火鍋撚 (日富里百好大廈)

呢間係西環嘅火鍋撚我bookmark咗好耐 原來佢都開咗成10年😎 最近終於同男朋友去咗試😆😋 湯底同埋食材果然都好高質 估唔到佢嘅甜品賣相都咁靚～～ʕ •ᴥ•ʔ❤️ 呢度裝修好有feel🏮佢另外喺中環都有分店！✻蜂巢豆腐白湯鍋 HKD160好足料好好味嘅湯底🫶🏻 有人蔘、紅棗、鴨血、蜂巢豆腐等等 逢星期一至四仲可以無限添加鴨血或蜂巢豆腐超抵！🤍 豆腐吸晒湯底啲精華之後一齊食超滿足～～✻極品安格斯肥牛（小) HKD193賣相好靚嘅肥牛😆 同男朋友兩個人食就啱啱好！安格斯肥牛肥瘦適中 好香牛味😋✻五色丸丸拼盆 HKD128有海味花枝丸、蟹籽手打蝦丸、流心鹹蛋黃豬肉丸、手打雙重芝心丸同埋海瑞香菇貢丸五款～ 每款有兩粒樣樣都可以試吓幾好！手打丸全部好彈牙😛 芝心丸流心好正🧀✻瑤柱干貝滑 HKD87瑤柱干貝滑好鮮甜💕 口感同樣好彈牙✻特級牛脷托 HKD102牛脷味好濃厚 口感爽口😚 而且份量都算幾多～✻黑松露菌醬爆漿牛丸（半）HKD59雖然得三粒唔算多 不過真係幾高質！一打開就有黑松露菌醬爆漿😎😆 好濃黑松露醬🖤我哋另外叫咗以下嘅嘢食：✻皇帝菜 (半）HKD30✻稻庭烏冬 HKD42 口感煙韌好正！！✻老油條 HKD29✻竹蔗芋根紅蘿葡馬蹄水（渣）HKD78 甜度適中好清甜解渴💛最後仲有甜品送😚可以揀仙草芋圓或者沙冰～～✻仙草芋圓用咗「萬壽無疆」茶碗好吸睛❤️ 紅豆配鮮草 芋圓粒 同珍珠～ 甜甜地好滿足🥰✻腐竹雞蛋糖水沙冰用咗酒杯仔做容器好特別！💚入面係腐竹雞蛋糖水沙冰 好清甜估唔到咁好味！…查看更多

大隻仔今次覓食嘅店舖就係💥 火鍋撚 💥 大隻仔今日介紹呢間餐廳，以白之美人鍋湯底、秘製台灣麻辣火鍋湯底而聞名，仲有台灣直送既鴨血，手工包製雲吞、水餃，手打包芯丸一樣好出色。而最驚喜就係最後送上既免費甜品，腐竹雞蛋糖水沙冰，甜甜地做甜品一流，凍冰冰又可以降火，真係好正。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 蜂巢豆腐白湯鍋 $160 （另加一服務費）用咗洋蔥、青蒽、大蒜、薑片加入黨參、紅棗熬製而成嘅白湯底帶有微微藥材味道 ，感覺好養生，湯底入面已經有蜂巢豆腐、鴨血，而且仲可以免費添加，吃到飽。鴨血用料夠靚，夠滑，好Q彈，一食就知係鴨血，唔係豬紅。蜂巢豆腐吸收晒湯底精華，好好食。🔥 加拿大野生象拔蚌（小） $338（另加一服務費）$338有咁大盆，真係好抵食，而且好新鮮，肉質夠爽，點Wasabi豉油當刺身食又得，放入白湯鍋白灼幾秒即食，一樣咁好食。😋😋🔥 極品安格斯肥牛（大） $286 （另加一服務費）安格斯牛肉，油花分布均勻，牛味重，而且肉質好滑，放入白湯鍋灼幾秒，半生熟狀態，真係入口即化。🔥 法式龍蝦湯爆漿牛丸 $99 （另加一服務費）自家製龍蝦汁爆漿牛丸，功夫菜式，食嗰時要小心入邊龍蝦汁十分之熱，龍蝦汁味道香濃，完全好似飲緊龍蝦湯一樣。🔥 鮮蝦雲吞 $72 （另加一服務費）雲吞好似乒乓球咁大粒，用上新鮮蝦、豬肉，味道不錯。🔥 即炸3秒響鈴卷 $58 （另加一服務費）即叫即炸，響鈴上枱時仲熱辣辣，可以點甜酸醬食或者放入湯底3秒，吸收晒湯汁，一樣咁好食。🔥 杞子龍眼菊花蜜 $78/渣 （另加一服務費）食火鍋最怕熱氣，尤其是夏天，大隻仔當日飲完「杞子龍眼菊花蜜」，第二日完全冇熱氣。「杞子龍眼菊花蜜」有護肝，清熱解毒，潤肺功效。味道甜甜地，幾好飲。🔥 華田可力沙冰 $38/杯 （另加一服務費）沙冰味道夠，唔會淡而無味，華田味道比可力重，好夠冰凍，食火鍋飲沙冰配搭一流。溫馨提示：餐廳收取醬料費$10，但唔需要收茶位。…查看更多

香港這兩三年內經濟不斷收縮，能夠捱得過2019 至2022年新冠病毒侵襲而又能生存下來的食店；應有一定的實力。位於石塘咀的火鍋撚就是其中一間。今天相約朋友於此就因為它的美食採用新鮮材料和價錢公道。 原本以為是星期二，再加上幾天公眾假期過後人流應會小D， 但約七時過後仍坐無虛席。首先來個蜂巢豆腐白湯鍋。 這個湯底除了有 蜂巢豆腐外， 其實還有鴨血和其他藥材在內； 湯甜料足。 據職員說逢星期一至四還可以免費加添蜂巢豆腐和鴨血👍。除這個鍋外 我們還叫了極品安格斯肥牛。食時真心覺得沒點錯，入口軟滑有即溶感覺。爽脆生腸果然爽口不黐牙食得痛快。蝦滑用海蝦打造真材實料 ，咬落煙煙韌韌有口感。 鮮蝦雲吞用鮮蝦和豬肉做成，大大粒超抵食。此外我們還點了白菜仔和皇帝菜，兩款蔬菜都很新鮮。 由於我們只有兩人關係，雖然食肆還有很多美食；但只有留待下一次幫襯時再品嚐。 順帶一提這裏的醬汁配料有很多選擇，可讓客人因應個人喜好隨意配搭。 食完火鍋後還有自家製甜品奉上。我們選擇了雞蛋腐竹沙冰，賣相型格和最重要是味道不會太甜。😋😋…查看更多

同閨密打邊爐撐枱腳，欣賞火鍋撚好多卡位坐得舒服。蜂巢豆腐白湯鍋-蜂巢豆腐同鴨血星期一至四可以免費追加，但其實鍋本身已經有好多！姐係鴨血愛好者清哂鍋本身有的都好夠-白湯濃得黎不膩，微微藥材味，歡喜！蟹籽手打蝦丸-加左蟹籽入去口感UP，手打出嚟好彈牙！-欣賞佢可以叫半份，兩個人食最岩黑松露墨魚滑-黑松露並不是浪得虛名，松露份量一啲都唔少，成個味道提升左御用手切肥牛-唔係脂肪爆多但牛味好濃，每片都好薄好完整唔係碎濕濕黃沙靚豬潤-平時係屋企少食，每一塊都好厚好肥美-真係黃沙，好粉嫩新鮮白鱔片-樣子平平無奇但下次一定會再叫，好肥美-新鮮鱔完全冇怪味鮮味十足黃金粟米-平時會叫粟米打邊爐今次見有黃金版本就試下，估唔到咁好食！好juicy完全唔乾，鹹蛋黃亦好多每啖都食到…查看更多

Encore了幾次的火鍋店，價錢中上，座位闊落舒適，私隱度高，而且店員也很Friendly和Efficient，當然食物質素也一直保持，沒讓我失望過！蜂巢豆腐白湯鍋 $139湯底滋潤養生，有濃郁的豆香和藥材香。材料豐盛，除了有心愛的鴨血和蜂巢豆腐外，還有紅棗、龍眼肉、百合、一大條人參等。加湯的話也是添相同的白湯，所以湯底只有更濃不會變淡！禮拜一至四還可以Free Refill一客鴨血或蜂巢豆腐，深得我心！極品安格斯肥牛(小/例牌) $168牛味濃郁，雪花也很完美，滾10秒左右就可以了，高質美味！鮮牛黃喉(例牌) $89最喜歡打邊爐嘗試刁鑽部位！外形似腐竹、看名字以為是牛的喉嚨，但原來是牛大動脈的血管，充滿神祕感，吃起來沒有太濃的內臟味道，口感爽脆，幾過癮！脆鯇骨腩(例牌) $78肉白鮮味，太久沒有吃過爽口彈牙又爆魚油脆鯇骨腩了，很滿意！鮮雞件 $88足足有半隻雞的份量，份量比想像中多。五彩鮮蔬籃(例牌) $86最適合選擇困難症又想吃多種類的我，一籃就有齊娃娃菜、菜心苗、蕃茄、粟米、黑木耳，全新都很新鮮，幼嫩無渣，粟米也很清甜！仙草芋圓 Free小碗懷舊Old School，仙草冰凍清涼有彈性，可消解邊爐的熱氣。三色芋圓QQ，還有小丸子、紅豆和珍珠，份量也不算少，質素可媲美甜品店賣$3x的級數。打邊爐附送甜品已夠Sweet，還要這樣高質，吃得出的誠意！…查看更多

天氣有點涼 相約兩位朋友到西環火鍋撚火鍋店晚飯用openrice App book左7点非常方便 平時一般無訂位walk in需在鬥外等半小鐘左右這裏環境舒適, 衛生乾淨 枱與枱之間都有一定空間 我們三位安排坐在寬敞卡位坐得非常舒服 店長推介 蜂巢豆腐白湯鍋 鍋內有很好香料食材(鮮人參 ，草果，花椒，八角， 杞子龍眼肉 ………………等)值得一 試蜂巢豆腐，鴨血 ， 脆骨腩 ，貴妃蚌 和 韮菜餃餐後奉送甜品有芋園及沙冰 各具特色食物新鮮好味道，價錢又合理 這個冬天又有一個好地方與家人朋友聚腳…查看更多

今日同朋友過來西環食晚飯。朋友推介去火鍋撚，讚這店湯底和食材有水準。鴛鴦鍋蜂巢豆腐白湯鍋，有原條人參、藥材，白湯有濃濃豆香味，滋補而不燥。另一湯底媽媽滋補老火鍋，有雞、紅蘿蔔、粟米，猴頭菇等～湯料十足，清甜美味。極品安格斯肥牛(細）牛肉掛在木架上，整整齊齊，油花分佈平均，入口嫩滑，牛味濃。加拿大野生象拔蚌(細）象拔蚌好新鮮，肉質爽甜而鮮。五色丸拼盤有鮮蝦、墨魚、牛肉、豬肉、鯪魚，每款都彈牙爽鮮。美國桶蠔桶蠔新鮮肥美，無腥味，淥熟後亦好飽滿，入口滑溜無渣。𣏌子龍眼菊花蜜打邊爐飲杯菊花蜜，清熱潤喉。…查看更多

之前食過火鍋撚覺得幾好食，火鍋料新鮮湯底亦濃郁，今次約朋友晚飯就試試西環分店。雖然西環分店位置較偏，但如果乘港鐵的話都只是多乘幾個站，在堅尼地城站一出五分鐘就到，比中環店出了港鐵站還要走到半山方便多了。店內以卡座為主，卡座可以坐四至六人，人多都坐得落。醬油茶芥每位$10。湯鍋有六款選擇，鴛鴦鍋收費以較高價錢湯鍋再加$30。左邊是媽媽滋補老火湯鍋($119)，右邊是蜂巢豆腐白湯鍋($133)，鴛鴦鍋即是$163。蜂巢豆腐白湯鍋味道非常香甜，我們每人都喝了兩碗，裡面有很多蜂巢豆腐和鴨血，鴨血夠大塊帶點微彈很好吃。媽媽滋補老火湯鍋內有紅蘿蔔和粟米，非常清甜，有的有媽媽煲的老火湯味道。腐竹雞蛋糖水沙冰($77/渣)味道就跟腐竹雞蛋糖水一樣，潤喉又特別，沙冰打得幼滑，沒有碎冰。極品安格斯肥牛(大)($229)肥牛掛在木架上，擺盤有心思。肥牛脂肪不多，比較厚切，入口牛味較濃。脆鯇魚腩($62)魚腩夠厚身，肉質結實脆口，非常新鮮。瑤柱乾貝滑($78)乾貝滑很彈牙，都能吃到瑤柱。即炸三秒響鈴卷($52)響鈴是即點即炸，上枱時還熱，可以蘸酸甜醬即食或放湯吃，響鈴非常鬆化，放湯的話三秒就足夠，仍帶點微脆卻不會散開。蜂巢豆腐($22)任何湯底都可以加$22追加豆腐，蜂巢豆腐口感比普通豆腐豐富，放湯可以吸收湯鍋的味道，非常美味。五彩鮮蔬籃($79)內有菜芯、娃娃菜、番茄、粟米和木耳，總有一款啱食。芋圓糖水埋單泰送沙冰或芋圖糖水，因為已經點了沙冰我們就選糖水。想不到奉送的芋圓糖水非常足料，以中式茶盅盛載，賣相絕不求其，芋圓煙煙韌韌都幾好食。總結，火鍋料全部都很新鮮沒有令人失望，湯鍋兩款都好味，不過我們較喜歡蜂巢豆腐白湯鍋，座位夠寬敞坐得舒服，收費亦合理，一定會再幫趁。…查看更多

以前都聽過這一家火鍋店, 名字好記又有氣勢! 跟朋友去食後就發現不得了, 一吃便愛上~ 每個食材都很高質!!調味配料也比平常多, 我發現那個陳年XO醬很香!! 一定要加它~看到湯底都好吸引, 最後還是選鎮店推介的蜂巢豆腐白湯鍋, 一鍋的白湯, 中間有一條很粗的參條!!一直吃都會感到淡淡的參香味!! 豆腐及鴨血份量, 很後悔太早吃蜂巢豆腐, 因為在差不多吃完時我又吃了蜂巢豆腐...........超級濃味,很入味, 早知留在最後吃! 下一次一定要忍口多煮一會才吃蜂巢豆腐!極品安格斯肥牛不會切得太薄, 而且有牛肉味! 至尊水餃皇連朋友都說有驚喜, 平時火鍋店的水餃都不太好吃的, 不過這個可以跟雲吞店的比~ 很彈牙又足料, 不過因為有少許豬肉部份, 也要小心不要煮太耐~瑤柱干貝滑應該是墅魚滑內加了許多干貝絲吧~ 這個最愛就是肉是"鬆軟"的, 是手打的口感打邊爐都有燒賣?? 原來都要放入鍋滾, 不過夠晒創意, 迫真到差D夾起來食不過少看娃娃菜, 湯底好, 就了菜吸收湯汁, 就是無敵~稻庭烏冬也是必點, 口感一流!! 有咬口又滑~吃完還有店家送的糖水!! 芋圓涼粉清熱, 食完熱火鍋再吃凍涼粉~ 爽!!另外的沙冰有點酸酸甜甜的味道~想不到西環分店都坐滿人~如果對食物質素有要求, 絕對推薦呢間! 特別是它的蜂巢豆腐白湯鍋…查看更多

吃過午餐，在西環附近走走，經過孫中山紀念公園，看狗主聚會。晚上天氣漸冷，便來到這裏吃火鍋。兵馬俑立在餐廳門前一角，內裏以中式屏風分隔各餐桌，為彼此提高私隱度。各式各樣的調味料以細字標記，先多取一點調味料，稍後店員會拿走。免費白飯任吃。養生湯底各有其優，選了很久才下決定。鎮店推介蜂巢豆腐白湯鍋($133)包括大量鴨血和自家製蜂巢豆腐，喝了一碗滋潤的湯，吃了鴨血和豆腐，頓時暖和不少。追加一份蜂巢豆腐($22)，豆腐吸滿湯汁，不用加醬料而很入味。雙拼法式龍蝦湯爆漿牛丸和黑松露菌醬爆漿牛丸($88)，牛丸彈牙，爆漿燙熱。手打靚蝦滑($78)，份量多，非常爽滑和新鮮。養顏花膠2隻($78)，花膠煮過後變得非常軟滑。腐竹雞蛋糖水沙冰(渣)($77)，必點飲品，其它地方做不到如此好喝。沙冰溶掉後變成平時喝的腐竹糖水，吃到一小片腐竹。雙拼至尊水餃皇和創意午餐肉餃($59)，兩款餃子看起來沒有分別。水餃皇加入蝦，爽滑的蝦和滑溜的餃子皮向來都是絕配。至於午餐肉菜甫餃，咸香味的午餐肉主牢整隻餃子的味道，而菜甫則為餃子增添咀嚼感，是新穎的配搭。冬瓜件($44)與這個火鍋湯底一樣柔和，帶走了火鍋的熱氣。軟而帶點脆的口感，比一般的綠葉菜更適合火鍋。最後送上免費甜品台式百花芋圓仙草，芋圓軟彈甜香，紅豆軟稔，甜度適中，可媲美甜品店的糖水。…查看更多

朋友生日，一人六行一起到來吃火鍋，生日的前7後7可享八五折優惠，訂座時有分時段，通常六點，七點半，九點。.六人我們點了兩個單鍋。蜂巢豆腐白湯鍋 ($133)湯底十分好喝，很滑又濃郁，有一點點藥材味道，而且感覺比較健康。.祖傳秘製麻辣鍋(小辣) ($133)麻辣味夠，但相對白湯鍋，麻辣鍋相對沒什麼特別。.黃金炸魚皮點了個前菜開開胃，菜到，第一時間吃起來，夠熱夠脆。另外，外面的鹹蛋黃很多很香，而且沒有很油膩，底下不會有多餘的油份。.鴨血 ($22)口感結實而有些微彈牙且滑，混合麻辣湯底味道吃，很入味，好吃！.法式龍蝦湯爆漿牛丸 ($88)把牛丸咬開，滾燙燙的龍蝦湯立即爆出，把口燙得很痛，吃時小心，味道特別又十分好吃。除了湯餡真的像平時龍蝦湯味道，包裹在外的牛丸皮，肉質軟而多汁，不會又硬又乾。.五色丸丸拼盤 ($98)我只有吃芝士墨魚丸，餡芝士味重，可拉絲，墨魚丸皮彈牙。.黑松露墨魚滑+手打靚蝦滑 ($88)黑松露墨魚滑的黑松露味很香很重，口感彈牙。但是蝦滑味道不太好，可嘗試其他。.極品安格斯肥牛 (大) ($229)有乾冰的白煙在旁做裝飾，好像很有霸氣，牛肉有肉地，好吃。.火鍋撚御用手切肥牛(大) ($299)肥牛相對肉片較薄，但味道也很好。.即炸三秒響鈴卷 ($52)湯滾起後，當響鈴焯三秒，響鈴卷十分鬆脆，吸收湯的精華味道十分好吃。.營養綜合菇 ($79)包含了金針菇，美白菇，鮮冬菇，雞髀菇，鴻喜菇。.紅薯寬粉 ($38)口感煙韌很有咬口，熟後吸收湯很入味。.牛栢葉 ($59)白蘿蔔 ($44)山水滑豆腐 ($28).最後，餐廳有甜品送，有兩款選擇。腐竹雞蛋糖水沙冰平時吃腐竹糖水多，將它變成沙冰則第一次試，十分新奇特別。.仙草芋圓有小丸子，珍珠，芋圓，紅豆等等，十分豐富，好吃！…查看更多

入秋了，最好食火鍋，今次專登搭車去西環食特色火鍋。食店取名火鍋撚，火鍋狂熱是也！內裡驚喜，陸續有來！先有日日85折吸引優惠：早鳥優惠 晚上7:30前結帳及離座宵夜優惠 晚上9:30後入座 所以我同老公就晚上6點去開餐，摼到的可叫多個餸，抵！全店環境寬敞，區域分佈清晰，古色古香，門口放有高大兵馬俑、牆上滿有中國風壁畫、木製傢俱等。入座後，店員會提供多款特色火鍋醬油(HKD10/位)以供混醬。 這裡提供的食物款式有很多，當中包括熟食爆好味黃金系列、文火熬製湯底、精選牛肉、海鮮刺身、點心配料、手打丸類、手打滑類….. 另有多款自家飲品及特製港式Cocktail！開飯前記得裝飯，因這裡【白飯任裝】，跟熱辣辣火鍋料最夾。蜂巢豆腐白湯鍋 (HKD133)稱得上鎮店推介，湯底材料豐富，內有蜂巢豆腐、原條人蔘、鴨血、藥材等，另加入忌廉牛奶，香滑濃郁，非常滋味。 七味黃金炸一口金磚豆腐 (HKD59)餐前先來個餐前小食，一口一香脆，惹味開胃。極品安格斯肥牛(小) (HKD149)見到隔離枱叫了一客，賣相超吸引，二話不說即叫一客小的，牛肉油脂如雪花般分佈均勻，滾一陣就食得，柔軟嫩滑，正！【雙拼】蟹籽手打蝦丸＋流心鹹蛋豬肉丸 (HKD69)想食多點款式，可選雙拼，以較高價錢為準。手打蝦丸爽口彈牙，豬肉丸咬開滲出美味鹹蛋黃。【雙拼】鮮蝦雲吞＋至尊水餃皇(HKD59)雲吞、水餃皮薄餡靚，肉汁滿溢，用料新鮮，爽口美味。(左) 特製雞尾酒：花雕那媽 (HKD68)這裡的港式Cocktail名字搞鬼，由咸亨雕皇、蘋果汁及青檸混合而成，酒味香醇，帶有果味，很不錯。(右) 冰鎮烏梅汁 (HKD33)甜品：腐竹糖水沙冰 或 芋圓糖水 (免費)飯後不用苦惱去邊度食甜品，每位食客都可獲贈入口透心涼的腐竹糖水沙冰，或材料豐富的滋潤芋圓糖水。這裡晚上9:30後，仲有shisha水煙供應，可跟朋友輕鬆下！…查看更多

老公生日當然要去食佢最愛嘅火鍋，今次揀咗一間飛一般嘅 “火鍋撚”，店內裝潢以木為主嘅古代風格，門口仲有兵馬俑公仔，牆壁圖係中國畫風，店內座位闊落、環境潔淨舒適～食物選擇有好多，有肉類、海鮮、丸類、蔬菜類等，湯底都非常有特色，飲品有沙冰，連cocktails 都有，第一次食火鍋有cocktails飲～今次湯底選擇左蜂巢豆腐白湯鍋，未開始食打邊爐當然要飲啖湯先啦，湯稠厚、入口甘甜，湯底配料非常豐富，有蜂巢豆腐、鴨血、人心、多款中藥藥材等～必食推介極品安格斯肥牛，因為得兩個人所以點左細碟，見到油脂分布均勻，份量都好多～肉質幼嫩，非常滿足～女士最愛嘅當然係花膠，造型好似古代皇后食嘅補品，大大隻～巨型蟶子皇新鮮彈牙，必定要食～手打滑拼盤，可以任選兩款手打滑，我哋點左蝦滑、墨魚滑，口感爽口彈牙～即炸3秒響鈴都係必食推介，入口脆卜卜，可以就咁食或者擺入火鍋灼3秒，擺到最後都仍然保持脆口～最後當然要食返啲蔬菜啦，如果唔知食咩菜好就可以點呢個七彩蔬菜盤，有粟米、黑木耳、番茄、娃娃菜、菜心，款款新鮮～呢度嘅飲品都好特別，有唔同口味嘅冰沙就好似我華田冰沙，仲有多款cocktails，無論賣相、味道都有水準，好似我呢杯花雕那媽，用左咸亨雕皇配以蘋果汁青檸調製，味道清新容易入口，啱晒女仔飲～最後仲有甜品送添，非常特別嘅腐竹雞蛋糖水沙冰，味道唔會太甜，仲有落足料嘅仙草芋圓，有紅豆、綠豆、珍珠、小丸子、芋圓，個底仲係涼粉添～呢度晚上可以坐低飲番杯，同朋友傾吓計～…查看更多

放假閑暇時來到西環逛下街，店舖的設計都是以復古的裝潢，一入門口就見到與我們差不多高的兵馬俑及磚牆上有寫上「火鍋撚」的招牌，牆壁也塗上有龍的塗鴉，枱與枱之間都夠闊落，設有屏風的間格，讓客人更有私人空間，也有古色古香的感覺。在座位旁邊的塗鴉也會見到有畫上了熊貓、企鵝等......天花掛上了不少紅燈籠，另外再行入內堂，會看到更有特色的裝潢，霓虹燈的的招牌、透明的圓圓的燈泡及吸睛的牆壁塗鴉，產生了另一份感覺，感到好型格又摩登。安頓座位後先選擇了個湯底先，鍋底點了個龍鳳鴛鴦鍋，會以較高價錢再另加多$30，而我們選擇了《蜂巢豆腐白湯鍋($133)+媽媽滋補老火湯鍋($119)》，所以個鍋底的價錢是$163。白湯鍋是鎮店之選，主要有自家的蜂巢豆腐、配熬製雞湯、豬骨湯、忌廉及牛乳煮成。還配搭了新鮮的蘋果、紅蘿蔔、海底椰、粟米、百合等，最驚喜是一舀起個湯底，見到有原條人參，可以滋補提氣，湯水呈乳白色，打邊爐前滾湯後先飲了啖，果然有參味的甘香，非常鮮甜，另外還加了鴨血，真是夠晒足料。最愛就是自家製蜂巢豆腐，豆腐上的窿窿可以吸盡湯水的精華，豆腐的質感香滑，有濃郁豆香，也不錯。另外一款湯底是媽媽滋補老火湯鍋，成份有紅棗、杞子、淮山、粟米、紅蘿蔔、猴頭菇、海底椰及黃油雞等。叫得媽媽滋補老火湯鍋，當然是足料養生的湯底，湯頭果然是濃郁又清甜。火鍋醬料都有不少，有秘製醬油汁、莞茜、麻醬、炸蒜、蒜茸、陳年XO香辣醬、蔥花、腐乳醬、指天椒等......講到火鍋料就有極品黑豚肉($102)、脆鯇魚片($62)、五色丸丸拼盤($98)、雙拼餃(巧手韮菜餃+創意餐肉菜蒲餃)($59)、五彩鮮蔬籃)($59)，非常豐富脆鯇魚片($62)碟邊有個牌仔，提示客人可以灼10秒就可以煮成。鯇魚片大大片，晶瑩透亮，肉質結實，口感爽脆彈牙，整件鱼肉都沒有易散碎，非常新鮮。接下夾件極品黑毛豬來涮，端上來的黑毛豬油花分佈均勻，肥瘦比例都好適中，再灼兩件極品黑毛豬在沸騰中的湯鍋中，豬肉味非常濃郁，口感嚼勁爽口，充滿脂肪香，肉質富彈性，真是令人回味。食火鍋當然不少得吃些丸子，五色丸丸拼盤有花枝丸、蟹籽手打蝦丸、流心鹹蛋黃豬肉丸、手打雙重芝士丸及香菇貢丸。整體丸子都好彈牙，流心鹹蛋黃豬肉丸令我最驚喜，一咬開爆出超香流心的鹹蛋黃，蛋黃味與豬肉丸都好夾，不過真是小心燙口，試了果然不一樣美味。接下來蟹籽手打蝦丸，咬落有卜卜脆的蟹籽，蝦丸鮮香彈牙。另一款手打雙重芝士丸的芝士都好濃厚，非常芝味香滑。吃火鍋當然不少得蔬菜，令我最吸引是五彩鮮蔬籃，有五款的蔬菜分別有栗米、菜芯苗、蕃茄、 木耳及娃娃菜。擺盤色彩繽紛，非常新鮮又鮮甜。雙拼餃會以計算價錢最高的餃子，個人選擇了巧手韮菜餃及創意餐肉菜蒲餃，每款可有三隻，一共有6隻。兩款的餃子都是皮薄饀多，巧手韮菜餃皮薄透著誘人的翠綠的色澤，鮮嫩的韮菜饀爽脆鮮甜，韮菜餡比豬肉份量會較多，咬落鮮嫩又飽滿。創意餐肉菜蒲餃採用了餐肉作肉餡，混入了一些甜甜的菜蒲粒，都幾有創新感覺，一試讓人口水橫流。在西環分店的火鍋撚設有自助添白飯區，真是貼心。芋圓糖水及腐竹糖水沙冰都是敬送，芋圓糖水用了個萬壽無疆茶盅盞裝著，另外用了三脚鼎古代酒杯盛裝了腐竹糖水沙冰，兩款糖水都帶出中西合壁的感覺，擺盤真是非常有趣，芋圓糖水當中有仙草、南瓜肉、芋圓、紅豆、綠豆等.......真材實料又豐富，冰涼可口又滋味。腐竹糖水沙冰的味道不會太甜，沙冰打得細滑，用了三脚鼎古代酒杯盛裝都幾得意。服務非常好，真是可以俾足一百分，主動巡枱幫客人添火鍋湯、添茶水，有禮貌又nice，食物水準及服務都一流，這間火鍋店令我留下不錯好印象。…查看更多

今日同埋女朋友同佢個妹三個人去左西環，就揀咗呢間火鍋撚試吓。一入到去就揀咗個蜂巢豆腐白湯鍋，呢個湯底都幾特別呀又有秘製鴨血，又有原條人參，咁特別嘅湯底打完邊爐一定要當湯咁飲返碗先得。由於本人食嘢好怕肥膩，但係見隔離枱個黑豚肉肥瘦適中，於是就叫咗碟。上枱果然冇令我失望，淥到去啱啱變色就食，鮮嫩無比，完全唔會有豬嘅騷味。而羊肉就啱啱相反，梗係要有少少騷味先好食。呢度嘅羊肉騷味啱啱好即係代表佢新鮮得來質量十分好。而且佢一碟嘅份量十足，三個人一疊都夠晒數。我打邊爐就成日都需要飲好多嘢，可能因為熱氣啦。呢度有好多款唔同嘅嘢飲，打邊爐咁熱氣就梗係要叫啲清潤嘅嚟飲啦。於是乎我哋就叫咗菊花杞子龍眼蜜飲，佢有淡淡的菊花香味，配合龍眼密嘅清甜，好能夠舒緩打邊爐嘅熱氣。除此之外，我哋仲叫咗野生竹笙、爆漿牛丸、皇帝菜等等。竹笙除咗吸咗個湯嘅精華之外，本身爽口嘅感覺亦係我杯茶。打完邊爐後，忍唔住叫咗個烏冬配返佢個湯。個湯有淡淡的人蔘味，真係忍唔住飲咗兩碗。呢度好窩心嘅係食完邊爐之後佢有個芋圓仙草糖水，仙草絕對有清熱嘅功效，不過如果可以少甜嘅話就更加Perfect啦。…查看更多