ASOK THAI GARDEN

營業中

休息中

荃新天地最近開左幾間新餐廳，上網見到環境幾吸引。黎到現場，門口位真係幾正！似泰國度假嘅感覺，好休閒舒適。而餐廳的設計同柔和的燈光都比人一種好放鬆但又浪漫的氣氛💕。就算餐廳坐滿晒人，依然好舒服的感覺。食物方面主打西、泰fusion菜，每一款都好有特色，揀左以下幾款都好滿意。果木露瑪利絲煙燻無骨雞$198主食方面猶豫左好耐食羊架定雞好，最後揀左雞真係不後悔！隻雞去晒胸骨，以香草煙燻，睇住店員揭開個蓋，香味撲鼻🤩，肉質口感軟嫩。露筍豬頸肉炒河 $128河粉好煙韌彈牙，同平時食開的不同，豬頸肉夠晒大舊軟淋。成碟野好香，食完仲有陣陣蒜味，令人忍不住食完一口再一口。南蘆椰子雞湯 $108足料靚湯，濃郁的椰子香味，酸酸地幾開胃，配上煎過的雞塊。THAI MILK TEA $42用玻璃樽上幾特別之外，個味道都好正！入口一陣甜之後帶出勁濃郁的奶味，再有香醇既茶味🧡。係我最鍾意的多奶味😚。令我即刻好期待佢既綠茶奶茶💚！下次要再黎飲！花生椰子雪糕$68性價比好高！兩球濃郁椰子🥥味的雪糕，外層淋上咸咸地的椰汁忌廉，旁旁的菠蘿🍍係點綴，同時都係新鮮菠蘿💯。成個雪糕入口香滑不膩。

Asok Thai Garden一直都係我嘅list入面，呢排見到佢係荃灣開左新鋪，入面仲要勁靚，好似去左峇里島咁！泰式生蝦刺身 $98有8隻生蝦，點酸辣汁一流北海道帶子娘惹牛油貓耳粉 $158帶子表面帶焦糖色，鮮甜軟嫩，再加上娘惹香辣味道，醬汁好順滑creamy，整碟貓耳粉都被醬汁裹住🥰冬蔭功大頭蝦湯大頭蝦肉質新鮮彈牙，冬蔭功酸甜開胃THAI MILK TEA (COLD) ＄42用左可愛嘅玻璃樽裝住泰奶，另外再比左杯冰底自己落落去杯到，味道香氣濃郁，似半糖嘅泰奶Bangkok $98肉桂香氣散發令由Bourdon Whiskey和橙汁檸汁更加清新，好岩打卡花生椰子雪糕 $68勁靚！椰子雪糕好香，上面淋左層椰漿，加埋粟米粉一齊食好有feel!需收加一，餐廳店員有善

    今天與太太到荃灣行街，睇戲， 晚飯。訂了開張不久的人氣餐廳， 「Asok Thai Garden」吃過尖沙咀店太太很喜歡。餐廳主打泰式fusion 菜，菜式新派精緻味道佳。內部裝潢以滕，木，植物作裝飾感到清新自然，燈光柔和中帶點浪漫令人心情放輕鬆。採用了QR Code下單，方便快捷項目清晰 一目了然。椰青 $ 58清甜多水夠冰凍！PINEAPPLE  SODA $ 53 ( 菠蘿梳打)菠蘿梳打味清新又不太甜，很不錯！香茅蜆肉忌廉湯 $ 58這個湯大碗，足夠二人分享。湯底順滑 Creamy, 鮮味濃郁蜆肉爽口份量也不少。蛋炒咖哩軟殼蟹   $ 216配   薄餅上。軟殼蟹甘香外脆內嫩有汁好鮮美。薄餅酥脆香口與炒蛋特別夾。炒蛋濕潤多汁，味道微微辛有香茅，芹菜很惹味。香茅燒豬鞍  $ 238豬鞍厚身大件也是足夠二人分享，燒得漂亮吸引！如此厚以為肉質會粗糙，怎知切開又是幼嫩細緻的。肉味鮮甜鬆軟，沾點燒汁更滋味。甜品花生椰子雪糕  $  68雪糕用了開邊椰青作器皿，天然環保+型格！兩球雪糕椰奶味非常濃郁又香又滑，上面的粟片和花生碎香脆，口感層次豐富！很喜歡的一道甜品。