必勝客

營業中

休息中

上環依間細細間既pizza hut係我既飯堂之一，由於座位都唔夠三十個，而且有午市套餐，坐得乾淨企理，都幾常爆滿架先睇下個餐牌，都有成10款主菜你選擇都不外乎係焗飯、意粉同埋pizza ，而套餐仲會配埋餐湯、蒜蓉包同埋飲品，價錢方面有平有貴，不過記得要加一服務費餐湯指定左係蘑菇忌廉雞湯，味道okay既，蒜蓉包就俾足兩塊至於主菜我選擇咗葡汁雞焗飯，佢係即叫即焗架，上枱熱辣辣個葡汁味道幾濃，不錯，不過個人認為就多汁得濟內裏配有青椒紅椒，而雞塊數量都算幾多嘅最後到餐茶，我揀左熱奶茶，佢比足成個茶壺你，可以倒夠兩杯茶架，而佢仲一次過俾兩個茶包，係Lipton 同埋車仔牌，算唔話得架啦整體來講味道算唔錯，試諗下加埋一先至五十幾六十蚊，茶餐廳價錢都咁上下啦，而佢座位又舒服，又涼冷氣，又有員工服侍你，係幾好架啦。