深宵食堂 (已結業)

今日去左銅鑼灣找朋友拎D野，佢心情好請左我去距離時代廣場兩三分鐘路程既深宵食堂食野，既然有佢請，價錢又實惠，一於樣樣都叫來試下，去大吃一餐。蟹肉沙律首先來個沙律清下個口先，蟹肉不少，味道清新，蔬菜爽口。太子魚餅係佢既是日推介，不油，魚餅有口感同埋魚味的。生燒牛脷芯牛脷剛剛夠熟，夠爽口同埋有牛味，不錯的。鹽燒雞翼不太咸，燒得夠香口，調味亦ok，下次一定會再試。汁燒金菇肥牛卷汁不多也不少，肥牛有肉味，連埋金菇配搭得很好的。鹽燒鯖魚份量不少，岩晒鍾意吃原條燒魚的友人了。汁燒牛肉飯又一推介之選，牛肉夠多，同埋牛肉汁配搭得很好。蒜片一口牛粒真的一口一啖一粒，有少少入口即溶既感覺，讚好！日式一口雞有日式居酒居既雞唐揚feel，熱辣辣，夠香口的。烏龍茶/菊花茶清爽，解喝relax之選。脆脆朱古力泡芙最後來個是日甜品，又飽又滿足！…查看更多

今晚黎到銅鑼灣的深宵食堂，地方唔算太大，但都好雅緻。我們7:30左右到，所以唔算太多人~不過好快就客似雲來。坐底時枱上已放有點餐紙，食物既種類好多，有燒物、主食、飲品同推介，蔬菜水果、雞、豬、牛、羊，應有盡有，我們下單時都無理太多，想食就點。食物即叫叫做，夠哂熱同新鮮。吉列廣島蠔炸蠔外面炸到金黃色，香脆可口，而蠔都好肥美，好鮮甜。汁燒白鱔我平時唔食魚，但友人點左依串白鱔，我試左一舊，真係好正！白鱔配上秘製汁燒到外皮脆脆地，好香口，魚肉鮮嫩仲無骨，岩哂我~芝士蟹肉玉子燒食之前做過下功課，見個個都叫招牌菜芝士蟹肉玉子燒，所以我地都點左一客，果然不負眾望，大大份玉子上面用茄汁寫上「深宵」兩字，切開滑滑玉子仲有芝士流出，係我食過最豐富的玉子燒，味道唔錯～蒜片一口牛粒牛肉嫩滑多汁，唔會煮到太韌/唔熟，再加埋D蒜片汁，超惹味！鵝肝什菌石窩飯大大塊的鵝肝，表面煎得焦脆，油脂滲入飯中，份量多，鍾意飯焦，等左一陣先食，成個飯都好香脆~川味茄子茄子最後先上枱，果然係好戲在後頭，一上枱我地都被茄子的賣相吸引住。有很多很多的蒜蓉同辛辣粉，味道很濃很香口！總括黎講我們食左好多野，都感受到師傅係用心烹調。…查看更多

同事提議去居酒屋食串燒談天說地，立刻上Openrice搜尋一下銅鑼灣附近有無好介紹，見到深宵食堂都唔錯，就一於同同事起行去覓食。深宵食堂位於銅鑼灣百樂中心6樓，在時代廣場行過去只是數分鐘。店內設計給人好舒服的感覺，枱與枱之間闊落，是談天說地的好地方。我們先叫了一杯烏龍茶及一杯菊花茶。菊花茶喝落不太甜，好清潤，是食串燒的好拍檔。朋友的烏龍茶冰冰的，他說茶味香濃。每碟燒物、炸物、小食及主食都是即叫即做，非常熱辣辣及新鮮。汁燒帆立貝，燒完後仍然又厚又大粒，而且還是很juicy。鹽燒雞翼燒得外脆內嫩，醃味亦剛剛好。墨魚大阪燒餡料豐富，墨魚爽口彈牙而且份量亦不少，粉漿調配得可口，加上熱力足夠令大阪燒上的木魚絲跳動，好治癒。日式一口雞炸得香脆而不膩，內面的雞肉仍是很juicy，配上沙律芥茉醬，推介。蒜片一口牛粒醬汁調配得好正，牛粒入口嫩滑，配上少許入味的菇菌及新鮮的沙律菜，也是不錯的選擇。汁燒金菇肥牛串燒得剛剛好，配上入味的金菇及香甜的燒汁，美味。香草紐西蘭羊架燒得香脆可口，唔會過熟，而且羊唔羶。手打湯烏冬爽滑配上香濃的湯底及少許蔬菜，唔錯。汁燒牛肉飯食到最尾仍是熱辣辣的，炒過的牛肉及蔬菜好入味，配上充滿牛汁仍是軟硬適中的日本米，推介。…查看更多

與朋友相約在銅鑼灣區食晚飯，於是上openrice check下，發現一間坐落於銅鑼灣既深宵食堂，都唔錯，咁就決定呢間啦！上到去既時候比我感覺係一個好私人好靜既地方，而大部分都是卡位，讓客人可以坐得更舒適吧！由於時間尚早，人客唔多，環境十分清靜，反而有點唔慣😅隨著時間人客愈來愈多，慢慢就熱鬧起來了。最終我們點了以下食物……牛油炒什菌奴豆腐雞泡魚乾牛肉他他沙律鹽燒鯖魚豬軟骨手打烏冬BB蘆筍蒜片一口牛粒日式炒野菜其實我們點既大多是肉類和蔬菜類，但食完都好飽足，這裡食物水準唔差，地方又唔錯，呢區來講價錢適中。牛油炒什菌~用牛油比起傳統用既油來炒，什菌更香更美味豆腐伴上芝麻醬凍食，既開胃又涼快蒜片一口牛粒~牛肉好夠腍，一啖一口牛，食到停唔到口，加埋汁液吃，好味道爆燈豬軟骨手打烏冬~豬軟骨都夠腍，味道尚可，烏冬質感夠煙韌彈牙雞泡魚乾，感覺甜甜地可點醬食，但覺得唔點醬更加原味牛肉他他沙律~牛肉肉質好嫩，入口即溶BB蘆筍 ~ 極為爽口鹽燒鯖魚~鯖魚唔算多骨，而且燒得好香口日式炒野菜~主要是椰菜，伴有木魚絲我們兩人既座位，枱面較細，而且食物好快上枱，實在唔係好夠地方放置食物，所以食得有點急，如食物可以來慢一點上枱就更完美了…查看更多

同友人想搵個地方吹下水慢慢食, 黎呢間食堂就岩晒食物種類包括小食, 炸物, 燒物, 主食及甜品, 仲有飲品供應, 每客份量唔大, 價錢唔貴, 咁就可以叫多幾款!先黎蟹肉沙律 ($42) - 爽脆沙律菜上舖上滿滿蟹肉, 再淋以黑醋汁, 味道醒胃又無沙律醬咁"漏", 唯蟹肉味道偏咸!蒜片一口牛粒 ($68) - 一口牛粒進食方便, 咬落去有肉汁咇出黎, 帶少少嚼勁, 配合香濃惹味燒汁, 連帶蒜片既獨有香味, 仲有菇菌作配菜, 好味喎!既然有濃味食物, 叫返碗清清地既手打湯烏冬 ($26)就岩晒啦, 烏冬口感煙韌, 湯底清甜, 簡簡單單都好味道!鹽燒鷄腎 ($38/2串) - 腎片厚返DD會多D口感, 燒完再灑上少少鹽作調味, 咸味適中!牛肉薯餅 ($38) - 呢客炸物炸至金黃色, 外脆肉軟滑, 牛肉同薯蓉既餡料, 入口熱辣辣, 點少少沙律醬真係好好味!芝麻鷄翼 ($48/3隻) - 漲卜卜鷄翼炸至金黃色, 再灑上芝麻增加香口感, 鷄翼醃得入味, 皮香肉滑, 好快已被我吃掉2隻!芝士蟹肉玉子燒 ($78) - 呢客玉子燒差唔多每枱客都會點, 玉子燒上用茄汁寫上"深宵"2個字, 果然係呢度既"招牌名物"!  蛋食落滑口, 食到淡淡芝士味, 再細味就有蟹肉既鮮味, 無論口感及味道都唔錯呀!食到呢度其實都幾飽, 但眼見餐單有芝士年糕 ($36), 真係唔可以放過佢囉!  一客4件未食已見到內裏既芝士餡, 外硬內軟, 芝士既香甜軟滑感, 再一次成功俘虜我!呢到有電視睇, 雖然店子面積唔大, 但比人一種放輕鬆既感覺, 同友人係到傾下食下都係一個唔錯選擇!…查看更多

今日帶媽媽黎到深宵食堂，食佢最愛既串燒。店內環境唔算好大，好在我地早去，8點之後已經開始坐滿哂。我地先叫左一碟蟹肉沙律做前菜，估唔到咁既價錢可以有滿滿既蟹肉！配上酸酸的醋汁，非常開胃。之後串燒開始陸續送上，先黎兩串汁燒帆立貝。肉身爽口，裙邊燒到好香脆！再黎一口和牛串，好香牛肉味，油脂分佈平均，肉質好軟。我地係牛魔王，再叫多左碟炒既蒜片一口牛粒。配合甜甜地既洋蔥同燒汁，又係另一翻滋味。之後到我最愛既蠔，蠔用煙肉包住燒，2者配合得好好，隻隻蠔都脹卜卜，燒完都仲好飽滿多汁，好正呀！芝士年糕又係另一推介，外層少少焦，好脆，入面煙煙韌韌，估唔到咁好食。雖然已經好飽，但一場黎到點可以唔試吓出名既鵝肝什菌石窩飯。大大塊鵝肝，店員教我地要壓碎撈埋所有材料食。果然咁樣令成個飯都充滿鵝肝既油香，加上少少飯焦，為呢餐畫上完滿既句號。總結呢度真係好適合想同三五知己，飲下野，食下野，傾下計既好地方，果然係深宵食堂！…查看更多