火車頭越南餐室 (朗豪坊)

營業中

休息中

📍🇭🇰突然好想食越南嘢🇻🇳店員又熱情邀請我入去就決定立即試試佢！🤣🍃 環境 廚房同收銀處用好可愛嘅火車外觀設計🚃完全切合返佢哋嘅餐廳名💓隔離有落地玻璃採集自然光☀️加上用奶茶色雲石枱設計，好有高級感！枱面上面仲有醬汁，牙籤等等…好方便，唔需要再問店員拎😋 🇻🇳 食物點左一份Lunch set包含一個主菜，一份小食及一杯飲品✌🏼1.胡椒大蜆炒粉絲 ($108) 🔥 胡椒味同香茅味非常之濃🙈基本上食唔到其他味道粉絲比較粗身，呢種粉絲一般都會黐埋一齊，口感比較煙靭但略嫌醬汁唔夠濃，粉絲吸唔到佢嘅味🥹配料仲有扎肉，雞蛋，芫荽🌿更有越式風味蜆肉幾新鮮，不過有幾隻有啲沙🫣 2.蒜香牛油雞中翼 2 件🧈唔太食得出蒜味同牛油嘅香味🫣感覺係一個Juicy有肉汁，不過味道普通嘅炸雞翼👄 飲品 凍羅漢果蜜 🥃羅漢果味好濃，好解渴，值得推薦💓💁🏻‍♀️ 服務店員服務態度好好，有禮貌，仲好細心！見到食蜆有殼，主動拎隻細碟比我放殼💕唔該晒🥰✨推薦分數 : 6.5 / 10

旺角一向是人流繁盛的地方, 飲食也包羅萬有, 各地美食皆可品嚐得到。越南料理其實有一定程度受中國菜影響, 飲食上有很多相的地方。來到朗豪坊這間越南餐室, 火車頭的佈局頗具心思, 顧名思義的店舖名字。越南河粉是越南菜最具代表性的食物之一, 這裡也有很多配搭選擇。香茅豬扒湯河豬扒外皮酥香, 肉質鮮嫩多汁, 河粉幼滑, 配合香茅的清新香氣, 湯底清鮮, 味道鮮甜而不油膩。香茅雞扒湯河雞扒厚肉有質感, 雞肉嫩滑帶焦香, 湯河的滑順口感與雞扒的豐富味道互相配合, 加上香茅清新香氣, 令口感更有層次。蒜香牛油雞中翼雞翼肥美肉厚, 帶著蒜香和淡淡牛油香味, 口感嫩滑不油膩。越南炸春卷春卷炸得好香脆, 芋蓉饀料酥香幼滑, 配以爽脆生菜, 口感清新。

今日嚟到朗豪坊行街，就順路係4樓搵下野食，最後揀咗火車頭越南餐室🇻🇳一入到去，店員都好主動帶位👍🏻餐廳嘅座位寬敞舒服，而且光線充足佢嘅lunch set 係包主食+小食+飲品，有好多選擇，真係揀到眼花撩亂，每樣都好想食😍今次就揀咗生牛肉湯河+蒜香牛油雞翼+凍檸檬紅茶因為我係走青派，所以叫咗全走😂嚟到好大碗，生牛肉好大塊😍湯頭夠濃小食蒜香牛油雞翼(2件) ，都好大隻，蒜香同牛油味都好出，略嫌炸粉厚咗少少🫣

在旺角想食越南餐,又想坐得舒服的話,朗豪坊的火車頭越南餐室是一個好選擇. 午餐除主食外,還包括小食和飲品,今回我點了椰汁咖喱雞飯,蒜香牛油雞中翼和凍越南滴漏咖啡.蒜香牛油雞中翼~脆卜卜金黃外皮,肉厚多汁,濃厚的牛油香,非常惹味,真的想再吃多幾隻.椰汁咖喱雞~先飲一啖咖喱汁,無甚辣度,點點椰香,但算不上十分可口. 有一舊大薯仔和六舊雞肉(包括整隻雞全翼）.下面幅圖是取去薯仔後再影,雞肉份量滿滿的一碗,份量算多. 雞肉煮得夠入味,每咬一口也感受的咖喱的香氣.越南滴漏咖啡~算是一杯帶有香氣的咖啡,但說明是滴漏咖啡,就應有個滴漏杯,把漏出來的咖啡再倒進加冰的玻璃杯內才算合格. 更何況這杯咖啡是套餐再加12蚊,要求更要提高.餐廳格局走中高檔路線,且位處旺角中心地帶的商場內,價錢很難期望會十分便宜. 只要食物質素合乎期望,已經感到滿足了. 其實今餐我都好滿意,唯一美中不足是咖啡比較馬虎,另加12蚊但水平卻如普通凍咖啡般,實在不值.

好耐冇黎朗豪坊食飯，突然想食越南河🤤醒起朗豪坊有間火車頭，成日行過都冇機會食😬今日就黎試一試，2點左右人流唔多，即刻有位🤭平日要3點先有下午茶，我就冇等到喇🥱Lunch Set 都有好多選擇，仲有得揀小食同野飲😎好豐富😝🍜香茅豬扒湯河（$82）湯河好大碗，豬扒份量好多😍豬扒都有驚喜，好厚肉，咬落去一啲都唔鞋，仲好juicy🥳河粉好滑身，不過湯底偏咸左啲😆🐣小食：蒜香牛油雞中翼雞翼就一早整定左唔係新鮮炸起🙊外皮有層炸皮，唔係新鮮炸起變到有啲林身🙈雞翼啲肉都算滑身，大大隻🤣☕️飲品：黑糖薑茶（熱）薑茶既薑味好濃郁，天氣涼涼地飲就岩岩好🥰加埋黑糖甜甜地幾好飲，夠晒養生🙂/📌火車頭越南餐室 (朗豪坊) (旺角)旺角亞皆老街8號朗豪坊4樓12號舖/😋食物質素：7.5/10🍽️用餐環境：8/10💰性價比：7/10👣回頭率：7/10

中午時間, 又遇上大雨, 經過朗豪坊就先食個午餐再做野.餐廳佈置非常開揚, 令人舒適, 明明在商場內也如置身戶外, 店員的服務態度亦唔錯. 上餐速度都快, 午餐高峰時間都唔太需要等太耐. 整體都乾淨整齊又有櫈底籃放客人的手袋背囊. 讚 香茅雞排湯河雞排大大份, 肉質唔鞋, 唔錯. 湯底清甜配合青檸, 辣椒, 九層塔, 令人食指大動. 香茅牛肉撈檬燒牛肉帶甜, 份量適中, 加入特製的汁後, 蔥油, 炸蒜, 醃菜等, 令整碗撈檬更提升, 停唔到口. 味道清新非常適合香港天氣.蒜香牛油雞中翼香口, 重牛油味. 雞翼炸得外脆, 肉嫩多汁. 烤豬肉米紙卷外層米紙煙韌帶米香, 入面的蔬菜和烤豬肉比例剛好. 加上香濃的醬汁, 更惹味羅漢果蜜不會過甜, 唔錯鹹檸七喜鹹檸會預先為客人處理好, 十分細心總結: 整體的菜色美味, 餐廳的裝潢亦令人好放鬆, 好適合忙裡偷閒

同一班朋友即興約食lunch，揀左個大家都方便嘅地點，就去旺角食啦～差不多完午飯時間，唔洗點等就有位。枱紙已經係餐牌，將個菜單排到好似地鐵路線圖咁。餐嘅時候，侍應會係張枱紙度圈埋你叫左咩，順便確認無落錯單。我地每人叫左一個麵，仲有兩款小食share，我就揀左雞絲扎肉湯粉。份量正常，湯底夠味唔會太咸，越式粉麵嘅配料會另上。另外兩樣小食就係香茅豬扒米紙卷同蒜香牛油雞中翼。米紙卷有兩件，中間嘅配料都不外乎係米粉，青瓜，紅蘿蔔等爽口嘅配料再夾條豬扒，無乜太大驚喜👌🏻而雞翼就幾脆幾香口，蒜香味重啲，亦唔算好油😋飲品揀左黑糖薑茶，唔會太甜，天氣涼飲返杯熱飲啱哂⛄️