泰皇閣泰國菜館

營業中

休息中

星期六同男朋友黎食泰國菜，怕晚餐多人，所以食午餐，冇lunch set,只有主餐牌散叫，但價格合理。冬陰功海鮮湯 ：有一隻蝦，一隻青口，仲有啲菇，個湯基本上都唔辣，酸酸所地同埋吾知係咪錯覺，有椰汁嘅香味。但我覺得幾好飲🥰蝦醬炒通菜：平時馬拉盞炒食得多，今次就試吓蝦醬，唔辣但係都好好食，炒得好香，仲好綠。鐵板蠔仔煎蛋：佢個樣唔似係煎蛋，而係將啲蠔仔加蛋漿炸，用鐵板上好香口，份量都唔少，人多嘅可以試吓。菠蘿海鮮炒飯：佢冇其他幾樣餸甘惹味，但都好足料，同埋都炒得香，有啲咖喱味，底嗰啲（菠蘿入面裝住）會好食啲。椰青：外表睇落去好大，但係呢個椰青得好少水，不過佢啲椰青水係清甜嘅。

九龍城簡直係泰國菜集中地，今次又嚟到諗住隨便入一間泰國餐廳食🇹🇭泰國嘢🧡❤️🧡❤️經過呢間叫「泰皇閣」泰國餐廳，就諗住試試佢地正唔正宗！入到去好快就安排入坐～菜單選擇好豐富，我同朋友都心大心細選擇咗成5分鐘😅因為第一次食呢間餐廳，所以選擇咗最基本嘅菜式。⭐️蛋包鮮蝦金邊粉 $75⭐️蝦醬炒通菜 $64⭐️串燒（雞+豬+墨魚丸）$82⭐️兩個大椰青$66（$33個）金邊粉份量十足🥹上面淋咗sweet chill sauce，少少甜味～再搭配上花生碎，非常泰味～而網狀形嘅蛋皮令到口感同香味更加提升🧡蝦醬炒通菜又係好大一碟～$64真係CP值好高！蝦醬比例岩岩好，唔會過咸～而通菜爽口新鮮！讚！👍🏻串燒真係好考師傅處理嘅火喉同時間，當然食材新鮮都好重要。串燒我地選擇咗豬、雞同埋墨魚丸～當中豬係最有驚喜，肉質嫩滑，仲好野味😍配上自家製泰式沙嗲醬！滿分！🙆🏻‍♀️椰青好好飲！冰涼感十足！飲完可以再食埋椰青肉當甜品🥥整體味道都好滿意❤️下次會再試埋佢地其他菜式。

來到九龍城當然食泰國菜，黃色經濟圈兼免加一，唔使諗咁多啦！好耐未食過炸蝦餅，呢個好好食啊！外脆內軟，食到蝦肉的鮮味，放到後來食都仲脆，好得👍🏽👍🏽主菜要了個招牌菜——蛋包鮮蝦金邊粉，份量十足，酸甜適中，三隻大大爽口鮮蝦和蛋香🤤🤤食指大動！蝦醬炒通菜——通菜新鮮，炒得爽口，蝦醬惹味不會太咸，還有紫洋蔥，好夾👍🏽串燒半打，有豬、雞、墨丸、雞腎，最多選三種，選了頭三款，沙嗲醬好味，很多花生碎食得非常飽足，埋單300元有找👍🏽

在疫情下，我很久都没有出街食飯了。我見近日感染個案下落，所以约了朋友去九龍城泰皇閣泰國菜館試試。位置是在九龍城街市附近，在即將開通的宋皇臺站隔離，交通算是方便。在泰國菜館內，雖然座位不多，但坐得舒適。我六點半左右到，菜館內坐得差不多滿了。一進去，服務員就叫我們要掃瞄安心出行及測體温，做足防疫措施，食得安心。虾餅拼春卷（ ＄76），春卷內有粉絲，红羅白及木耳等，加上脆脆的皮，特別好味。至於虾餅是100％蝦肉，表面也炸得金黄入味。泰式燒羊架 2件（＄74）十分野味，味道濃而好食，燒得剛剛好，帶點羊的酥味，大大件。虾醬炒通菜 （＄64）濃郁的虾醬味,不太辣，通菜爽甜，配合得很好。蒜蓉包 （＄26）放咗蒜蓉在法包上，蒜蓉味好濃，法包烤得香脆，我朋友至愛。芒果糯米飯（＄55）糯米飯熱辣辣的，濃郁的椰汁不太甜。至於芒果也甜，只帶有一點酸。椰青 （＄33）椰青肉嫩，椰青水清甜，一般在超市難買到這種貨式。整體而言,這裏佈置很有泰國風格感覺，環境舒適，交通方便,食物味道也不錯，我們會不久的將來再次光顧。

位於泰菜勝地九龍城嘅泰皇閣泰國菜館，雖然競爭非常激烈但係絕對無比其他泰國菜館比下去，喺周末嘅夜晚依舊大排長龍，更加有唔少年輕情侶幫襯。餐廳環境比較狹窄，但亦尚算有足夠嘅隔離空間。泰皇閣招牌炒飯叫得招牌炒飯，當然要一試。泰皇閣招牌炒飯除咗有大大隻炸蝦，成個飯主要係用蛋包，再以茄汁、提子乾、粟米粒、蝦仁製成，非常開胃。可惜我本身對酸甜嘅炒飯唔係有太大興趣，不過整體嚟講都算唔錯。串燒拼盤食得泰國菜又點少得串燒拼盤呢？泰皇閣嘅串燒份量都算係比較多，雞腎、雞肉、墨魚丸都幾夠火候同大件，唯獨墨魚丸味道比較一般，如果鐘意食雞腎嘅朋友可以一試。蝦醬炒通菜炒通菜亦都係泰菜常叫嘅一味餸，喺食咗咁多飯同肉之後當然要有返少少蔬菜做點綴。蝦醬味嚟講唔算太濃，成碟通菜出到嚟鑊氣都好足夠，而且份量都好多，兩個人食絕對係有突！味道 ⭐️⭐️⭐️服務 ⭐️⭐️⭐️⭐️環境 ⭐️⭐️⭐️性價比 ⭐️⭐️⭐️