金祥排骨麵

菜膽雲吞排骨麵 份量頗大，内有菜肉雲吞、菜膽各3 件，先呷一口清湯、不錯，熱呼呼的清骨湯，雖然味偏淡但順喉、沒有咪精的妖艷。炸排骨夠薄身酥脆又不油，而且老師板是捨得花錢用貴價新鮮豬肉奉客，有良心！上海排骨炒麵 份量足，不過上海炒麵有點濕，個人嫌火喉未夠，純屬家庭式嘅出品，合格但無驚喜。炸鯪魚肉腐皮卷 一般般，不過不失，用新鮮的鯪魚肉加點點調味後包上腐皮油炸，試過就算了。綜合是一間用心做的的地方小店，出品老老實實，用料新鮮，支持！…Read More

每到中午，這家小店都排著一條人龍，今次來到這裡吃了一碗菜膽雲吞排骨麵。整體來說，這碗麵非常美味。首先，上海麵條非常煙韌，口感十分不錯，雲吞非常飽滿，吃起來有很多口感。另外，炸豬扒外皮鬆脆，口感非常好，肉汁亦適度被鎖住，只可惜豬扒較薄了一點，非常期待如果他們用上厚實的豬扒會是怎樣。…Read More

#懲罰 完 #華爾登麵包餅店 行返出去 #德輔道西 落斜路搵食今次試吓 #遠赴海外 嘅 #金祥排骨麵 先🤤中式裝潢 果然 #老字號 有四人卡位 亦有圓枱位店員好好service 見我攞著一袋二袋 主動問俾埋牆位我方便擺野之餘仲問我要唔要多張櫈擺野🥰 #服務態度 #服務有質素第一次嚟 當然要揀 #人氣No1 🏆#菜膽雲吞排骨麵 $49有粗麵幼麵可供選擇 正常係俾幼麵湯底雖清淡 但加上蒜蓉 就惹味好多#排骨 選用新鮮豬扒 肉質同平時急凍野絕對有分別 由於揀新鮮豬扒 所以亦都較為薄身啲用生炸方式 表面炸得好脆 但又唔會油冧冧 推🙌🏼推🙌🏼推🙌🏼#菜膽 即係有白菜仔 煲得好腍好入湯底味 #雲吞 有三大隻 好足料 #皮薄餡靚菜肉比例好好 雲吞皮又薄 仲點係咬落去充滿肉汁 推🙌🏼推🙌🏼推🙌🏼聽聞呢間係呢區學生lunch time 首選真係價錢夠貼地 服務親民 食物高質👍🏻=====================#黃色經濟圈 #懲罰 #yellow西營盤 #yellow排骨麵 #yellow雲吞麵#hker #hkig #hongkongfood #香港加油 #食好西😋 #互推互追互讚 #nofilter …Read More

📌 金祥排骨麵 - 西環西營盤德輔道西316號地下C舖🗓(30/7) 星期六 ⏰中午12:15左右 💈特式：講到西營盤都係多美食嘅地方，有好多更加係多年老店，呢間金祥就係其中一間，佢個上海排骨真頭係遠近馳名。🥩🍔🌭🌮🥗🥯🥘🍲🍝🍣🥟🍤🍱食物：難得過海嚟試，梗係要食晒佢d撚手既，包括上海排骨/菜膽/上海雲吞/雞球/冬菇/炸紫菜腐皮卷，嚟講下味道先...菜膽雲吞排骨麵 - 麵底就係正常上海麵底，唔算太特別，菜膽🥬就真係有用上湯煮，好淋/入味/食到清清甜甜，上海雲吞唔係太驚豔，但都比出面唔出名嘅上海店好食，而家重料/皮薄，排骨🐷就當然係佢哋嘅生招牌，好脆口，係酥脆個隻脆，肉質都好鬆軟，不過如果可以再厚身少少就更好了。冬菇雞球排骨麵 - 估佢唔到，個冬菇🍄真係超水準，發得夠透，菇味濃，夠淋得嚟仲帶少少爽口，雞球🐔就相對地比下去了，普通之餘仲有少少un。炸紫菜腐皮卷 - 呢d係出面都唔係間間上海舖都有得食，正一係功夫菜，佢地炸得好酥脆，又多層，記得上台要熱辣辣食，最好問佢地攞埋個泰式辣醬嚟點就perfect池了。☕️🍵🥤🧋🍺🍷🥃🍹🧉🍾🍶🥛飲品 - 飲品佢地除咗普通罐裝汽水，最多人叫都一定係佢地個豆漿同菊花茶🌼，職員話係自家制，唔係買現成返嚟，試左菊花茶好香又唔太甜，本身想買一支外賣走，但職員話只有杯裝結果冇買。🍽環境：雖然話間鋪有好耐歷史，但佢中間係有裝修過，所以環境都算新淨，大約有10張枱，枱與枱之間位置就唔多，但又未去到窄。🤵🏻🤵🏻‍♀️🤵🏻‍♂️服務：職員服務好好，就算出邊好多人等位，都會同佢地吹下水，咁起碼等位都冇咁悶，亦見佢地有同餐廳嘅客人傾吓計，買單時發現銀包爭幾蚊唔夠比，佢直接叫我由佢，好彩最後同行友人有幾蚊借我埋單😭。💰💸價錢：食咗兩碗麵，一個小食，一杯菊花茶，埋單$139，真心唔貴，仲要比到呢個質數，而且麵份量夠大，我地兩個人都係食唔晒自己碗麵。🐲💬總結：性價比高，質量又好，仲要好食，不過肚子容量有限，試唔晒佢所有嘢，唯有等下次....😓…Read More

金祥排骨麵開業超過30年⏳一直好受西環街坊歡迎🙆🏼‍♀️小店主打自家製上海小食同麵食🍜全部店員都好有人情味💛👼🏻排骨炒麵🍜 $54落單時店員提醒會比較大份問有無需要扣底👨🏻‍🍳但上菜嘅時候都仲係好大碟🤣炒麵彈牙煙韌但唔算濃味唔夠鑊氣🔥排骨炸粉薄身肉質較實但唔難咬開🍖食落酥脆食得出有用胡椒調味🫙有炒椰菜係底但唔算好入味🧐👅味道:7/10🙋🏻‍♂️推薦:7/10👼🏻菜膽雲吞排骨麵🍜 $49湯底飲落較清只有炸蒜同青蔥味麵身較幼但質地好實淨🍗豬肉白菜雲吞足料仲有少量肥豬肉🐖排骨炸得金黃，睇落好似好細舊好乾🥓脆香嘅炸衣緊貼肉身，但食落肉質唔乾岩岩好👅味道:7.5/10 🙋🏻‍♂️推薦:7.5/10🌟👼🏻香煎餃子(5隻) 🥟$34餃子絕對有驚喜🤩餃子每隻都好飽滿餡料比雲吞更充足😯外皮煎到金黃色食落比排骨好脆😲咬落唔硬啖啖都有肉汁🥹👅味道:8/10🙋🏻‍♂️推薦:9/10👼🏻自家製豆漿(凍)🥛 跟餐$6飲落豆味濃但唔係好甜👅味道:7/10🙋🏻‍♂️推薦:7/10👼🏻自家製菊花茶(凍)🌼 跟餐$6似涼茶舖菊花茶🫖飲落唔會好甜帶有回甘👅味道:7.5/10🙋🏻‍♂️推薦:7.5/10📌整體嚟講餃子比排骨更驚豔，小食比主食更好味🤣但所有菜式都自家制足料好味仲要價錢貼地💰繼續支持良心小店💛‼️以上食評只反映當日食物質素及本人主觀感受…Read More

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻 /5不常到訪港島區的我，每次有機會到香港島都會找些新奇刺激或是大獲好評的食店一試 😋 前陣子終於有機會一嚐曾兩次入圍新假期必吃食店大獎2020及2021的「金祥排骨麵」，她在西環水街屹立十多年，小店算是做街坊生意，供應馳名炸排骨、上海菜肉雲吞、腐皮卷等美食，食物種類不算多，但賣點是全自家製。吃過以後，終於明白什麼就是真正的「平、靚、正」了 👍🏻💋 菜膽雲吞排骨麵 ($49)招牌炸排骨原用傳統人手揼鬆，絕不加鬆肉粉，而且是即叫即炸，吃起來鬆化又有肉汁，完全俘虜我的心 🥰 菜膽雲吞每天於店內人手包成，內餡是白菜豬肉，飽滿又充滿肉汁，水準一流～ 麵底則是傳統上海麵，軟硬度適中💋 菜膽雞球牛肉麵 ($49)牛肉其實是炆得軟腍又入味的牛展牛腩位置，一咬下去肉便自然在牙縫間散開，喜歡到不得了；至於雞球同樣炸得出色，肉嫩多汁，滿口油香 🤤💋 上海排骨炒麵 ($54)椰菜炒麵感覺屬正常水準，沒有「嘩」一聲的感覺，但至少沒有很油膩 😬💋 酥炸雲吞 ($20)香脆可口的炸雲吞，餡料足，沒太多味精味道，如加配甜酸醬汁同吃，相信會更美味～💋 紫菜腐皮卷 ($30)整體比較遜色的一款小食，脆是有夠脆的，但味道不足，沒太大特色✨ 整體：用心上海菜街坊小店 ✨✅ 食品超有水準，份量足，CP值高✅ 店員知道我要把外賣由港島帶回九龍，特別提議保持原塊排骨(不剪開)，既可保持溫度，又可保留肉汁，真窩心❎ 即叫即做，客人多，需時等侯…Read More

呢間上海排骨麵喺西營盤都好受街坊/Hku同學仔歡迎，款式唔算好特別，但簡單得嚟幾抵食同好味😋 覺得可以再去幫襯！（見其他平台有人話佢哋服務麻麻，但我哋去當日又覺得唔錯，坐低左2人位之後，隔離4人枱有人走都有問我哋轉唔轉過去坐得舒服啲，同埋落單上菜嘅態度都幾親切嘅）•🥢 菜膽雲吞排骨麵 $47上海排骨即係炸排骨，排骨偏薄一塊炸好切開幾件，呢到嘅排骨炸到金黃色另上，保持到好酥脆，雖然炸皮表面係有啲一粒粒，但炸粉唔會好厚，得6件就有啲唔夠喉，不過仲有雲吞同麵(雲吞下面再講)，麵係典型上海麵，幾有咬口～•🥢 菜膽雲吞湯 $42雲吞湯大約有6-7隻雲吞，每隻都大隻飽滿，皮薄而且好滑，餡係白菜豬肉，白菜唔係切到好碎，會保留到咬口，調味唔會好重，好有屋企嘅味道🤤•🥢 紫菜腐皮卷 $28見幾多人叫腐皮卷都揀咗呢個紫菜腐皮卷試下，腐皮有好多層，炸到好脆，但都幾淡味，中間夾咗紫菜，但都係無咩味🙊 唔係見到都唔覺有紫菜😂 如果多返少少調味會好啲，可能下次試下鯪魚肉腐皮卷啦～…Read More

有一天，由港大校園行去食午餐，行到水街，見到有些人在排隊。聽聞是西環老字號上海排骨麵。每逢去新餐廳，我都會試其主打名菜，金祥排骨麵，應該是排骨麵吧。不過他們出名的不只是排骨麵，而是菜膽雲吞排骨麵。金祥的排骨，外脆內軟，脆皮炸漿不厚，排骨很鬆軟，作為主打名菜，很有誠意，有六件排骨，好吃得我捨不得一次過吃完，留下兩件慢慢吃。有網民提醒，金祥的排骨，跟豬扒不同，不要攪錯。金祥的麵，是上海麵，有少少彈牙，亦有口感。湯碗內的菜膽，也有誠意。雲吞正常發揮，不過通通都被排骨的光芒蓋過。很多網友，只是看到菜膽、雲吞、排骨、麵，便能估得到金祥。飲品，單叫大概是$15，跟麵跟餐只需半價。初時我叫了杯檸檬茶，有網友提醒要試菊花茶，然後我追加一杯外賣菊花茶，店員伯伯好好人說都計我跟餐半價。總評味道：金祥的排骨，好好味，太好味；環境：西環老字號的小店，大概有20個位；服務：上菜速度幾快，店員很有禮貌；衛生：OK抵食：性價比十分高的上海排骨麵…Read More

咁岩去開西營盤附近做野，竟然比我發現超想食的金祥排骨麵竟然係附近呢😎呢間主打街坊生意，見到lunchtime都超多人黎買😝-🎈菜膽雲吞排骨麵 $47人氣No.1之選🤩排骨既炸粉比較薄，炸得酥脆，而調味亦恰到好處，特別貼心係有另上完全唔驚會浸淋～至於雲吞餡料幾足，皮薄餡靚。湯底算係比較清淡的，但我卻很喜愛🥰-🎈紫菜腐皮卷 $28有驚喜💫咬落去個下係真係做到ASMR，可想而知係炸得有幾香口(真心覺得食完幾舊會喉嚨痛的感覺😮‍💨)～-整體來說價錢非常實惠，份量多而且味道挺好～但就未至於要特登搭車入黎西環食既名物🙈-🔸金祥排骨麵📍西環西營盤德輔道西316號地下C舖…Read More

今次由曾住西環的朋友帶路去一間老字號上海麵店！金祥排骨麵 看起來很有歷史，好像能感受一下老街坊的味道。看店名就知道排骨麵是招牌菜，不過朋友說雲吞都值得一試！✦ 菜膽雲吞排骨麵 ($49) - 排骨是另外分開碟上，是吃落外層酥脆、內裡鬆軟的炸豬扒。在吃時還能聽到廚房傳出來用錘鬆肉的聲音！飽滿的雲吞，皮薄且滑溜，內餡有菜和肉。麵條則帶煙韌的口感，加上夠味的湯底很不錯。菜膽就是白菜膽。有3棵，如果喜歡吃可以單點 - 白菜膽 ($19)。✦ 豆漿 (+$9) - 凡惠顧粉麵飯都可享半價點冷熱飲品，豆漿不會很甜，豆香濃郁。…Read More

又一間人氣長龍店👭🏻，夜晚八點幾都仲見人龍，好彩等左幾個字就成功入座。識叫就叫招牌排骨麵🍲再試埋個雲吞去，成功食到最後一個幼麵，之後聽到其他麵類同食材陸續都沽清，想食記得早啲黎喇。菜膽雲吞排骨麵 $47 加豆漿 $6菜肉雲吞粒粒都好飽滿，一共有三大粒，皮薄餡足。我鐘意佢個幼麵🍲就算浸耐左都唔會又爛又斷，質地好實淨。而主角排骨🐷炸得非常金香，睇落好似好柴，但食落一啲都唔會，脆香既炸衣緊貼肉身，肉質唔乾岩岩好，果然名不虛存。豆漿🥛就比較失色左，甜度偏高，而豆既酸味仲係到。…Read More

• 金 祥 排 骨 麵 •-🦦菜膽雲吞排骨麵 💰$47價錢真係好抵！排骨外皮酥脆 而且仲有少少肉汁雲吞大大粒 入面餡料好多😋性價比好高😙-老細仲要好好人🥺同個朋友唔夠現金佢叫我哋下次先比翻錢佢(´•̥  ̯ •̥`)最後我哋即刻出去禁錢！遲啲會再去幫襯嘅(⁎⁍̴̛ᴗ⁍̴̛⁎)-📍西環西營盤德輔道西316號地下C舖…Read More

-{黃店💛極高質排骨麵🙆‍♀️}排左半個鐘 專程入黎西環試依間高質排骨麵😍又係長期人龍店🥰好多人推薦 都bookmark左好耐😜🤤菜膽雲吞排骨麵🤤 ($45)依個價錢係好抵！認真加10蚊我都覺得值😍😍😍上海幼麵好彈牙 嗌左少麵都勁多😂雲吞3顆都好大 入面小小薑味 但小白菜同豬肉都好多🥰而主角排骨有豪大大嘅身影 係多肉汁同脆皮左嘅版本😋👖褲評: 9/10入面有啲幾有特色嘅燈 下次可以食埋粗炒🤣但見倒隔離枱嗰碟真係好大碟 總之 好抵食😍😙😜超級推介💛性價比: 9.5/10服務: 8/10環境: 7.8/10🚩金祥排骨麵🚩地址:西環西營盤德輔道西316號地下C舖 #fuudjai #fuudjai黃店 #fuudjai中菜 #fuudjai西環…Read More

💛成日都有朋友話搵良心小店好難搵到中菜類別，早排我地就特意走咗去西環，搵呢間傳統上海菜老店--金祥排骨麵👍🏻鋪面唔算大，同一般麵店差唔多，門口條隊基本都人龍不絕，想試嘅朋友可能要早少少到排隊啦😝話到明叫金祥排骨麵，又點可以唔叫呢? 我地就叫左個➡️"菜膽雲吞排骨麵" 試下佢到底有幾好食😝排骨係另上，外皮炸到金黃非常脆口，但又唔會太油膩，咬落仲有肉汁，不過有點過熟，肉質有少少乾身，配湯麵食會較好。但呢個價錢，味道絕對收貨值得一試👍🏻👍🏻雲吞都好足料隻隻大大粒，加埋炸蒜一齊食就夠哂惹味😚😚另外我地仲叫咗➡️"菜膽雞球牛肉麵"，雞球係用炸嘅，雞味同肉汁仲保留到，相當唔錯，而牛肉其實係滷水牛𦟌，牛肉非常嫩，滷水味都好出，相當有驚喜😋😋除左主食，我地仲叫左兩樣小食"鯪魚肉腐皮卷"同"香炸豆腐" (全部都係炸野出名，我地都唔想咁邪惡架🤣🤣)➡️鯪魚肉腐皮卷係腐片包住真材實料既鯪魚再炸成，雖然係小食，但份量都幾多，味道都唔錯，非常香脆，鯪魚都好彈牙，抵食!!➡️香炸豆腐，外皮金黃色，入面豆腐仲好嫩滑，都唔錯架😆總括黎講傳統老店非常抵食，食物性價比非常好，仲有老店果種滿滿人情味，值得再黎encore😁…Read More

今日同 P san 仲有屋企人嚟到西環, 到醫肚時間, 就揀咗喱間金祥排骨麵試吓。 可能係 lunch time, 去到要喺店外排隊, 等咗大概 10 分鐘指定動作後, 就由店員安排入座。  一場嚟到, 當然要試佢嘅精選推介菜膽雲吞排骨麵啦! 食物一上枱, 排骨似我哋一般食嘅豬扒, 但係無骨的, 雖然係雙併, 但份量都幾多吓, 有一整塊排骨, 連菜膽雲吞都有四隻, 仲要唔細隻。 味道方面, 排骨外皮酥脆, 肉雖然唔係嫩滑, 但都有少少肉汁, 而且無用梳打粉拿過, 有些少豬肉本身嘅味道, 醃得恰到好處, 唔會太鹹而無咗啲豬味; 菜膽雲吞方面, 皮薄, 而餡料亦非常足, 肉同菜比例均衡, 肉唔會好肥而且有肉味, 再配埋菜有少少爽口, 真係非常美味, 但個湯係比較淡味, 咁樣反而唔會令雲吞同豬扒嘅肉味被蓋過; 麵方面亦好爽口, 唔會煮到林晒, 口感一流。而排骨粗炒麵, 店家都係配同湯麵一樣嘅排骨, 而粗炒就唔係我嘅 favorite, 所以覺得無乜特別, 但味道不錯。跟住喱個炸鯪魚肉腐皮卷係一個唔錯嘅小食, 只係 $20 三個人每人都可以食到 2 - 3 件, 有鯪魚味, 又有少少陳皮味, 有真材實料嘅感覺, 而且外皮用腐皮包住炸到好脆, 好可口。 總括嚟講, 喱間小店真係抵食又好食, 而且店員又有禮同有耐性, 真係不錯吃喔! 唯獨係枱比較細, 如果多人會坐得有啲迫。…Read More