米気

營業中

休息中

Bookmark左呢間米気好耐喇 黎開呢邊睇戲就試下 晚餐時間都好多人等🙈🙈晚餐冇套餐 自己揀單品米🍚/主食/冷品/溫品加$8可以有埋是日湯品同漬物點配搭都得 米🍚：醬油蛋撈飯 係蘭王蛋🤤主食：蕃茄味噌豆腐漢堡 都幾大份 幾好食😋仲可以撈飯溫品x2: 北海道芝心粟米球 幾得意 係炸粟米粒粒包住芝士柚子雞翼另一個自選Set米🍚：明太子撈飯主食：月見博多地雞團子👍🏻似月見雞軟骨串 變左一大舊 冷品：松葉蟹薯仔沙律溫品：忌廉蟹肉餅 有少少唔夠脆 不過味道都好😋最後叫左個甜品米気雪糕 有好多脆米整體都唔錯 滿足😌仲有限定單品

黎到呢間米気，主打日式定食，可以自己選擇米、主、冷、溫、甜既配搭，組合自己既定食🤤禮拜六晏就黎到，冇想像中咁多人，排左幾張枱就入得去。個人覺得呢間野食真係幾高質同埋都幾有特色，不過逐碟計錢，嗌下嗌下好容易就嗌到好貴🙈 1⃣️定食組合👉醬油蛋（$22）蘭王蛋加白飯，呢個組合一定唔會輸👍撈飯一流～  👉蕃茄味噌豆腐漢堡（$38） 上網見到有人話呢個伏，但係我又唔覺wor🤔豆腐漢堡好特別，入面混合左好多唔同既蔬菜、青紅椒，感覺好健康，而且好似我咁本身唔係好食椒既都唔會覺得好難接受，仲有啲菇添😄出面既蕃茄味噌汁好好味，蕃茄味酸酸甜甜加上味噌提味，特別得黎又好味。仲有幾片炸蓮藕片食添🤩  👉關東煮（$28） 呢個係普通關東煮既味道，有蘿蔔、福袋、魚餅同埋蒟蒻。蘿蔔鮮甜冇渣。福袋入面有軟糯麻糬～湯底都係清甜既。   2⃣️定食組合 👉醬油蛋（$22）  👉月見博多地雞團子（$48）賣相已經好吸引😍雞肉係帶啲軟骨既口感，加埋蛋汁成個食落感覺幾滑。好食！  👉金平牛蒡（$22） 想像得到既味道，都唔錯。  👉漬物、味噌湯（$8）

我們於22/6（三）約中午十二時左右到達餐廳，叫了2個定食。①米：2個醬油金菇飯（+$5）②主：❶紅酒汁煮牛肋條（$78）：很多亦好鬆軟，很足料❷蕃茄味噌豆腐漢堡（$68）：豆腐漢堡好大塊，好紮實③冷：❶鰹魚汁菠菜：菠菜沒什麼特別味，還行👌🏻❷芝麻味噌苦瓜拌炸豆皮：有一些薑紙，苦瓜沒有太苦👍🏻，容易入口④飲：黑糖米水埋單要加一所以器皿都很漂亮，感覺以平民價錢能吃到高級食品一樣，既滿足又飽肚，推介給喜歡吃日本定食的大家

噚日906開sem但係今日907先有機會食飯，啱啱識到新朋友真係唔好咁孤寒🤣佢得一個鐘lunch然後大家喺倉促嘅情況下決定食米氣～非常日本家庭式嘅料理，可以揀飯底、餸、冷盤同飲品，揀咗呢個蕃茄味噌豆腐漢堡，仲有明太子鮭魚蓮藕沙律之類（唔記得exactly個名）每個套餐都會送味噌湯同漬物，個人幾鍾意食，湯裡面有幾條菇菇同粒豆腐，仲有蕃茄，有啲得意哈哈哈！沙律味道幾唔錯，食到好real嘅感覺，至於個蕃茄味噌豆腐漢堡就唔會好寡，啲料幾多而且夠開胃飽肚，比想像中大個，餸飯簡直一流，我只係食剩少少，仲大食過啲男仔🥴黑糖米水唔使加錢，感覺微甜，okay好飲過得去嘅🌝我個餸68蚊然後再加一，不過HKCC嘅同學仔可以show下你張學生證有返個9折，食環境同質素都係咁上下，bar枱都坐得舒服嘅！

已經第二次食 不過之前係佢啱啱開 同埋食外賣今日晏晝去 要等位 好多人排隊入面座位多 已經坐滿餐牌好多選擇 又可以唔同配搭！有主菜 冷菜 溫菜 甜品 飯可以任意叫 每個價錢唔同佢建議各選一仲有夏日限定我就叫咗飯+冷+主自己填紙 好方便 又可以慢慢揀(冷）柚子胡椒雞肉沙律 ($26)依個就正常發揮 夏天熱辣辣真係想食冷菜佢係沙律菜做底 加啲青瓜片 面係雞肉絲 配啲柚子醋味道好在唔太酸 青瓜幾清新 幾開胃但係我覺得佢雞肉唔夠滑嫩所以唔係話好好食 同埋好似自己都整到(主）蕃茄味噌豆腐漢堡 ($38)依個相當有驚喜 平日我好少食漢堡仲要依個係素但係我冇諗過佢係咁嘅味 入面係加咗黃椒同綠椒 神奇地佢完全冇豆腐味或者口感反而我覺得佢似薯餅因為佢外面炸過 之後再淋上蕃茄汁汁味道好味 唔係茄汁味 有新鮮番茄粒 鹹味都啱啱好 同個漢堡好夾味入面啲椒唔會好苦 依個餸飯好好食😋同埋都唔細㗎上面仲有炸蓮藕片 超脆口 味道根本係薯片絕對值得試！(主) 樱花蝦味噌漬飯 ($22)好有趣哋依間嘅特色係啲飯有唔同配料所以我特別啲揀樱花蝦食落超香樱花蝦味🌸不過一定要撈飯食 否則太鹹撈勻咗就好好味 個飯冇咁齋佢啲米飯係日

午市定食餐牌主菜八選一，冷盤六選一，加飲品，價錢由$58-$118另收加一，價錢唔算平，但食物質素唔錯。東坡肉 $76 份量幾多，配黃芥末幾新鮮亦幾夾。肉質半肥瘦，肥肉入口融化，但瘦肉略有咬口。蕃茄味噌豆腐漢堡 $68素食之選，豆腐做的漢堡球，味道偏淡，口感唔錯。醬煮糖漬紅薯唔會太甜，不過食完真係好飽。芝麻味噌苦瓜拌炸豆皮我真係好鍾意食苦瓜，切絲幾爽口，少少甘香。米気黑糖米水常溫，味道淡淡的，唔識形容既味道，但都幾清新。

疫情下無得去旅行，就同朋友去咗間日式餐廳食飯止下癮先！餐廳用咗落地大玻璃設計，引入自然光，加上溫暖嘅木系裝修打造出光猛舒服嘅環境。餐廳主打家庭式料理，所有菜式都係自家製，而唔係買現成返嚟再加工，誠意十足！客人可按個人喜好自由配搭，夠晒彈性！因疫情關係menu亦有所調節，全日只供應午餐，其他menu暫時停止供應。汁燒鰻魚 + 明太子豆腐 + CALPIS 乳酸菌飲品汁燒鰻魚鰻魚厚身有彈性，嫩滑香口，鰻魚汁帶微甜，送飯啱晒！明太子豆腐豆腐好滑，醬汁辣辣地，好惹味。蕃茄味噌豆腐漢堡 + 芝麻醬秋葵 + 米氣黑糖米水蕃茄味噌豆腐漢堡漢堡係將豆腐同青紅椒碎整成嘅素食，一切開就好香椒味，再加埋由麵豉同蕃茄煮成嘅醬汁，入口好香蕃茄味又甜甜地，清新開胃。芝麻醬秋葵秋葵清爽唔會好黏，配合埋濃濃嘅芝麻醬料，味道香醇開胃。價錢平實，食物有質素，性價比高！等疫情過後要再嚟試吓晚餐同甜品呀！