Pizza Maru (海運大廈)

營業中

休息中

這間Pizza店荃灣開張的時候已經很想去試，但無奈長期都大排長龍，所以一直沒有機會去食。聽聞尖沙咀海運LCX開了一間，而且仲面對無敵大海景，所以即刻相約好姊妹們晚上去食。要了一個漁夫蕃茄燴海鮮～碟上有幾片類似pizza的麵包圍邊，吸收了韓式忌廉醬pizza變得軟腍腍，口感一般般，但勝在味道搭夠，青口和蝦都鮮甜，還有幾粒帶子，亦都吸收了醬汁的味道亦不錯。群蟹派對Pizza ～pizza批底厚薄適中，軟熟中大小小煙靭，口感一流，配搭蟹肉、大蝦、紅椒加其他配料，除了賣相吸引之外，味道和顏色配搭得都非常出色，在灑上絕配芝士同焗非常好味。蟹肉飛魚子意粉～材料相當豐富，除了蟹肉、蟹肉棒外，還有大量飛魚子和芝士，食落口感層次豐富，四個人share食就剛剛好，如果一個人食一碟應該會十分之漏滯。蜂蜜牛油炸雞配粟米燒，炸雞表面灑上大量的粟米粉配搭都幾新奇好味，脆粉皮薄香脆，火候控制得剛剛好雞肉不會嚡實，還有少少肉汁，確實好食到停唔到口。