淘園火鍋館

天氣禁凍，最適宜打邊爐， 知道老公最愛打邊爐， 呢晚接佢放工去左附近的<淘園火鍋館>打邊爐~ 好才有訂台，去到已經坐滿八成~ 火煱配料選擇都好多，價錢亦唔太貴~ 火鍋鍋底有十多款，我地點左<花甲水蟹鍋>， 有粟米、冬瓜片、芫荽、秀真菇，仲有大量花甲， 花甲大大隻幾鮮味，水蟹的肉質都五錯， 湯底味道偏淡，有少少失望~ 因為最近食得太多牛，所以今次肉就點左<西班牙黑毛豬> 薄切易熟，肉質鮮嫩~ 見到飽魚幾靚，點左2隻<大連鮑>  大大隻，新解爽口 <花膠筒> 每次火鍋必點，大大隻花膠，好正~ <黃沙豬潤>  滿滿的一份，份量十足~ <蝦滑拼墨魚滑>  墨魚滑夠膠彈牙， 蝦滑夠鮮味， 配上蟹籽更有口感! <新鮮黑柏葉> 老公最愛，雖然個樣黑黑的，夠爽口好正~ <水魷鬚> 新鮮，魷鬚好粗大!! 最後點左<唐蒿>中和下先~ …查看更多

這晚同吃的朋友是日本料理粉絲, 本想約我吃刺身. 但我不生性的胃不容許我吃太多生冷食物, 這天只好改為約去打邊爐. 要求多多如我, 不太喜歡一班人吃著一個混濁的湯底, 正好這天是2人小聚, 便找了家朋友推介的雞煲翅火煱, 點些較清淡的食物聚一聚. 湯底已一早選定點花膠雞煲翅, 女仕也可借言美容來滿足一下自己. 價錢上比外面的豬骨湯底及清湯底貴了一倍, 但我向來不愛那些濫芋充數的湯底. 店子的格局像小菜館多於火煱店, 令我眼前一亮的是店裡的一個大酒櫃, 相信老闆是愛酒之人, 結帳時忘了問店子是否免開瓶費, 可惜. 調味盤較簡單, 生熟蒜, 辣椒及蔥, 但太多調味有時會搶去食物的原味, 這裡的四款調味料既不多又不少. 聽說這裡的刺身種類豐富, 但不宜吃生冷的我, 只能點一款兩人分, 本想點份牡丹蝦刺身讓朋友滿足一下, 但店員說已沽清只好點越式生蝦刺身. 沒想到蝦肉新鮮, 肉質結實, 沾醬的泰式辣汁帶出蝦肉的鮮味. 由於待會有雞湯暖胃, 我亦不客氣的吃上3,4隻. 主菜的雞煲翅上桌, 店員著我們先讓煱內的雞湯先滾熱一下, 然後可以嚐嚐裡頭的雞湯及材料, 首先嚐的雞湯, 朋友的第一反應是很像媽媽煲的雞湯. 而且看到雞煲有仔細的去掉面層的雞油. 湯嚐起來鮮甜, 最近缺少湯水的我不禁干了三碗. 裡頭的翅很大塊, 咬起來較粗糙但以價格來說自不能多作要求. 雖粗糙但沾少些醬油脆脆的口感很不錯. 花膠的質感軟腍, 雞湯的味道入得不錯, 整煱的份量並不少. 一個人有夾了2-4塊. $28的冬瓜賣相不錯, 厚薄切得剛好而皮的部份削得漂亮. 在未放其他食材前用冬瓜吸收雞湯的鮮味正好. 油麥菜新鮮爽脆, 也是乘著未放肉食前先焯蔬菜類, 可能是雞湯太鮮味而令我不期然由淡至濃, 由菜, 海鮮至牛肉. 墨魚滑彈牙, 但蝦滑味道更勝墨魚滑, 用小羹切少許放進煱內焯一會便可吃, 未放牛肉的雞湯清晰鮮味令蝦膠味道更上一層. 味道上給4分, 但整體分數會給5分, 可能看官會覺得不可能, 但這個分數是因為$78的美國牛肉, 份量上不少, 而牛肉的肉味仍濃, 雖則牛肉有稍硬的筋位. 但$78的牛肉自不可能與$XXX的本地肚牛相比吧? 由於是二人光顧, 湯底要二人分擔費用, 但$570的價格吃到的食材豐富, 雖然很想試試另一款龍蝦大蜆煱, 但這個雞煲翅會再跟另一班朋友光顧一次試試. 翻食指數: 80分.  食材價格不高但質素有水準, 交通上不太方便, 但鄰近柯士甸站故只略扣少許分數. (此指數平衡店舖交通, 味道, 環境, 價格... 等等, 個人作出的評價.)附上餐單作紀錄.…查看更多

雖然冬天未到, 但踏入九月已開始有入秋feel, 加上多雨水, 氣溫的確降低了. 之前天氣熱,  己有一段時間無打邊爐, 上openrice搜尋下, 見到淘園個花膠雞煲鍋翅幾吸引, 於是就來了. 一心一意來食花膠雞煲鍋翅, 坐底見到張菜單, 實在太多選擇了, 真會令人三心兩意的, 不過最後都下定決心要花膠雞煲鍋翅, 其他煲唯有下次再來食啦!店雖然不大, 但四面都有電視, 要追劇都無問題. 另見到水吧頂有好多美酒收藏, 相信老闆都係愛酒之人, 愛酒之人通常都好熱性好客. 花膠雞煲翅鍋 $218: 用料足, 湯底是真材實料熬出來, 配料唔點醬料都夠味. 花膠同魚翅都大大塊, 而且好多, 雞件大大舊有肉, 唔係得骨頭.蝦滑拼墨魚滑 $68: 新鮮, 結實有彈性, 份量足, 唔會介得幾舊就無. 而且可以兩種滑溝埋一齊食, 一啖食到兩種口味 美國肥牛 $78: 帶有牛肉羶香, 肉質有嚼勁而不鞋不韌 冬瓜 $28: 最後食幾件冬瓜件, 冬瓜盡吸湯底及配料精華, 而且係厚切大舊, 滾一段都不會過諗及溶甩 竹庶茅根水 $32: 微甜剛剛好, 沒有過份添加糖, 潤喉清熱之餘亦可清清味蕾 埋單二人$499 連加一, 足料抵食, 過一排要再來!! 走時見到有一班人訂左枱來食, 上左閣樓, 睇來閣樓可以坐唔少人…查看更多

之前在渡船街食過一間迄今為止最美味的火鍋店，趁親友出來晚飯，本打算帶他們試試，豈料到步後才發現食店已經結束營業。但在毗鄰卻發現開了另一間新的火鍋店，見餐牌價格不貴，而眾人都不想再尋尋覓覓，遂晚飯就定在這裡。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊淘園沒有亮麗的門面，裝潢跟一般港式火鍋店差不多，最引入注意的要數玻璃上那數十幅明星合照。甫坐下，先來一碟花生($10/碟), 桌上亦已備有各式醬芥(茶芥$10/位)讓食客加在豉油內。招牌龍蝦大蜆鍋($288)火鍋店單是鍋底都有十多款，選擇都算多，但見龍蝦鍋跟雞煲都是一樣價錢，大家當然都選擇前者。龍蝦鍋表面放滿粟米、南瓜、秀真菇和芫荽，先呷一口湯試試，鮮味不算太突出，不過以此價錢都不能要求太高(早前在另一家火鍋店吃過龍蝦鍋，價錢就比這裡貴了近一倍)。鍋內都有十餘隻蜆，蜆大小剛好，不會太小吃不到肉，又不會太大隻令肉質變韌，鮮甜得來沒有沙。龍蝦已預先斬件，方便食用，肉質爽彈，但龍蝦味不算太突出。自家製山楂茶($32/渣)山楂茶雪得夠凍，入口酸酸甜甜，正好可以解去火鍋的膩滯。脆鯇片($38)脆鯇片表面帶有光澤，貌似都頗為新鮮。脆鯇片入口帶點脆口，是我其中一樣最愛的火鍋料。蝦滑拼墨魚滑($68)雖然每款滑份量不算多，但勝在可以一次過試兩種滑。墨魚滑入口極之彈牙，味道不錯。蝦滑口感不及墨魚滑，但都能嚐到淡淡蝦味。魚皮餃($38)魚皮餃一碟有八粒。餃皮是應有的滑口，肉質帶點彈口，味道不錯。牛骨髓($38)牛骨髓份量都頗多，沒有瘀黑，感覺乾淨。牛骨髓入口軟滑，帶點彈口。新鮮肥鵝腸($58)鵝腸分量同樣頗多，呈粉肉色，感覺乾淨。雖然未煮熟的鵝腸貌似蠻多肥膏，但煮熟後口感卻非常爽彈，不會有吃肥膏之感，非常美味。蘿蔔($28)蘿蔔是吸味之物，最適合放到最後才吃，蘿蔔沒有渣，吸了湯汁內眾多食物的精華後，簡單的蘿蔔也變得很好味。總結，食物價錢非常親民，火鍋料都新鮮好味，不過鍋底就較為清淡不太突出。…查看更多

今日同大少有免費飛去迪士尼，去完又係到唔合食咩好嘅時候，離開迪士尼之前，我地決定去葵芳食團購最近有得買嘅蜂巢雪糕先，一路食一路諗~~最後決定出佐敦食“大鍋口”，點知……上到去，2人枱截晒飛，要到9點先再派飛，重有成個半鐘，大少嬲嬲地話，不如去搵雞煲食，本身想去我話好食嗰間，點知……有失憶症嘅我，唔好話間嘢喺邊，我係連個名都唔記得最後大少帶咗我去佢打泰拳嗰度啲人話好食嘅淘園~~淘園雞煲 - 我第一次食雞煲係唔係一路煲住一路食，佢係煲熟晒啲雞先拎出嚟俾客人食，嗯……我覺得OK，因為食開雞煲都知，汁其實得好少，一路煲住，只會令啲汁越煲越少，有時重會搞到癡晒底，雞煲入面有好多薑、唐芹、黑木耳、菇，我地要咗小辣，本身我就覺得OK，大少覺得都辣，但係當我食啲黑木耳，有少少汁就覺得有啲啲辣，我地都覺得唔係我地食過最好嘅雞煲，不過都OK~~薑蔥撈魚皮 - 呢個本身係冇諗過叫嚟食，係個侍應見我地雞煲未到，叫我地不如叫少少小食食住先，咁其他嗰時都冇乜興趣，就叫呢個魚皮食吓~我同大少都覺得少咗啲香味，不過我覺得個魚皮都幾爽口，可以一試~自家鮮蝦雲吞 - 嗯……雲吞其實我成日都好想知，究竟多豬肉定係要少豬肉，如果係要少豬肉嘅，呢個真係一流，因為佢個雲吞都幾大粒，好多蝦~~蝦滑拼墨魚滑 - 呢個唔錯，蝦滑重有蝦，唔係全部都打晒滑，有啲蝦咬吓，墨魚滑都一樣，重有啲墨魚咬吓鯇魚腩 - 都唔錯，好多鯇魚都會有泥味，呢個就冇~~P.S. 最後我地食完淘園之後，唔心息，去咗搵我話好食嗰間，原來叫“隨變”。…查看更多