大統領 (已結業)

粉嶺*大統領*日式店，環境舒服、牆上裝修貼上餐牌外，有濃濃的日本風味道一入店舖老闆夫婦即刻好有禮貌打招呼，好親切，即時提供茶先點左金鯛刺身、好新鮮、有質感，唔會有渣，配上醬汁點咗三文魚腩壽司ok、油甘魚肥美👍海膽唔腥好正🤩三文魚籽壽司ok，飯的size 均一，一口一啖👍我朋友鍾意食鵝肝，呢個值得推介，鵝肝燒過有香味，入口即溶、配上紫蘇葉感覺不會太膩。我本人好鍾意食鰻魚飯，呢個蒲燒鰻魚飯超有水準鰻魚飯表面有燒過、入口即溶，配上濃濃的燒汁，會再食🥰鰻魚飯配上生果蜜瓜好甜，海草小食價錢合理，會繼續支持好食既日式店👍👍…查看更多

屋企人試完之後極力推介比我，勾起我對佢既興趣，成日試食榜首，適蓬周六，二話不說約埋友人去食。LUNCH時間1點零到達，剛好可以即時入座，但遲多幾個字就要等位。估唔到小店午餐有好多選擇，另外仲有小食，我同友人都睇到眼花繚亂，樣樣都想試….結果我揀左屋企人推介既浦燒鰻魚丼，而友人就柯打火炙海鮮丼，另外再加個小食。午市套餐除左主食，仲會有前菜同生果，前者係中華沙律，味道正常；後者哈蜜瓜就又甜又爽。浦燒鰻魚丼 $98呢個丼飯好岩男仔食，因為飯量真係好多!! 鰻魚份量唔算少，不過唔熱、令到條魚即使肥都食唔出魚油香、亦食唔出有燒汁味；另外，浦燒汁嚴重不足，白飯係一點鰻魚汁都無，付上既汁又凍到已成啫喱；北海道流心芝士南瓜餅 $12南瓜已經壓成蓉，但都食得出係好棉好粉既南瓜，芝士味濃，不過濃到搶左南瓜味，整體不過不失。火炙海鮮丼 $98內有海膽、三文魚、帶子、穴子海鰻，我同友人一致認同呢個平價穴子海鰻比浦燒鰻魚飯既鰻魚好味十倍，起碼有魚香!! 😏其他刺身味道正常，總之比上面個鰻魚飯好食啦😐，而友人表示係暫時粉嶺食過比較好味既日式丼。店內有唔少人點角切刺身丼，望個樣都幾靚仔，而且價錢比較經濟。店內座位同走廊都好狹窄；浦燒鰻魚丼唔推介😫，海鮮刺身會好D，下次有機會會想試角切魚生。…查看更多

陪屋企人去了北區醫院探親戚，唉! 人老了就多病，都唔知仲可以見多幾多次面。之後到了聯和墟逛了一逛，想起陳奕迅、楊千嬅套電影 “每當變幻時”，就去見識一下聯和市場，真係好有特色，聽說這個舊墟市場會於今年改造成北區首個舊式文化工作坊，到時可以再來見識見識。到了和隆街食晚餐，揀咗間日式食店。餐廳布置真的好日式，周圍貼了很多日式海報，連餐牌都大大張地貼在牆上。當然，看餐檯上的餐牌來選食物會方便得多。屋企人選了【蒲燒鰻魚飯 $98】，我就因心情唔好影響胃口，只點了【日系手捲 $26】。【蒲燒鰻魚飯】鰻魚飯份量都都唔少，配有前菜昆布絲，西瓜一片和麵豉湯。屋企人說，鰻魚好厚身，好大件，燒得又香。大大啖地吃，是一種享受，非常美味。【日系手捲】這個手捲其實在餐牌上沒有的。我本來是不打算吃東西的，不過店長問我為什麼不吃，我答剛去探病，心情不大好，不想吃。他說，為我造一個簡單手捲給我吃。這個手捲跟平時吃的很不同，材料非常豐富，有2條蟹柳，3條雞蛋，還有很多蟹籽，紫菜又大塊又脆，真是很好味。是我在香港吃過最好味的手捲，因為這個手捲多了一份人情味。感謝店長!…查看更多