老厝邊

營業中

休息中

餐廳裝修好有台灣風味同特式，好喜歡餐廳以簡單撲素就是幸福嘅概念，簡簡單單食一餐台灣菜都可以搵到幸福嘅感覺！🐮眷村牛肉麵 $69可以揀紅燒湯，或者比較特別嘅麻辣湯同蔥油乾拌，我地揀番傳統紅燒湯湯底濃郁，牛骨味香，麵係幼身台灣麵，麵質比較淋。牛肉係厚切牛展，燉得夠入味。🐔雞滷飯 $45一般台式餐廳只有滷肉飯或者嘉義雞肉飯。小孩子才做選擇！呢到可以揀番兩樣！滷肉油脂好香雞肉好軟好滑，好似沙律雞肉咁，雞肉伴埋滷肉汁食更好食！🍳薯餅起司蛋餅 $36去台灣真係必食蛋餅做早餐！最近都冇去台灣，所以去食台灣野會好想食蛋餅，估唔到係成件薯餅夾落蛋餅到，薯餅香脆同蛋餅都好夾，芝士仲有輕輕嘅拉司效果，好喜歡加左薯餅嘅蛋餅🐸青蛙撞奶 $27兩杯飲品都揀左具台灣傳統特式嘅飲品。青蛙撞奶啫係近年大家常飲嘅黑糖珍珠鮮奶。加左黑糖嘅鮮奶比較甜，對我黎講甜度適中而且飲甜野就有滿滿幸福感！🍋蜂蜜檸檬愛玉 $24清新嘅檸檬香味加上微甜嘅蜂蜜，非常解渴！揀滑嘟嘟嘅愛玉零負擔，比珍珠健康！

有事做要去奧運站，唔想食商場嘢，行過埃華街走一轉，被門口招牌嘅一句『台灣的古早味』吸引到，試吓🙋🏻‍♀️💚「紅燒湯半筋半肉麵」($76)，麵一到已有香濃嘅湯底味道，紅燒口味湯頭濃郁，少少甜少少辣，少少中藥材香料味，入口順口，食完唔會好口渴👅有三大塊牛腱肉，三件牛筋，全部厚切，牛肉肉質有咬口，入口亦好腍，有花時間熬煮，入口即化，牛筋腍而帶嚼口，索晒啲湯汁，滑潺潺嘅口感好正😇幼麵麵質比較軟身，口感頗Q；蘿蔔完全煮透，香甜👏🏻飲品點咗「蜂蜜檸檬愛玉」($24) 少糖🍋味道OK，少糖都好甜🤭座椅寬敞舒適，店員態度友善😊BGM不停播台灣歌，邊聽邊食🎶👍🏻

咁啱下午茶時段到就嗌咗2個餐加啲小食有13款食物選擇同埋8款飲品🥔薯餅起司蛋餅 $43蛋餅皮見到金黃色薄脆內心帶點少煙韌有幾塊切開咗嘅薯餅同埋大量芝士薯餅雖然配搭餡料但都仲係香脆而且出奇地唔會好油膩配搭鹹香拉絲芝士超級好味🥩起司肉鬆蛋餅 $48絕對係經典配搭一份切成6件 蛋餅皮同樣微脆好咬肉鬆自帶脆脆口感 又有啲韌韌哋口感煙煙韌韌配合甜甜辣辣嘅醬汁更有層次🥟紅油抄手 $40一份5粒抄手 大大粒好飽滿豬肉餡肉香有油脂感 配搭蝦肉有肉汁又有彈性外皮好透薄做到皮薄餡靚醬汁大概係辣油混合醬油 鹹鹹辣辣令人想一粒接住一粒食🧄台式蒜片香腸 $34香腸切成一小段一小段肥嘟嘟啖啖肉又多汁有層味粉包裹著 鹹香惹味上面放咗啲蒜片 可以一件香腸一塊蒜片層次感upppp🦑香炸花枝丸 $32花枝其實就係墨魚 新鮮即炸 炸到金黃色外脆內軟口感Q彈有食到啲花枝碎塊 🍋蜂蜜檸檬愛玉可以揀甜度同埋冰量我叫咗微甜少冰愛玉有厚厚嘅一層 滑捋捋又有啲嘢咬味道偏酸好清新酸爽有提神嘅作用！🥤古早味冬瓜茶味道好舒服順滑 超啱天氣熱嘅時候解渴嗌咗少甜少冰但比檸檬愛玉更唔甜對於飲開無糖嘅我就好滿意啦

今日同朋友專登嚟大角咀，想試吓呢間老厝邊，原來佢台語係老鄰居咁解䆁，我哋大概2點3嚟到，已經係好多人排晒隊，我哋大概都等咗15至20分鐘就有得入去啦。餐廳以老台灣為主題設計，一解思鄉之情。眷村紅燒牛筋牛肉麵 $70嚟到台灣餐廳當然要試吓牛肉麵，紅燒牛筋牛肉麵湯底香濃帶甜，除咗有牛肉味，另外仲有花椒八角香材味。牛肉份量多，牛肉好軟熟又嫩身，牛筋炆得好冧，好有骨膠原嘅感覺👍🏻。另外有好多蒽花、醃菜同少少麻辣油，撈埋一齊食更帶出牛味。麵條有嚼口，可掛湯。豪豪雙醬麵 $48呢款係拌麵，左右分開兩種味道，一種係麻醬，一種係麻辣，可以一次過試晒兩款口味。麻醬配青瓜絲，麻醬好濃，好香芝麻味，撈麵好惹味。麻辣味有肉粒同豆腐粒，有辣味外仲有啲蒜香味。不過淨係麻醬會容易飽，撈返啲麻辣醬就balance返。超濃芋泥蛋餅 $38我好想叫佢好耐🤤芋泥同芝士滿溢，流晒出嚟。芋泥好幼滑又綿，加埋芝士肉鬆，餡料好豐富。蛋餅雖然有芋泥，但可能有芝士都係偏鹹為主。佢另配一個辣辣哋嘅醬汁，可以減膩。蜂蜜麥仔茶 $21麥茶濃味，茶色為深啡。蜂蜜唔係假甜個種，亦唔會話過甜。蜂蜜檸檬愛玉 (60%糖) $22蜂蜜檸檬酸酸甜甜，我

滷肉飯（大）正常份量和水準，適合充饑飽肚。古早味冬瓜茶（微甜）（熱）可能台灣飲品就係咁？即使叫咗微甜，但其實都仲係甜。下次或者可以直接叫走糖😂芋頭鮮奶（熱 ）你鍾意飲，因為真係有芋頭泥可以用飲管吸到入口蜂蜜檸檬愛玉有人覺得太酸，對我來講就啱啱好，切凍嘅柑桔檸蜜。不過佢舊愛玉（類似啫喱咁嘅野）實在太大，基本上用飲管係飲唔到，口感上爭咁啲。紅燒牛肉三寶面（乾拌麵）雖然話係乾拌麵，但其實上碟嘅時候感覺有啲似濕炒河。我將佢放喺雪櫃第二日，抽乾水食，先有拌麵嘅感覺😉 不過，牛肉，牛筋都係冇得頂！高質量嘅紅燒牛筋麵所以，即使就咁叫一個牛筋面，其實都好抵食。基本上擺落口，你唔會覺得佢係「筋」，係啫喱，仲林過愛玉。涼拌豬耳 及 香炸魷魚鬚其實送酒就最好，可惜冇酒～但豬耳本身唔會太辣，係幾好嘅涼拌菜。魷魚鬚就外表趣之餘，裏面都幾彈牙！算係真材實料。超濃芋泥蛋餅 vs 薯餅蛋餅兩者嘅配搭感覺有啲奇怪，因為芋頭泥忯甜，但外表嘅蛋餅其實就比較起來，就算係鹹；加上果個醬汁都係鹹。🤔 未能理解呢種配搭。所以，如果你食過薯餅蛋餅嘅話，呢個就相對上比較遜色。因為薯餅本身已經好惹味😍 再加埋佢個醬汁有少少似番茄醬～ 所