九町屋

營業中

休息中

朋友介紹到九龍灣得寶商場一間日本料理居酒屋，下午三點到達發覺接近座無虛席，好彩還有一，兩張二人枱，坐落發覺雖然店舖小小，但內裏裝修十分講究，兩邊貼滿日本色彩牆紙，坐落真係有如置身日本居酒屋嘅感覺；咁當然就要點招牌嘅軟殼蟹煎飯和一個定食，再加兩款小食同埋飲品！好快地，生薑豚肉定食就嚟到，賣相吸引，水準之上；而炸魚柳配wasabi醬，外脆內有魚汁，食落十分之味；蝦多士配威士忌醬汁，蝦肉比多士厚一倍，真係啖啖肉，不容錯過；百香果綠茶清涼醒胃，而芒果乳酸梳打，就酸酸甜甜用來送炸嘢十分配合！主角嘅芥末軟殼蟹煎飯，賣相十分吸引，打卡必選！原隻軟殼蟹外脆內軟，蟹味濃郁，再點上咖哩醬，實在回味無窮！雖然我們沒有點特價下午茶餐，但這個午餐性價比超高，可以講價廉物美！

餸份量偏少但係白飯超級多😂味道一般 唔會encore***🥢溫泉蛋雞扒飯 $53一碗丼得三塊小小小嘅雞扒份量未免太少了吧😂醬汁酸酸甜甜我食左一啖覺得不錯 不過如果要成碗食嘅話應該會太濃***🥢九町屋咖啡(凍) 跟餐+$10呢杯就好抵飲超級大杯起碼係平常嘅2倍🤣***🥢芥末脆魚柳 $36魚柳點芥末醬意外地夾中和左油膩感***🥢牛肉壽喜鍋 $68牛肉一般菜都一般😂可能因為係我冇咁鐘意嘅黃芽白而且葉嘅部份少😗尤其是呢幾日食左好多餐壽喜燒有比較之下心目中嘅評分更加低😗

喺九龍灣呢頭食晏晝 唔一定要去工廠區嘅樓上餐廳先搵到隱世美食✌🏻 呢日我就嚟咗得寶商場搵到呢間lunch性價比幾高嘅日式餐廳😌牛肉壽喜鍋壽喜燒一大鍋咁上檯🍲 入面有好多片牛肉 仲有娃娃菜 金菇 紅蘿蔔 粉絲 真係非常豐富☺️ 壽喜燒仲跟一個飯 我就喺個壽喜鍋一嚟到就𢳂起面頭隻蛋撈飯食 好彩揀咗少飯 唔係一定食唔晒🙈辛味軟殼蟹煎飯 咖喱汁對煎飯係咩口感非常好奇 所以就叫咗嚟試吓佢😂 煎飯面有少少煎香 食落有少少似飯焦嘅口感🍚 入面就好軟熟 食得出係日本米 軟殼蟹就炸得好脆 都算幾多肉吓 特別要提吓餐廳用辣蟹籽醬畫咗個樣出嚟 真係睇見都覺得賞心悅目🥰芥末脆魚柳呢個係額外附上wasabi汁🤪 個炸魚柳有成五大塊 炸漿薄薄一層 咬入口魚肉仲好嫩滑 點埋芥埋沙律醬就更正 本身以為會係冷藏嘅嗰啲炸魚柳手指 冇諗過竟然唔係 所以覺得好驚喜🤩飲品兩杯凍飲都非常大杯 好適合夏天消暑 叫咗芒果綠茶同九町屋咖啡 特別覺得咖啡嘅咖啡味同奶嘅比例唔錯 又唔會好甜🧋可能餐廳仲係新開 所以平日lunch time都未有太多人 但係佢值得更多啊 趁佢仲係隱世小店 就要過嚟支持吓啦😄