牧羊少年咖啡館 (香港單車館)

星期一晚上來到，選擇了望窗的位置人不多，十分舒適有差電位，很乾淨，溫暖的木系M6 三文魚籽和風蜆肉意粉味道不錯，蜆肉和三文魚籽都很多不過意粉份量唔會好多，食量大的話要加點小食M2 明太子鮮蝦意粉蝦都有幾隻，味道幾香可以自助去拎Tabasco, pepper, cheese 粉蜜桃奶酪強烈推介，比較少地方有賣而且味道很好有奶香奶味，質地好滑，同時有桃肉粒和桃香，清甜，飲完仲會有飽肚感跟餐叫可補差價餐牌要到旁邊正門進入環境清幽…查看更多

哩間Cafe系我同女朋友嘅「老地方」，唔係指我地系度識，係因為哩度有好重要嘅回憶，不過今次第一次寫篇食評，唔講故仔😂位於將軍澳單車體育館嘅Cafe，除左空間都頗大，入面真系有單車🚲架！我地絕對唔系因為做完運動過嚟食，而系哩度環境好舒適，枱同枱之間夠空間，可以兩個人好好咁傾計。今次係平日夜晚嚟，唔需要等就有位，就算星期六日都好快入座。坐低睇完Menu需要出去counter order。我哋好少order二人套餐，因為我哋都幾細食，套餐有一個前菜，兩個主食，兩件cake同兩杯嘢飲。所以我哋叫咗一個飯、一個意粉，女朋友話想食芝士薯條，就叫多咗個小食，叫咗一杯野飲。漢堡系幾dry下🤦🏻‍♂️好在有啲sauce蕃茄汁甜甜酸酸幾好，份量都幾多。芝士薯條熱辣辣🤤芝士醫溶系面幾正，但要襯佢夠溶快啲食，不過系幼薯條，我女朋友扣左佢分🙊鍾意Peach味嘅我哋淨係叫左哩杯奶酪😋走唔甩餐廳系自助式斟水，會比個牌你等人上餐，哩個時候男朋友要「醒水」去斟杯水翻黎，然後同女朋友selfie下先🙊另外有個App可以儲coin換coupon for 送小食/其他優惠，消費每$50就有一個coin，但coins有期限使用，雖然系「老地方」，但隔下次翻黎食時啲coins已過期🤦🏻‍♂️【情侶必選】除左系環境好適合之外，其實情人節就算無booking，walk in都唔洗等好耐就有位，價錢仲唔會斬你一鑊😆…查看更多

臨近比賽，今晚在單車館book 場練習，就在舞蹈室對面，看到新開了一間餐廳，原來是有數間分店的牧羊少年咖啡館，一直都想試一試，不過未有機會，既然就在眼前，加操後又到了醫肚既時候，當然要捉緊機會，去吃個晚餐吧！在體育館內，實在估不到有一間如此有格調的餐廳，晚上的咖啡館特別有情調，在昏暗的燈光下，加上寧靜的環境，相信是情侶們或相約三五知己傾談的好地方！餐廳是半自助形式，先自己到收銀處點餐，有自助餐具區和自助取水處 ，點餐後待應會把食物送上。這裡有我最喜歡的黑松露醬薯條($48)，我當然點一客來吃吧！薯條份量也不少，薯條炸得金黃，粗粗的，每條薯條內都有很多薯仔肉，外脆內軟，點上黑松露醬，惹味幽香，好味啊！本想吃英式早餐，不過今晚沒有供應，所以點了菠蘿辣肉腸薄餅($108)，size 不算很大，是我喜歡的薄批，批底很香很脆，配料十足，菠蘿juicy又甜，辣肉腸夠晒辛辣，加入了雙色芝士，十分特別。看到心太軟朱古力蛋糕只售$49，叫了一客。心太軟外面焗得脆脆的，兩球大大的vanilla 雪糕，不算甜而且都幾香滑。心太軟內是流心dark chocolate ，甜味適中，和一口心太軟蛋糕，一口vanilla雪糕，又是最佳的配搭。 點了杯少冰版蜜桃奶酪($40)， 大大杯的啊！清新的桃味，十分解喝呢！總括而言，食物味道不錯，坐得很舒適，不過晚上看不到外邊的景色。下次要找個白天前來，邊吃邊欣賞外面的美景，看看書，喝杯咖啡，相信又是另一番的感覺吧！…查看更多

約咗朋友晚上去單車館打波，懶得諗去邊食，朋友話直接在單車館餐廳食啦~本來預咗cafe，食物質素一般般，但原來都有驚喜。諗住打波唔食太飽，叫咗個牛柳粒同千島海鮮pizza，輕食一下。當然... 俾我見到雪糕waffle，甜品是不能少的...食物:牛柳粒份量都幾足，外皮未係好脆身，但味道足夠，有黑椒既香又有蜜糖既甜，一啲都唔un。:)嘩，Pizza一上枱，原來都幾大塊!! 最欣賞廚師的細心，每一小塊都有齊所有配料: 蝦、墨魚仔、蟹柳，好均勻分配，樣樣都試到。隻蝦真係超大隻，隻隻都爽口，個千島醬亦好多、好出，甜甜酸酸好鬼惹味。唔知係咪汁太豐盛，個pizza未係好脆身，但咁足料就已經補足返啦!雖然食個pizza係有啲飽飽地，但我呢個肥妹總有食甜品既胃。叫咗比利時之戀~ 即係朱古力味waffle雪糕~ 呢個甜品真係超級好食 朱古力waffle唔係得色無味，每一囗都好重朱古力味! 外脆加厚厚內層，淨食waffle已經好享受~~~~ 夾埋曲奇雪糕，冷與熱既配搭，perfect!! 掛住食雪糕同waffle, 我都忘記咗仲有oreo餅...呢杯蜜桃奶酪，應該就係飲得既yougurt，蜜桃味唔止清新，仲真係食到少少蜜桃果肉，真係打出黎架香甜少酸，中和剛剛pizza+肉既膩感。:)環境:好大，有空間感，而且裝修好靚，係充滿文青味道既 好適合買杯咖啡，坐下Hea下做下野，收集靈感既cafe~~ 服務: 以自助式為主，先付錢下單，找個靚位坐，職員稍後會送餐上枱，到顧客走先會收碟。整個時間都好free，可以自由酙下水、拎調味/菜單，慢慢諗食咩先去下單都得，好適合靜靜地慢活既客人。…查看更多