Pickabowl (荃新天地2)

營業中

休息中

今日響荃灣行街，見到呢間既野食色彩繽紛，同埋係健康嘅食品，入面環境舒適，所以響呢間餐廳食晚餐😋😋🌟 夏威夷四重奏（$108）四重奏嘅食材好豐富，有辣味三文魚，經典吞拿魚，泰式酸辣大蝦🍤，牛油果🥑，主菜都已經好豐，仲有其他配菜，菠蘿粒，青瓜粒，蕃茄粒，黃椒粒😋😋全部都用上新鮮嘅蔬菜，蝦肉大隻，爽口彈牙，三文魚，吞拿魚新鮮，配上椰菜花同糙米飯底，飽肚之餘，仲可以吸收唔同嘅營養，必食😋😋另外跟餐加$25，有海帶豆腐湯，溫泉蛋同埋日本抹茶🍵布甸，非當豐富😋😋🌟 和風薑汁松阪豬 + 半份慢煮天多利雞 ($73 +$18)和風薑汁松板豬材料都唔少，有烤南瓜，玉子燒，炸豆腐，四季豆，毛豆😋😋我另外再加$18，有半份慢煮天多利烤雞，令到個飯更加豐富，松板豬煎過，外層香口，肉質嫩滑😋😋飲品係(蘋果菠蘿石榴羽衣甘藍汁)，用上新鮮嘅生果，同埋羽衣甘藍打成，飲落口感豐富，好特別😋😋

荃灣算喺我哋兩公婆不時會到嘅地區，因為由美孚過嚟一個站5分鐘車就到，加上近年近西鐵呢邊多咗啲新商場落成，過嚟呢邊嘅機會就更多。今日過到嚟「荃新天地二期」，發覺呢間餐廳好眼熟，再睇睇，醒番起，就喺成年前晌荔枝角幫襯過主打賣美式魚生蓋飯，知道喺健康嘢，所以，就同老婆晌度食番餐。跟荔枝角店差唔多格局，近入門口位左邊，就喺半開放式廚房，睇到好多食材放晒出嚟，色彩繽紛，非常搶眼。而晌門口望入去都已經可以睇晒餐廳嘅室內環境喺，比荔枝角細，走簡約路線，環境整潔，基本防疫功夫都做足。雖然話疫情緩和，但不時都有一、兩單個案，始終，社區喺咪無晒隱形患者都喺未確實，個人衛生都唔可以鬆懈。門口就有電子顯示屏餐牌，上面喺配搭好嘅指定款式，下面就喺DIY自選。但不妨拎個餐牌埋位慢慢研究。數一數，由A至S共19款，非常多元化，定價為$60-$108，「bowl」底更有多款選擇，如白飯、糙米、黃薑椰菜花……而且，仲可以追加額外食材，以及多加$25升級為套餐，多咗溫泉蛋、鰹魚昆布湯及甜品。此外，亦提供加配飲品優惠，如汽水（+$6）、蔬菜汁（+$12）、鮮榨果汁（+$22）、大大杯嘅冷壓果汁（+$35）。上次嘅食評都有介