一番風味

諗起食海鮮但唔想去咁遠, 腦海閃起呢一間菜館裝飾有老香港情懷, 牆場有電視, 多一種享受餐牌有主打海鮮類, 最受歡迎嘅蟹粥當然有另有其他小菜類供應, 各式其色為海鮮而黎, 睇下呢個餐牌有咩推介先........................將龍躉起肉配埋西芹蒜頭一齊炒就成為呢味蒜香炒龍躉球 ($148), 未食已經聞到好香蒜味魚肉嫩滑, 魚皮帶點煙韌, 若果再厚切返少少就仲好!金榜醬蟹煲 (另配法包) ($298), 用煲上可以食到尾都保持到熱度; 金榜醬味道有D複雜，有辣椒(但唔算辣)，薑，香茅，椰汁等，感覺幾東南亞，味道又似星加坡的喇唦湯底。 成隻蟹"浸淫"於橙紅色醬汁裏, 蟹件斬至大細適中, 連蟹鉗都預先拍一拍, 食起上黎都容易少許蟹蓋唔算有太多膏, 但都幾滋味蟹肉結實飽滿, 味道鮮甜, 食得出係新鮮貨色有咁惹味嘅醬汁, 最岩配法包呢類"索汁尤物", 可惜法包未夠脆身, 但索汁程度仍然強勁!咁好味嘅汁就唔好浪費, 叫多碗白飯先............(哈..哈..)清蒸鮑魚就食得多, 今次轉轉新口味, 炸至金黃色香噴噴就係呢客風沙鮮鮑魚 ($48/隻), 鮑魚披上金黃色戰衣香脆外表帶點微咸, 就咁食又得, 撈飯食亦得!  鮮鮑魚大隻厚實, 一啖咬落去夠晒口感, 彈牙無比又有鮑魚鮮味, 正到無朋友!海鮮質數出色, 下次要叫多D人黎食, 再試埋佢嘅小炒, 風味一番!…查看更多

好喜歡吃海鮮的我聽到蟹、瀨尿蝦這些海鮮就垂涎欲滴很開心這晚能拉到朋友到灣仔和我吃海鮮這晚來吃有「一番風味」的海鮮聚會的好地方家庭樂也不錯，有掛牆電視，不用趕回家追劇目標是海鮮鮑魚、瀨尿蝦、蟹、蟶子、扇貝、海蝦、龍躉餐廳海鮮選擇多之外，煮法都各有不同，單是蟹已經有很多炒法，也有各種蟹煲四人晚市套餐，一餐吃到數款海鮮，各有風味，好吸引價格亦很合宜，下次四人同行就試這個套餐吧餐廳推介的小菜金榜醬，非常香的椰奶喇沙味每一滴醬都是精華這個金榜醬蟹煲真的不得了先說份量，大大隻蟹蟹的部份例如蟹鉗、蟹肉都肉質豐富，啖啖肉！而且餐廳沒有吝嗇蟹煲的份量，數隻大蟹腳、大蟹鉗，再有一個大蟹蓋，我和朋友真的吃得滋味又滿足味道方面，金榜醬滲進了蟹肉，所以啖啖惹味。蟹煲另跟法包，讓法包沾上金榜醬，不浪費每滴精華其實金榜醬撈白飯都十分不錯大大隻瀨尿蝦用花彫蒸更突出瀨尿蝦的鮮甜炒得好香，鑊氣十足充滿蒜香的龍躉球，炒過後肉質仍然嫩滑吃了蟹、瀨尿蝦和龍躉，真的是滿足的晚餐…查看更多

以前和朋友去澳門，一定會去氹仔官也街食水蟹粥炸鯪魚球，但自從澳門脫變之後水蟹粥已經不可同日而語了，就是這樣已經很久沒有再食蟹粥，最近朋友告訴我灣仔有一間叫「一番風味」他們的招牌蟹粥，做得不錯叫我去試吓，既然朋友有心推介當然要約埋一齊試清楚啦。招牌蟹粥糕蟹 $348招牌蟹粥用上新鮮糕蟹煲成，味道鮮甜蟹味濃厚而且粥底綿密，色澤金黃新鮮蟹膏混入粥內差不多每一口粥都有蟹膏實在美味。蒜香炒龍躉球 $148食海鮮新鮮就是無敵，龍躉球肉質嫩滑加上厚厚的龍躉皮，食落十分膠口配上清香的西芹粒和微微的蒜香味，味道配合得恰到好處。蒜蓉粉絲蒸扇貝 $150這碟蒜蓉粉絲蒸扇貝，雖則扇貝是主角但是粉絲吸收了扇貝的精華，和蒜蓉的香味加上幾滴醬油，鮮味提升至極點，我只想粉絲一食再食😋😋…查看更多

呢間在灣仔道的＂一番風味＂門口貼了很多介紹廣告，裏面食客爆滿，有招牌蟹粥和小炒感覺味道地道不錯一於入去試吓先😋招牌蟹粥糕蟹 $348一大煲上的蟹粥一打開蓋香噴噴，粥底是橙黃色顏色十分吸引感覺成煲都係用蟹膏煲成的粥底，食落蟹味濃郁鮮甜，啖啖蟹粥都有蟹膏，而且蟹肉非常新鮮肉質細嫩，蟹鉗已敲碎不用費牙力已能食到美味的蟹肉。食完蟹粥當然要將蟹蓋裡的膏消滅掉啦🤪蟹蓋有差不多一隻碟那麼大十分足料很誇張蒜香炒龍躉球 $148龍躉肉質嫩滑皮帶點煙韌有膠質，感覺有豐富的蛋白質，西芹爽口清甜，一脆一嫰火喉十足互相輝映避風塘炒瀨尿蝦 $176瀨尿蝦差不多有筷子那麼長，瀨尿蝦乾身用勁多的蒜蓉和蔥頭非常惹味可口👏🏻…查看更多

呢道出名食海鮮同蟹粥,早幾日就訂左檯~呢排除左系屋企,就好耐無系出面食中菜了,抱著很想食海鮮的心情來食餐飽!一進餐廳就看到一番風味的招牌~牆上都掛上舊香港的黑白照~餐牌上太多選擇了,加上菜式的照片全部都很吸引呀!本來想叫招牌蟹粥,經店長介紹下有新菜式,問我們要唔要叫呢個青胡椒芝士蟹煲$298(好吧,就試下呢個,叫碗白飯撈芝士汁仲過癮),double cheese蟹煲!蟹蓋好大,好大隻蟹,攪一攪個芝士汁,就先食蟹蓋~蟹膏好多呀夾埋少少芝士汁,撈飯食真系最佳之選,想不到芝士汁很入味,但仍食到蟹的鮮味,不誇張,真的是好鮮甜的蟹味,啖啖嫩口蟹肉,膏多肉更多~比平時食的(芝士龍蝦伊麵)的芝士汁更濃稠,味道也不太一樣~撈飯一流！蒜香炒龍躉球$148,從賣相已睇到色香味俱全,陣陣蒜香鑊氣十足~外層炒至金黃既龍躉球,肉質爽嫩多汁,一點也不柴口,切片不算很薄~最喜愛的魚皮膠質口感豐富,好美味!!蒜蓉粉絲蒸扇貝(2隻$96),這道菜不難做,但也要有心才做得好,否則粉絲不夠入味,扇貝會蒸乾～廚師把時間控制得好好,扇貝軟嫩鮮甜,粉絲既入味又唔會有部分被蒸乾,香蔥,蒜,豉油很夠味卻不過濃及鹹影響扇貝既鮮味~呢度既海鮮小菜真系好正,廚師有心機製作,餐廳食材新鮮,very good!!…查看更多

朋友在灣仔放工，說常常經過看到門口好吸引的「蟹粥」貼左門口，所以今晚決定一試！在大街上都很容易找到，入到去牆壁上都貼上昔日的香港照片，很有香港情懷。7點到步，時間尚早都很快店員就安排坐位，底下看看餐牌，我們點左以下幾道菜：1）招牌羔蟹粥2）黃金蝦3）蒜香炒龍躉球黃金蝦香脆可口，鮮味十足而且很入味，蝦身已經係除左殼先炸令味道更鮮甜更加入味👍🏻金黃色的粥底外觀非常吸引，而且香濃鮮味，蟹糕豐富蟹肉新鮮甜美😍粥的口感又綿又香💓岩晒喜歡海鮮的朋友蒜香炒龍躉球，外觀看似一般般，但食了肉質滑嫩可口，非常細滑，而且很新鮮。整體餐廳服務很好，環境舒適，是個聚會的好選擇。會選擇再光顧的餐廳。…查看更多

朋友相約於灣仔飯局, 呢間食店佢之前食過話唔錯, 知我鐘意食海鮮所以同我黎試下! 食店面積都幾大, 坐得舒服, 牆上掛住舊香港既黑白相片, 又有懷舊擺設, 的確幾有風味!餐牌上提供海鮮類, 各類型煮法都有, 喜歡原味可以選清蒸, 惹味刺激可選避風塘或豉椒炒亦有套餐供應呢度仲提供小炒類, 食物種類夠晒多元化今晚我地以海鮮為主題, 分別點左幾款唔同煮法, 味道由淡轉濃花鵰蒸瀨尿蝦 ($136), 賣相靚仔, 橙色花鵰蛋白, 食起黎嫩滑無比及有花鵰酒味道, 用黎撈飯亦係好配搭; 瀨尿蝦已經除左殼, 食起黎相當方便, 肉質鮮甜又彈牙, 正呀!蒜香炒龍躉球 ($148), 若以炒球黎講, 再厚切多D會好D, 魚肉起骨變成啖啖肉, 肉質結實得黎亦夠滑, 魚皮夠晒膠質, 配合蒜片及西芹一齊炒, 香味倍增!避風塘炒蟹 ($288), 以大隻肉蟹為主角, 配角為大量炸蒜, 䓤, 辣椒及薑片, 送上枱時已經聞到香蒜味先食到外面香辣炸蒜味, 辣度都幾辣但可接受, 脆卜卜既炸蒜就咁食都好味, 撈白飯亦得; 蟹肉食落有鮮甜味, 亦都幾好肉, 兩者配搭出黎既味道係好味!今晚呢餐"魚蝦蟹"味道正, 價錢親民, 回頭率偏高!…查看更多

每次喺灣仔等巴士都會見到呢間食小炒嘅一番風味都座無虛席, 所有就搵機會搵埋個"區友"一齊食下.蒜香炒龍躉球最鍾意食魚肉炒球, 啖啖肉又無骨龍躉球肉質彈牙, 龍躉魚皮超厚身, 極富骨膠原最重要係夠晒鑊氣.黃金軟殼蟹黃金蝦食過無數次, 見到新奇的黃金軟殼蟹, 聽落都幾正咁, 同朋友一人一隻.黃金(鹹蛋黃)炒至起沙😍, 淋上炸好的軟殼蟹殼面, 又熱氣...又香口, 點樣抗拒呀?!.成隻軟殼蟹楂住嚟食, 幾過癮.避風塘炒肉蟹炒蟹超夠鑊氣, "風沙" - 炸蒜、薑、蔥的香味不斷撲鼻, 未開始食蟹, 就不斷食炸蒜, 因為真係超香超刺激, 之後仲叫咗碗飯嚟食.肉蟹嘅外殼大部份都敲碎, 唔洗驚咬到牙崩, 又唔洗用個鉗左夾右夾都搞唔叫掂蟹夠新鮮, 肉質夠實淨, 最重要唔係嗰種殼好大肉好少嘅蟹…查看更多

連續四餐包括午餐及晚飯都係西餐，今晚一定要食返中餐。身處銅鑼灣灣仔一帶，上網搜尋一下，漫無目的、點指兵兵之下就選擇了「一番風味」。始終是星期日、又沒有訂位，在餐廳內呆呆等了差不多半個小時才有位。裝修可以用簡陋來形容，但出乎意料地枱與枱之間又唔算好迫夾。原因好簡單，鋪位有點三尖八角，地方絕對唔算好用，老闆也是受制於場地限制而冇辦法擺放更多枱櫈。唯一的裝修特色可以說是四周牆壁上的黑白相片，全部充滿着1950、60年代、甚至更早時期的香港風貌。只不過睇真啲，這些相片又似是而非，好像經過電腦加工效果。很難想像香港曾經在某個時期的某一處地方，會同時出現以下幾間店舖：和興隆餅家、尖尖攝影院、恭利竹庶水；即使全部店舖名字似真若假，但幾肯定真身未試過出現在同一條街上。餐牌設計非常簡單，配合街坊小館的格局，其中又有不少時令海鮮；撇除海鮮，其他小菜價錢大部份都是 $80 左右，以灣仔區來說，都已經算是合理的街坊價了。當然，這類型街坊小店總會有一兩樣招牌菜以作招徠，「一番風味」就有招牌蟹粥（時價）。睇照片的確非常得，也見到差不多每一枱人都叫這一鍋粥；只不過相當大鍋，足有四個人份量，唯有作罷。蒜香炒龍躉球（$148）份量算合理，但隻碟就大得誇張，還以為是十二人一席的菜式。店方好均真，寫明採用沙巴龍躉，避免客人誤會是深海野生大龍躉。龍躉肉切片大小適中、只是太薄身，厚一點才配合炒球的標準。始終是人工大量養殖的沙巴龍躉，肉質結實得來較粗嚡，欠缺野生龍躉的結實中帶爽滑；魚味也不夠鮮，有一陣輕微泥腥味。只不過綜合價錢考慮，質素水平也可以接受。砵酒炸桶蠔（每隻 $42）有去開超級市場或者街市買美國桶蠔（打邊爐或者自己整薑蔥焗蠔）的朋友都知道，桶蠔都有分大細；細隻的一桶有八九隻，大隻的一桶只得四五隻。這兩隻桶蠔肯定是大隻的那一種。一般中式煮法都是砵酒焗蠔，即是將蠔炸至半生熟之後，再用錫紙包著炸蠔，並加入洋蔥、砵酒及醃料調較而成的醬汁焗一會而成。「一番風味」的烹調方法則是簡單炸熟，再配以西生菜及秘制醬汁。表面的薄粉漿炸得非常香脆；蠔肉夠厚身、蠔味十足；火候控制得宜，蠔肉剛剛熟，每一啖都充滿蠔汁。味道可能及不上砵酒焗蠔的芳香濃郁，但多了一份香脆口感及更能突顯蠔的鮮味；只不過完全食唔出桶蠔浸過砵酒的味道。如果沒有浸過砵酒，菜式名字的意思只是指西生菜上的秘製醬汁，也不對板；橙紅色的醬汁完全沒有砵酒香之餘，味道更似是筵席中炸蝦膠釀蟹鉗的酸甜汁、只不過多了一重辛辣。這兩隻炸桶蠔的食材是優質，但敗在醬汁，砵酒兩字更加似是騙人，為什麼不乾脆叫酥炸桶蠔？黃金炒圍蝦（$118）好大碟，足足有8至10隻蝦，而且睇落去幾大隻，唔似係基圍蝦，甚至乎有點似中小型尺寸的海中蝦，即時的反應就是「嘩！好抵食！」。每一隻蝦表面都被鮮橙黃色的鹹蛋黃醬汁包封着，的確是好邪惡、膽固醇肯定超標，但吸引力實在非常巨大，冇可能忍得住口唔食。夾起一隻黃金蝦咬落去，覺得有啲唔妥。鹹蛋黃蓉醬汁煮得未夠徹底融化，部分鹹蛋黃仍然結成一塊塊，唔能夠完全做到「起沙」的效果，味道方面也稍嫌未夠鹹香。而且，原來整隻基圍蝦包了一層薄薄的脆漿，脆漿表面才是鹹蛋黃煮成的醬汁，唔怪得每隻基圍蝦好似大隻咗一個碼。除了沾上一層脆粉漿才炸蝦之外（有别於傳統黃金蝦的炮製方法），又特意去除蝦身的殼、只保留蝦頭及蝦尾兩截較薄身的蝦殼，似乎參考了日式炸蝦的炮製方法，也方便進食。雖然這個意念有抵讚的地方，但還是比較喜歡不加脆漿、直接落油鑊猛火油炸至蝦殻完全香脆的炮製方法，總覺得脆粉漿不太配合黃金蝦。可能是星期曰特別繁忙吧，餐廳員工數目又似乎唔係好足夠，除了三個普通侍應之外，只見兩個主管級人員身兼多個重要職責，落單、安排座位、招呼 walk-in 或訂枱的客人、埋單找數、甚至執枱，搞到場面有少少混亂。味道方面，不過不失，但價錢都算合理（以灣仔區來說）；家住灣仔的人，可以考慮作為飯堂之一，外區人士則沒有必要專程一試。…查看更多

昨天我和家人來灣仔這間新開的一番風味中菜餐廳食飯，這裡地方間隔幾好，檯與檯之間不會太逼，一坐低就有侍應放低茶水，打開餐牌，有兩頁都係海鮮，就知道應該以海鮮做主打的餐廳，由於不知道食咩好，就問侍應有咩好介紹，距就話膏蟹粥係呢度招牌，一定要試.我地一家四口就點咗一個膏蟹粥，一個銀諗碌鵝（吖媽話這個菜式好少有餐廳酒家會做，所以想試下）一個蒜香炒龍躉球和一個啫啫芥蘭，落完order，望一望隔離周圍，發覺原來檯檯都有叫蟹粥，搞到當刻想快D試一試個粥，不過廚房出餐速度還算快，等咗一陣個蟹粥就送來，一打開蓋，一陣濃郁鮮味，個粥金黃色，望落好吸引，攪兩攪，膏蟹不是流料，係勁多蟹膏，原來個粥可以熬到變金黃色，都係要膏夠多(我覺得），食落粥底綿滑鮮甜，隻蟹都算頗大隻多肉，份量亦很多，4人食不會嫌少先，呢個膏蟹粥可以話係有水準的誠意之作，值得一試再試，其他野大概等咗20分鐘就上齊，炒龍𧄌球亦做得好好，不同與傳統粵菜，呢邊做法將班球煎炒到起焦，但不會過火，滑得來又香口，西芹爽口，水準比某些大酒家還好,碌鵝都幾特別，酸酸甜甜，餸飯一流（第一次食），啫啫炒芥蘭，鍋氣十足，炒的爽口，不會太軟身.總結成餐飯都好滿意，食得好開心，希望可以繼續keep到水準，下次會再幫襯…查看更多