後街牛扒

屬於香港人嘅扒房－食物質素高、店員風趣、氣氛好💛餐牌有介紹牛唔同部位嘅分別，我地就揀咗「日本譽為神級迷之部位」嘅牛腰扒。五成熟嘅牛腰扒非常粉嫩，食落肉味濃厚，油花較少但肉質鮮嫩。蟹肉意粉更加出色－用咗大量嘅蘇格蘭蟹肉蟹膏，味道鮮香濃郁，每條意粉都沾滿咗蟹肉同醬汁，食完勁滿足！沙律好大份絕對對得住個價錢，淨係煙三文魚都有幾大片，加咗微酸帶甜嘅黑醋，清新得嚟唔乏味。跟餐嘅野菌蘑菇湯真材實料好香濃，牛油果醬多士簡單得嚟又好味，仲有脆卜卜嘅炸羽衣甘藍。睇過介紹話依度嘅檸檬茶勁大杯，估唔到特飲都一樣！今次試咗台灣梅酒梳打，梅酒係經黃色經濟供貨商購入，不過我地飲唔慣覺得有少許藥水味，鍾意梅酒嘅朋友就不妨試試～P.S. 食物好味之餘餐碟仲要咁靚☺️…查看更多

今日是boxing day, 可惜都是在家吃飯， 記得在疫情無甘嚴重之時，我和同事到了一間高級西餐廳食中午，那天我預早訂了位，不過當時已經實施了限聚令，於是我們分開坐，這間餐廳食物都唔錯，但價錢偏貴，不過很少食高級西餐的我，都跟同事來試下。這間餐廳名叫後街牛扒，當然是以牛扒最出名，同事點了幾款牛扒，我和另一同事都點了扁意粉，大家分享來食，牛扒是7成熟，安格斯牛小排肉味較濃，肉質較結實，感覺美國BRANDT BEEF CHOICE荷斯登短骨牛肋眼味道更好，肉質很嫩滑，有入口即溶的感覺。蘇格蘭公爵蟹肉扁意粉，蟹肉有點腥，反而另一款意大利熟成豬面肉卡邦尼意粉比較好味， 扁意粉本身煮得很好， 味道不俗，而且份量足夠。前菜有沙律，南瓜忌廉湯和包，比較特別的是蒜蓉包伴碟的紫蘇葉，因為炸過的紫蘇葉清香惹味，令人食指大動。另一突出的是餐飲， 雖然要額外加錢， 但真的是很大杯，凍檸茶飲得多，第一次見到甘大杯的凍檸茶，確實令我很驚喜。整體而言，主打的牛扒味道很好， 沒有令人失望，至於其他前菜都唔錯，與其他西餐不同，唔會貴夾唔飽，感覺很多滿足。…查看更多

想同屋企人食西餐慶祝，有朋友推薦位於灣仔嘅餐廳，地點咁方便當然立即book位。夜晚分兩輪時間，想早啲食飯所以揀6點。餐廳要求每人點一份主菜，今次一行七人就點夠7份主食，可以試哂唔同款式。主菜前先送上是日餐湯，南瓜湯入口順滑，麵包同番茄醬好夾，雖然係免費但係完全好ok！大蝦牛油果沙律無花果沙律兩款個沙津菜好新鮮，最重要無花果同牛油果都好好食，夠哂fresh！威靈頓牛柳絕對係打卡able！上檯畀個真樣你睇睇先之後店員就會落酒再加火，勁好氣氛 ，打卡效果一流！酥皮包裹著蘑菇蓉同牛柳，牛肉味濃，蘑菇蓉惹味，連埋酥皮一齊食雙重口感。唔記得全名嘅牛小排根據店員建議嘅生熟度去點，即使唔記得個名，都會記得個味道，因為真係好好食，肉嫩味濃，MEAT LOVER必食！加拿大豬鞍扒唔想齋食牛可以叫呢款豬，肉質粉紅色，既有肌肉又有油脂香，運配菜嘅番茄仔都好好食！蘇格蘭公爵蟹肉扁意粉懶人食蟹就當然係搵人拆蟹肉，呢個意粉就有滿滿嘅蟹肉，上桌後自己拌勻，而忌廉汁又唔會過膩，鍾意食蟹嘅必點！蜆肉意大利飯蜆肉仲食到海水味，不過相比之下，蟹肉扁意粉就好食啲～炸魚薯條唔好講笑，炸魚份量大過隻手，外皮香脆唔會太油，魚肉仲唔會太乾，加埋新鮮炸起薯條，熱氣「滋」選。薄餅自己由於太飽無食，屋企人食咗話足好味，仲打包返屋企第二日食。芝士薯條半溶芝士鋪滿薯條上面，芝士控必點～綠野仙蹤、橙汁梳打左邊係羽衣甘藍、蘋果、香蕉，雖然呢個色好似好「健康」，但係好好飲；另一個就以份量取勝啦！另外，呢度叫凍檸茶可以無限添飲！…查看更多

上次黎無開好失望今次過黎灣仔買game第一件事就係去後街搵牛扒xddddSet lunch 有湯有包有沙律 一啲都唔馬虎 唔係隨隨便便上塊包罐頭湯就算今次嗌左Brandt Beef $188肉味濃 加海鹽係面已經夠晒但如果男士就要考慮份量夠唔夠飽但最驚喜係蘇格蘭公爵蟹肉扁意粉 $138好食 好多蟹肉 cp值好高 大推飲品跟餐+15Promotion drink +25見隔離枱嗌綠野仙蹤 好大杯仲好靚下次黎要試下先餐廳設計好有特色 牆上啲畫好靚…查看更多

今次應該是搬舖之後第一次幫襯～感覺同舊舖唔同咗，店員服務更加周到，幫我們量體溫之餘，入座之後又幫我們消毒餐具，又附上信封暫存口罩。餐牌上好多選擇，上一次試咗扒，今次就同同事試吓其他！每份午餐都會跟一客沙律、餐湯、前菜同主菜，我們選了PROMOTION DRINK ($20)。先講主菜啦，我哋揀咗「蘇格蘭公爵蟹肉扁意粉」同「惡魔溶岩炸雞配薯條」～*惡魔溶岩炸雞配薯條* ($88)上次嚟見到人食呢個就覺得好吸引，所以今次就試下！又炸雞🍗又芝士又薯條🍟，真係非常邪惡！熱溶芝士好多，炸雞同薯條熱辣辣，見到已經流晒口水！menu上寫炸雞有牛肉，原來係淋咗牛肉肉醬，所以食起黎唔只有芝士味，仲有牛肉味～味道有層次！而薯條🍟係粗身嘅，有口感，外脆內軟～好滿足！炸雞同薯條份量多，一個人食根本食唔晒！*蘇格蘭公爵蟹肉扁意粉🍝🍝* ($88)平時我好少食蟹，因為我懶得剝殼。但當見到呢碟意粉上桌時，我就好想食！你睇，佢啲蟹肉勁多，啲意粉🍝好似「蟹肉纏身」一樣，滿佈整碟，令人兩眼發光！你睇下，夾起嚟每一條意粉都被一絲絲蟹肉同忌廉汁包圍住，想飛甩都難XDD由此可見，意粉同汁配合得相當好，令到捲起扁意粉嘅時候，蟹肉同忌廉汁可以黏附喺每條意粉上扁意粉之上，掛汁掛得岩岩好！😋😋😋扁意粉都煮得剛好，有嚼勁，咬落會感受到意粉嘅厚度；蟹肉份量非常多，啖啖肉😋😋😋，容易食到蟹肉嘅鮮味；食起嚟又一啲都唔覺得腥或者鹹。意粉雖然有忌廉汁，但食完又無膩濟感，非常難得！至於餐湯，今次是甘筍🥕湯，濃度適中，味道啱啱好～～～前菜有牛油果醬🥑，羽衣甘藍和2片烘脆的法包🥖。羽衣甘藍烘得香脆，正！沙律則是大大份嘅凱撒沙律🥗！！上桌時已經撈咗沙律醬，沙律菜好新鮮，好脆身！沙律入面有香脆麵包粒、又有煙肉碎同巴馬臣芝士碎，好豐富！                              飲品分別是 碟豆花檸檬梳打 🍋和 綠野仙蹤🍹 。我點的綠野仙蹤好GREEN，喝起來就像喝五青汁，哈哈，很多很多的纖維！值得一提的是，店家是使用竹纖維製造的飲管，很環保呢！…查看更多