾就串,沒有厚到像出面既粉果咁.呢個pass!粉果我無試，但係蒸出黎同出面D厚皮粉果好唔同，呢個既皮好薄，入面既餡料都隱隱地看到.友人對佢既評價都OK.鮑汁撈麵和叉燒飽都很普通，為果腹之物.蝦腸好一般．本人愛皮薄的腸粉，呢個皮好多，又不是薄的那種，所以唔太得的歡心.海鮮雜菜煲好食，清淡得黎但夠味.個湯有蝦米等等的乾貨鹹香味.上面有帶子，蝦和魷魚.帶子不老剛熟，是好吃的.蝦和魷魚就太老了，沒法吃下.點心最後加左個鮑魚燒賣.呢個係咁多樣點心入面最為推介之一樣，可惜沒有影相.上面有一塊好薄既鮑片，上面有挺鹹的鮑魚汁，鮑魚片只是調味加裝飾而己.燒賣部份有一隻蝦，下面就係豬肉.呢2樣野唔係混合左既，因為食得出分明既層次.大概是1比3既比例．佢同傳統既燒賣唔同，呢度既燒賣上既蝦中和左豬肉既肥膩感．不過呢度既豬肉

星期六放工, 約了朋友到李公館下午茶聚, 好彩一早book左位唔駛等!!飲茶一定要點蝦餃燒賣啦!!蝦餃都頗特別, 綠色既菠菜皮非常特別, 而且都尚算通透, 加上蝦都好新鮮好爽口!跟著到燒賣, 燒賣都好大粒, 上面加左大大隻蝦同黑色墨魚子, 唔會好似淨係食緊豬肉咁, 而且食落無肥肉!雪影叉燒包, 熱辣辣既叉燒包, 外層鬆脆內暖, 裡面既叉燒好淋好好味, 放工最肚餓既時候食, 正!!  脆脆野菌腸, 呢個小朋友都話好好食! 雖然係齋, 但野菌相當入味, 外邊包左泰式春卷既皮再加腸粉皮, 點心師交將每一件腸粉都楝起左, 加左豉油都唔會整淋左都春卷皮, 春卷皮食落仍然好脆, 小朋友都讚!! 荳苗蟹粉春卷, 呢個因為菜味蓋過左啲蟹粉味, 唔太食到有蟹粉味~ 娥姐粉果, 咀叼的朋友不太好粉果, 因為怕裡面既餡太油, 但係食過之後, 朋友都大讚好味, 粉果皮又做到好薄, 而且裡面的餡料不太油, 仲好夾添呀!   芝士咸水角, 芝士不嬲都係我既至愛之一, 咸水角炸到圓圓的好似煎堆, 咬落非常脆口, 而且有濃濃既芝士味, 愛芝士既朋友都非常喜歡!甜品怪又點可以唔食甜品, 呢度既甜品都相當有水準, 焦糖布

是日放假·同老公仔去飲茶·選了这間openrice食評多人讚好的茶樓·安排坐在靠窗的二人位·內裡陳設古雅·尤如身在民初的高贵大宅中·讚·點了蝦饺·燒賣·鲜蝦腸粉·芝士蝦春卷·芒果布甸，綠茶奶凍·蝦餃皮应加了波莱汁·碧綠色·咬一口下去·滿是驚喜·嘩·好大隻蝦·很是鮮甜·外皮厚薄適中·好味·讚·燒賣瘦肉中渗有鲜蝦·好味道·腸粉軟糯·代表夠米·合格·内裡的蝦又是夠鲜夠大隻·味美·芝士蝦春卷·内裡的芝士溶化·脆脆的·很是滋味·芒果布甸及綠茶奶凍合格·唔錯整體吃得舒適·食物又好味道·一定會再來·

同一班舊同事食下午茶，享受滿有驚喜的一餐。店內裝修精緻典雅，最難得係環境寧靜，好適合傾計。我地叫左十幾種點心，包括蝦餃、燒賣、小籠包、蘿蔔糕、黑芝麻奶皇飽。賣相、味道都是一流的。除了傳統點心，店裏也有新派造法的點心。例如雪影叉燒飽、芥末帶子百花炸兩、雙雙對對雙子餃（蟹子蝦餃）、燒肉汁雞窩飽、脆脆野菌腸。極力推介蒜香雞軟骨、籠仔糯米蒸蝦飯。雞軟骨炸得好脆，好有口感。蒸蝦飯D蝦好新鮮，飯亦軟硬適中。雖然係中式茶樓，但甜品卻異常精彩，我地叫左芒果布甸、桂花蘋果燉雪梨、紅粉俏佳人、蓮蓉西米焗布甸、北海道3.6紅豆奶凍。咁就為呢一歺劃上完美句號。