Yung Chicken Beer

營業中

休息中

之前食過灣仔呢一間炸雞, 今次就試下土瓜灣呢間分店. 我地叫左個蜂蜜蒜蓉炸雞,少辣.原本以為應該係甜甜地既味,結果係勁辣,辣到我地一路流眼淚一路食, 加上汁太多,所以真係好辣.如果下次再幫襯可能會試其他味~

母親節到到都係孝子孝女同母親食飯，當然我都不例外啦。不過媽媽就唔想去同人迫，近近地食餐飯就夠。土瓜灣近年都開左幾間韓國餐廳，但都未曾嘗試過，咁岩我地經過見無咩人，環境都唔錯，就決定食呢間。餐廳範圍比較細，環境都有別於一般韓國餐廳，風格好似比較外國feel，燈光都比較暗，如果係一班朋友吹水都幾好氣氛。食物品種不算多，但主要食品都有。我同媽媽兩個人就叫左半隻炸雞同泡菜煎餅，都係去韓國餐廳必食既野。叫完野食，就即時有兩碟小菜送上。沙律醬椰菜就無咩特別，個人覺得換成蛋黃醬會比千島醬更配椰菜。醃蘿蔔酸酸甜甜，是吃炸雞很好的配搭，消下肉既油膩感。煎餅比平時食開既唔同，較薄身。有啲似茶樓既薄餐，但係係泡菜味。欣賞當中有八爪魚粒粒，令口感豐富，但略嫌泡菜唔夠多。一上菜以為蒜蓉變蒜頭，同埋個底啲汁多到浸住炸雞，以為會淋。點知又唔會喎，依然保持外層脆卜卜。咬落好香蒜味，不過食食下有啲辣，外層炸粉唔算厚，但肉質有啲鞋，唔夠滑身。整體中規中矩，沒有驚喜。食食下聽到隔離枱講中午會抵食啲，下次搵機會試下食中午先。

李家呢個位本身都係一間韓國嘢，係一個韓國姨姨開嘅。中學不時會去食，但係佢執咗之後都冇乜過嚟呢邊食嘢lu～有時經過會見到原來開咗間新嘢，係食炸雞嘅，一直都等緊人陪我食😛有次個朋友約食飯，佢就揀咗李家喇。佢話食過幾好味，而且果陣我先知原來李家有好多地方都有分店架，本身仲以為得一間細細地咁～我哋去到嘅時候入面都已經有好多人食緊，但我哋唔洗等位就有位坐喇～間舖有外面嘅位置方便人食煙嘅，而我哋就揀咗坐入面牆邊位～燈光暗暗地，又有啲霓虹燈裝飾，幾好～首先有前菜～醃蘿蔔同埋沙律因為我朋友食過，所以嗌咩都係佢發板～首先就嗌咗兩個嘢飲～我都唔記得咗係咩名喇，黃色果個係類似lemonade，無酒精嘅，而粉紅色果個就係酒嚟嘅～不過兩個都好好飲。而且食韓國炸雞有點可以唔配啲凍嘢飲呢？呢個蜜糖蒜蓉炸雞，雖然張相影唔到，但係啲雞下面係有好多蜜糖醬架！點嚟食就好惹味～而且啲雞炸得啱啱好，又香又脆～我一向都好鍾意食蛋，而且好似去親邊間韓國嘢，芝士雞蛋卷都係必嗌嘅嘢食～所以我哋嚟到呢度都嗌咗～呢度嘅蛋卷係無預先幫你切好嘅，比你自己切。而最興奮就係見到一拉嘅時候有芝士拉到出嚟雖然嗌得兩樣嘢好似好少咁，但係兩個女仔食絕對夠