壽喜燒 樹

第一次食關西壽喜燒，唔知呢種服務係咪正常，分享俾大家睇下，可能係我少見多怪啦…..人頭$1000up既餐廳我試過難食但未試過服務態度差同埋可能一晚做幾場？所以用餐節奏好急趕食物不過不失，此文主要針對服務-坐低樓面女侍應走埋黎第一句就：「係？」由於我係啱啱去完洗手間番黎坐低，唔知佢係過黎落單，我就疑問地：「係？？」番佢然後佢冇講嘢就直接走開左😂😂其實問番句：「想食邊個餐？」會令人感覺好啲然後問有乜嘢限定海鮮，本身話有海膽但唔知點解答我冇但遲過我落單既隔離檯係有(我問過隔離台佢地都係就咁落單，唔係事先預定-上菜節奏好快，一道未食完已經上下一道，自問已經食得好快(熱辣辣既蒸蛋我一口接一口完全冇停過)但唔止一次係食到得番小半份量師傅就直接上下一道菜然後我食完最後一口餐具都未放下，女侍應冇講任何說話就直接插隻手埋黎收走個碗…..-上菜同執檯好快手都好大力，碟放上檯時仲有水漬未抹乾….如果係3位數價錢我完全可以接受，但呢個價位未試過受到呢種對待-師傅同樓面都唔太介紹食物，連食法都冇講，好似所有人都應該知道關西壽喜燒應該點食但好記得個樓面鮮有介紹食物時有兩句說話令人感受深刻，值得分享😂「蒸蛋上面係紫菜同薑蓉，唔鍾意食可以撇走佢」「飯可以任添但係唔好食太飽，之後仲有個滑蛋飯」-講番食物，只能用不過不失去形容但有兩道菜個人感覺麻麻地味噌湯加左山椒？可能我見識少，呢個真係唔識欣賞，試咗一啖之後實在飲唔落同埋飲完個口有啲麻，影響左下一道食物既味道而鮮刨松露滑蛋飯，個松露只有好輕微好輕微夾雜草青味既菌味，食唔到松露應該有既氣味🥲-總結：食完個人好頹🥲…查看更多

多謝朋友同我慶祝生日，帶左我黎呢間新開既壽喜燒，之前都係食汁煮既壽喜燒，原來有另一種關西風既做法，主要係用糖煮，長知識！首先有三款前菜，有鯖魚、山芋、冷麵，幾開胃，再上一個牛刺身，食落去口感好似一件拖羅咁樣，口感好軟好好味！之後就去到主菜既A4和牛，有幾個唔同既部位，分別有肉眼、西冷同埋牛肩，廚師同我地解釋，話食既次序，會係由肥至瘦，肉味由淡至濃，跟住食每片和牛之間都會間住咁食日本蔬菜，可以減低油膩感，我自己最鍾意最後個片牛肩，肉味重之餘都好滑。另外，最有驚喜係個蒟蒻麵，好爽口同彈牙，呢個真係想再加多一份，不過廚師話冇得加，整體黎講，成個體驗都好好，我都即刻book多左一日同屋企人食，不過已經要book到去12月。。。。等下啦…查看更多

尖沙咀有一新開關西風壽喜燒店, 餐廳由日藉主廚主理, 即想訂位試一試.週末訂座好爆滿, 要等到1個月後, 咁啱星期一晚有2個位, 即係拍板去馬 :)難得訂到位, 就試下佢個Omakase Set (即壽喜燒套餐再加多2-3道主菜)首先係前菜3點, 有日本南瓜, 和牛煮, 日本什菇: 之後到茶碗蒸, 裡面無見到任何材料, 廚師話所有食材已經煮成高湯再用來蒸蛋, 味道唔錯又夠滑.牛肉刺身就有西冷同肉眼, 好軟身配埋青瓜絲一齊食, 再粘一粘酸汁幾開胃:之後就係Omakase Set第一道主菜, 備長炭燒愛知縣鰻魚. 鰻魚好肥, 皮燒得夠脆, 炭味十足! 第二道菜式為炭燒鹿兒島和牛牛柳, 呢個菜十分驚喜, 牛柳好軟濡, 油脂分佈平均又夠肉味. 配埋有馬山椒, wasabi及海鹽來食, 正 跟住就到今日主角出場, A4京都姬牛4片, 有肉眼/西冷/牛肩等部份. 牛肉切得好靚, 由主廚每日手切.廚師一人對一枱客, 服務夠晒貼心. 關西風的煮法係廚師先於個鐵鍋上洒糖, 做焦糖化效果, 少許甜度一來可以增加食味, 又可以令到件肉無咁油膩. 廚師用塊牛脂放上個熱鍋上起鍋, <咋>一聲果下好正, 和牛陣香味正面衝埋來, 大家都流晒口水 牛肉煮好後, 粘上蘭王蛋汁再一下送入口果下, 真係唔知點形容, 真係勁油香勁美味!!!!!我地個餐共有4大片和牛, 食完每一片牛後, 會有日本蔬菜間一間. 蔬菜之中我最鐘意個洋蔥, 好甜又爽口.蒟蒻麵又係一大Highlight, 好Q彈, 又索咗牛肉香!飽到頂唔住, 最後個和牛滑蛋飯, 都要食埋, 個蛋煮到大半熟, 有少少生咁好滑.甜品就無影相, 都係雪糕奶凍之類.真係超好味, 大滿足, 期待下個月再同朋友來過!…查看更多