MOO MOO

營業中

休息中

今日突然🍔癮起，收工就捉左男友陪我去食呢間手工漢堡✌️我叫左個熱帶之堡走芝士，男友叫左經典之堡走芝士，另外加左小食薯條同三隻炸雞鎚😁我既熱帶之堡烘到外面脆裡面軟熟，食既時候散發住濃濃牛油香，仲要零添加劑無防腐劑👏 健康又好食😋安格斯​牛肉牛味濃郁兼彈牙👍煙肉好香口，​菠蘿勁juicy😍​🍅生菜新鮮爽脆，可以解一解煎肉既輕微油膩感，加埋我喜歡既千島醬提升左成個味道同層次😙男友既經典之堡就係搭配比較基礎既配料，特別在於個汁係自家用洋蔥同黑醋等等煮出黎，都幾好食😊薯條$25一份黎講份量超多😂 不過印象中上次黎食係粗身同帶皮既，個人口味中意粗身多啲🙊炸雞鎚係配蜜糖芥末醬，但原來本身已經辣辣地，好惹味😋 口感香脆，肉質嫰滑juicy👍👍食既途中都見到好多人黎happy hour 🍺🍻 呢度除左室內仲有室外座位，絕對係一個收工放鬆好選擇👏👏

近呢一年我揀麵包黎食基本上只會揀無添加呀天然酵母呀黎食，但想搵無添加既🍔絕對唔容易，無意中俾我發現到呢間moo moo岩晒我心水😁收工後一個人係公司行左過去食，我叫左個熱帶之堡走芝士🍔同一份普通薯條🍟～食物即叫即製對保持水準好重要👍👏漢堡無添加得黎仍然保持到外脆內軟😋 呢個熱帶之堡餡料非常豐富！有彈牙既安格斯牛肉，香得黎唔肥膩既煙肉，爽口既🍅同生菜，搭配埋勁多汁既🍍同開胃既千島醬，令我非常滿足😚😚因為我唔食芝士所以叫左普通🍟，$25一份勁大兜😂😂佢既薯條痴住少少薯仔皮所以更香脆😯 而且炸得好出色，我食左大半都唔覺得油膩 (但因為份量實在太多太抵食所以我係食唔晒既😅)除咗牛肉仲有魚，雞，同素食🍔可以揀👏 相信呢間moo moo會成為我呢個餵食但又想食得健康啲既麻煩foodie食🍔既首選😁

疫情慢慢變好了，那麼當然要找朋友吃飯了，畢竟那麼久沒見了。這次找到朋友公司附近的一家餐廳吃飯，在門口就已經看到很多人下班後在這家餐廳露天的地方邊喝酒，吃東西，邊聊天，十分熱鬧！當進去餐廳以後，才發現這家餐廳真的很大，不止外面的露天座位，餐廳內裡還有，而旁邊的food court也有他的坐位，這就不怕沒位置了。這裡是採用先點單，再自助取餐的形式，等約１０分鐘就可以取餐了。這次我們就叫了兩個漢堡包加兩份小食。美式之堡（６３元）這算是一個比較傳統的漢堡，常見的芝士，蕃茄，生菜和畫龍點睛的煙肉，當然最重要的是安格斯牛肉漢堡扒！每一樣材料的是經過時間的考驗最終留下來的，所以能否體驗出餐廳是否可以這個真的很重要！這就的麵包經過牛油的烘烤，令到麵包十分鬆脆又富有牛油香味！安格斯牛肉漢堡扒經過煎製後把牛肉的肉汁保存在內，又有濃濃的牛肉味！而蕃茄和生菜也十分新鮮爽脆！煙肉更是煎得十分香脆又有油香！所以這個漢堡的水平不錯！推薦！茹茹堡（５９元）不想吃肉，也可以吃漢堡！這個大啡茹我在旁邊也聞到濃濃的香茹味，再配上芝麻醬，每整個包變得十分清新，感覺就好像在吃沙律漢堡一樣！感覺罪惡感都變少了！芝士波（５５元）整

呢幾日又俾公司派咗我同另一個精英去觀塘返工，所以就開始咗我哋嘅觀塘搵食生涯。今日就試吓呢間Moo Moo Burger。睇餐牌見到都係一啲高大威嘅burger，而且價錢都唔貴，大概$60至$70就可以單點一個漢堡，另外仲可以配小食同飲品。我哋就叫咗兩個burger🍔🍔加兩份薯條🍟🍟同一罐汽水🥤。呢個熱帶之堡嘅醬汁係用咗千島醬汁，而且仲加咗一大塊菠蘿，漢堡包本身繼續有漢堡扒、生菜、蕃茄、芝士，好juicy，漢堡扒用安格斯牛肉做，超多肉汁！鹹蛋黃雞堡有超多鹹蛋黃醬，其實好香嘅，不過我實在唔敢成個食晒，因為真係驚會爆血管🤣🤣我同朋友都好鍾意食薯條，如果嗌一份嘅話驚唔夠食，所以就叫兩份薯條，因為見有好多肉醬，所以我哋就叫咗一份普通薯條加一份有肉醬嘅薯條，因為新鮮炸起，所以其實原味薯條都已經好好味！本身都冇乜機會嚟觀塘食lunch，因為呢個旅程，可以喺觀塘發掘多啲新嘅美食喇！

疫情關係，留喺屋企唔係煮飯就係煮麵煮意粉，所以口痕都想食下漢堡今次同朋友試下小店BURGER，叫左 經典之堡($60)、美式之堡($63)、正雞沙律($52)、薯條($25)，落完ORDER就等叫號碼出去取餐處拎餐幫2個主角BURGER張相先賣相靚靚仔仔，唔會好似某大型連鎖店D BURGER扁晒身咁美式之堡：裡面材料包括優質安格斯牛肉，芝士，番茄，生菜，煙肉，配BBQ汁。食落去個安格斯牛肉都幾多肉汁下，唔會乾晒身。不過因為個BURGER裡面用BBQ汁，再加上裡面有煙肉，所以食落去比較鹹少少，好彩裡面有埋番茄同生菜，咁就平衡返濃淡個味道經典之堡：裡面有手打優質美國穀飼牛肉，車打芝士，生菜，番茄，配秘制MOO MOO汁。朋友食落都話幾正，同埋佢麵包有塗牛油再烤，所以夠晒香同脆食落去唔油膩，漢堡肉質尚算唔錯正雞沙律：淨係食BURGER唔夠健康，所以點左份沙律清一清腸胃。雞肉煎得都幾香口，不過調味方便都係偏向濃味少少，所以要撈埋沙律咁一齊食就最好。佢D生菜同番茄都幾FRESH下，底下仲有D粟米粒，都幾清甜下薯條：薯條夠長兼份量多，佢係新鮮炸起，夠熱辣辣得黎又唔會太油膩，同埋唔會炸得過晒時硬晒咁

一路都好想試，今日終於有時間食到，由於冇帶眼鏡，睇野食時要仔細少少，所以落單時慢左5秒左右（總共叫野食時間約15秒），收銀小姐態度一開始就唔多友善，由於慢左少少（強調：後面冇人排隊）佢用望智障既眼神望一望我，再用好操魯既聲音同態度回應我，覺得好恐怖，連澳牛既哥哥們態度都好過佢。但老實一句，野食係唔錯的，質素OK，唯獨是收銀小姐令人想一巴星埋去，唔知點解老闆會請佢⋯⋯⋯佢好挑釁性，又聽到佢串自己d同事，睇黎本身就冇咩禮貌。

今日又嚟咗觀塘，今次我就去咗朋友公司樓下嘅一間burger鋪頭啦。朋友表示moo moo平時lunch time都坐滿人， 夜晚就好多人喺度飲啤酒睇波。我哋兩點幾先到。過咗食晏時間，人唔算好多，所以都唔使等位即刻有得入。入邊佈滿聖誕節裝飾同播緊聖誕歌，好有氣氛。經典之堡 ($58)意外之喜係個包烤到岩岩好，中間鬆軟，旁邊脆脆地，口感十分好。安格斯牛肉大約七成熟，咬落去有肉汁爆出嚟，令到個burger唔會話乾身，芝士有味得黎又唔會咸，夾埋新鮮的番茄同生菜同moo moo汁perfect match。白菌之堡 ($64) 因為想食蜜糖芥末，所以就叫咗白菌之堡。同經典好相似，差別在於白菌同蜜糖芥末。 好彩個蜜糖芥末都冇令我失望 ， 搭落去漢堡同埋牛肉度都好好食。Burger雖然睇落去唔大，但係食落去都好夠飽。薯條配汽水 (跟餐+$14)中午嘅時候加14蚊可以加個薯條，因為唔係好鍾意食冧嘅薯條，我哋就冇叫到芝士肉醬啦。但係個淨薯條都意外地好好食。佢係粗薯條，而且我咬落去嘅時候發現入面係實嘅，落滿左薯仔去整，完全唔會有空氣感出現的情況。甜番薯條加汽水 (跟餐+$28)咁我哋落咗單之後先發現佢除咗

搵地方睇波真係好困難，又想食嘢嘅話又有氣氛，通常都會去中環、尖沙咀、太子酒吧。但係嗰啲地方通常都太過嘈吵、污煙漳氣。所以今日英格蘭對瑞典，專登訂咗一家靚靚囝囝漢堡包店。之後，應該會係睇⚽️好地方！食煙嘅朋友，可以選擇出邊企位，而且老闆好似有水煙供應🚬。經典之堡🍔 The Classic Moo ($58)餐廳所有漢堡包非常細心製作，食材講究。今日就選咗經典牛肉漢堡。大大份美國進口牛肉排🇺🇸🥩，手打成厚厚的漢堡，燒烤之後被半溶的芝士緊緊包裹著，豐厚滋味。肉汁量豐盈，而且因為採用新鮮牛肉，絕對冇渣以及過多的脂肪。整體非常不錯，且只需$58，其實抵過好多漢堡包店或者餐廳多多聲！薯條🍟（$22）四四方方，炸到金黃色嘅薯條，非常香脆雲呢拿奶昔🥤（$32）冰凍奶昔，加入了忌廉，味道份外有層次。另外，餐廳每人消費＄80以上，就可以自己帶酒精飲品入嚟！差唔多開波了，小女飲支啤酒先🍻😆

Moo Moo 位於觀塘工廠區的鴻圖中心。鴻圖中心是一座很成功的活化工廠，集食肆、辦公室和品酒中心於一身，天台仲改裝成室中花園添！除左普通收銀機之外，Moo Moo亦都有自助點餐機，方便在繁忙時間疏導人流，唔錯！正值世界盃，仲有得喺度睇埋波添！小店真係對上班一族照顧周到。第一次黎，Order咗經典Burger，薯條，同埋加個沙律試試。食物即叫即做，等咗10分鐘左右就有得食喇。燒豬頸肉沙律 $48豬頸肉燒得夠香口，蔬菜新鮮，沙律入面仲有少少面包粒，提升口感之餘，配Caesar Dressing一流呀！薯條 跟餐＋$14每一條都炸得均勻香脆，係食Burger嘅最佳配搭。經典之堡 $58黎到主角經典之堡，個Burger差唔多成罐汽水咁高！濃郁嘅Moo Moo醬汁包裹著厚厚的漢堡，漢堡肉也有輕輕的調味過，非常惹味！下面的蔬菜也夠嫩口清新，仲有兩大塊蕃茄扒添！麵包鬆軟，肉汁爆滿，配菜新鮮，三者配合起來，肥而不膩！雖然張紙比較薄，透晒底攪到我成手都係汁，但感覺也很正！Moo Moo的價錢對比質素的確實惠。聽店員講，Moo Moo晚市仲有得Order水煙，可以放工過黎「呼吸」一下咁話！希望佢可以盡快