SuperNormal (淘大商場2期)

在淘大商場逛過DONKI，就來到酒吧餐廳SuperNormal吃晚餐。餐廳面積不大，座位不多，裝修頗有格調，配合昏黃的燈光效果，氣氛輕鬆悠閒。今次就點了份量驚人的二人餐 $426，包括餐湯、蒜蓉包、小食兩客、兩份主食和餐飲。是日餐湯為南瓜湯，湯頭質感夠creamy。烘得暖暖的蒜蓉包，質地外脆內軟充滿蒜香味。唐揚炸蝦可以免剝殼，連殼帶肉一起吃，蝦味比平時單吃蝦肉會更濃，口感酥脆。手打蟹餅外層炸得金黃脆身的蟹餅，就適合我這些愛吃蟹但又最怕拆蟹的懶人。裡面真材實料載滿絲絲蟹肉，每口都充滿蟹肉的鹹鮮味。西京燒比目魚 $426除了兩大條size超巨型的比目魚之外，還配上一大球紫菜飯糰，飯粒已用日式醬油調味，帶來實在的飽肚感。緩緩倒下微微甘甜的西京燒醬汁，調味不會過濃而蓋過本身的魚鮮味。魚肉雪白豐厚，質感滑嫩肥美啖啖肉，多汁不乾身。帶子龍蝦汁意大利飯飯量同樣是重量級，混有入口爽彈的蝦肉，可惜龍蝦汁味道不太突出。大粒肥厚的帶子煎至表面微焦，肉身光滑細緻，味甜富彈性。risotto 煮至軟硬適中，入口奶滑煙韌，米心帶有嚼勁且不易軟爛。加 $12就可轉成特飲，選配丁香肉桂檸蜜，隱隱滲出肉桂淡淡悠然的飄香，清甜消膩。青瓜薄荷檸檬梳打入口冰爽透心涼，炎炎夏日下確實是解暑良伴。…查看更多

同朋友搵食搵到去九龍灣淘大，想簡簡單單坐低吹下水，所以揀左呢間西餐廳SuperNormal 。餐廳入口係淘大商場外，面積唔算好大，標準港式西餐小店格局。.見晚市二人套餐選擇都幾多，牛羊魚意粉飯樣樣都有，無懸念地選擇左套餐。.晚市二人餐 💲398/2人⭐️3.8/5.小食 - 日本池魚仔日本池魚仔係炸上跟左蛋黃醬。炸版池魚第一次食，有啲似細小版既秋刀魚。作為開胃前菜佢嘅份量都好多。上檯熱辣辣好香口唔經唔覺傾吓計就食晒。.前菜 - 法式牛肉批係沙律同牛肉批中間做個選擇，無懸念之下揀咗牛肉批因為未試過。呢份法式牛肉批格局好似威靈頓牛扒：面係酥皮，中間有啲似係大版Cold Cut凍肉咁樣。批都係凍凍地食，呢種食法都幾新鮮。.餐湯 - 蘑菇湯配蒜蓉包蘑菇湯有少少淡，但係個蒜蓉包有超濃蒜蓉味，烘得好香脆救番晒啲分數。兩樣夾埋食啱啱好。.主菜 - 燒刺身級油甘魚配飯團肉系主菜三揀一，有魚有羊有牛，因為怕食唔晒同埋想健康啲所以揀咗煎魚扒。今次冇揀錯，呢個主菜係今晚嘅VIP。首先煎香左油甘魚魚香味好重，個皮焗到好脆但魚肉鬆軟唔鞋。魚扒唔油膩又香口，仲要份量唔少有兩大塊，結果最終食唔哂要打包😂。主菜配埋飯團個配搭幾新鮮，飯團味道正常不過不失正常發揮。.主菜 - 帶子龍蝦汁意大利飯意大利飯有兩隻珍寶尺寸帶子同埋有蝦肉，用咗龍蝦汁煮，質素合理正常。.晚餐有跟嘢飲，加錢可以試埋佢哋一系列嘅特色飲品。可惜我同朋友食到一大半主菜已經飽左，特飲就要留返下一次啦。.總結：用餐體驗不過不失，勝在價錢合理。係朋友情侶聚餐，性價比唔錯嘅平民西餐之選。.不專業食評 nei.foodie …查看更多

有一段時間冇過嚟淘大食嘢，今日同朋友嚟呢間酒吧餐廳，地方唔算好大，暗昧嘅燈光增添氣氛，另外有兩張室外餐枱。晚餐主要係散叫同埋有一個二人餐，為咗唔使煩就梗係食set算啦！套餐包1分日本池魚仔，有啲似細小版嘅秋刀魚，外表烤得香脆，有沙律醬可以點，每人都有三四條，味道唔錯。另外都仲有一個前菜，可以揀櫻花蝦蟹肉沙律或者法式牛肉批，我哋就揀咗牛肉批。其實就有啲似酥皮包住厚切火腿，感覺唔似食緊牛肉，但我都幾鍾意食，個底仲有沙律菜添。是日餐湯係蘑菇湯，不過味道偏淡，蒜蓉包每人一塊 ，香脆可口。主菜有A B兩個，A款選了「燒美國頂級肉眼牛扒配松露汁（12安士）」，雖然唔係好厚切，不過面積都算大，肉質柔軟。還有一舊炸芝士伴碟，幾好味！B款點了「俄羅斯汁烤雞焗飯」，似蕃茄洋蔥汁，雞肉都幾多，有菇、洋蔥絲、紅椒等配料，應該係即叫即焗，熱辣辣上碟，味道唔錯。二人餐亦包兩杯飲品，可以揀咖啡茶或汽水，亦可以加$12轉特飲。…查看更多

好耐無泥SuperNormal食飯 今日經過有d掛住所以就入左去啦😆 之前介紹過佢哋嘅原隻軟殼蟹漢堡包 今次一於食下其他野😋今日想飲湯 所以就試左佢地既法式鮮蠔湯 仲點左一客蒜蓉包😚 上菜先知原來餐湯已經跟左一片蒜蓉包 但係佢地既蒜蓉包好出色 比想像中更香蒜蓉牛油味 而且好鬆化😍 蠔湯好creamy 亦重蠔味 而且夠熱 好好飲👍🏻 主菜方面我地就揀左黑松露日本和牛漢堡同西班牙海鮮燴飯🤤 漢堡本身已經跟薯條同沙律拌碟 份量十足 漢堡既醬汁除左有黑松露 仲有蜜糖芥末 同和牛好夾 麵包係我鐘意 帶點甜味 整體不錯👅 西班牙海鮮燴飯有唔少海鮮 蝦 魷魚 蜆 青口等等 又creamy又夠濃味👍🏻最後仲想食d甜野 所以仲食左焦糖菠蘿🍍 本來燒菠蘿已經夠哂甜 佢係面頭再加上一層焦糖 令整體味道昇華 外皮香脆 菠蘿超甜又多汁 正🌟…查看更多

今日係同老公大人註冊6週年紀念日緊係要搵間餐廳慶祝下！係OPENRICE搵食，竟然見到有餐廳係零負評，緊係要一探究竟啦⋯Book咗7點，準時蒲頭，已見店內已有4,5成客。帶住呀女，咁就叫定嘢食，等埋老公同個仔來一齊大朵快頣雖然舖仔細細，但我坐咗10分鐘就見到座無虛席，門口亦有人等枱，心中不禁期望我所點嘅美食因為只得2大2細食，只係叫咗個兩人餐，再散叫老公大人最愛嘅咸豬手&呀女大愛嘅蜆食。(呀仔最愛蒜蓉包，個餐同蜆鍋都有，唔使額外order)落單十分鐘左右，就開始陸續上菜。員工們都主動收碟嘅。整體來講，我哋兩口子都覺得食物同服務都唔錯有機會再食過下次要試佢嘅漢堡先！…查看更多

今日黎到九龍灣食好野，黎到高質素餐廳，supernormal。環境相當高級，拍拖一流。加上店員既服務好好，絕對係高級享受。餐廳氣氛比較溫和，燈比較暗。背景仲配有pop music。食身方面: 我地叫左2人餐。$398法式牛仔批係前菜，食落好特別，有d似火腿腸咁，少少咸，個外皮幾好食，好有牛油味。日本池仔魚都相當好食，有少少咸，但親熱食好好味。再點埋d沙律醬食，味道一流。夏威夷安格斯牛堡中間既牛好多汁，好鮮牛肉味。加埋其他汁配搭都好好，酸酸甜甜好開胃。燒刺身級油甘魚，個人覺得刺身級質素真係唔同d，魚特別鮮味，同埋好有咬口，值得一試。…查看更多

喺淘大行完街，見到一間裝修風格幾靚嘅餐廳，入到去睇一睇餐牌，晚市嘅精選二人餐都幾抵食。海蜇燒雞沙律沙律好大碟，係好清新既田園風味沙津，煎雞肉條同埋海蜇mix 埋一齊，海蜇好爽口令到沙律更添口感，入口有點柚子汁，酸酸甜甜很開胃。蒜蓉包佢哋嘅蒜蓉包味道好香口，蒜蓉味極重。粟米湯好香粟米味，湯嘅口感好滑，佢哋整到蓉咁冇大大粒嘅口感。整體來講都幾滑，不錯寶雲酥焗法式羊架今次叫咗三成熟嘅寶雲酥焗法式羊架，羊架嘅賣相好吸引，羊架外層的寶雲酥焗到香脆可口，而羊架的肉質，口感鮮甜幼嫩，中間好juicy ,值得一試帶子龍蝦汁意大利飯龍蝦汁嘅味道好濃，每一粒意大利飯都被龍蝦汁包裹着，帶子味道鮮甜。兩杯飲品…查看更多

係淘大有間新開既西餐廳，好有feel而且寧靜，好relax環境不錯之外，食物都OK👌🏻叫左個2人餐🔶是日餐湯：南瓜濃湯，都幾好味，好creamy🔶蒜蓉包（好好味啊！脆脆的，食完想再食）🔶前菜：法式牛肉批（說真的，我食唔到牛味，中間有啲似午餐肉，外面有一層包，都幾好味）🔶主菜：美國頂級西冷配鵝肝汁（五成熟）個西冷是OK的，入面都不會太熟，但少左啲牛既鮮味而且個鵝肝汁唔係好出味，變左好淡味...🔶主菜：雙層芝士海鮮焗飯好重芝士的，正！但中間內裡飯完全無汁🙈硬硬的海鮮都足料的！所以食之前要撈暈佢先食總括，唔錯的選擇，下次要食個德國豬手，見係招牌應該好好味😋…查看更多

在淘大看完電影隨便逛逛找間餐廳吃，行過這鋪頭感覺裝橫很有外國餐廳的風格工作一整天不想思考吃什麼剛好餐牌上有二人餐，就隨便點了合我口味的😋套餐包埋餐湯同蒜蓉包和飲品蒜蓉包未食已經聞到好香既蒜蓉包味聞到好香食落都系香脆惹味南瓜湯吾會好結身，好甜既南瓜味間吾中有少少南瓜粒口感法式牛肉批第一次食，中間有一層層既火腿外面系一層好香既酥皮包住，幾有層次😋😋帶子龍蝦汁意大利飯帶子咬落好鮮甜💕龍蝦汁意大利飯，聞下去龍蝦海鮮甜味重，咬下咬下意大利飯的粘力令人愈食愈咬不停😽 感覺如果下一點點鹽味道會更突出。寶雲酥焗法式羊架羊架一上碟，聞落香香的不會有羊肉的酥味，個人喜歡吃生一點的，所以點了3成熟的羊架，這熟度的肉質口感讓人回味無窮🤤🤤…查看更多