李家 (華發大廈)

營業中

休息中

地道韓國特色餐廳，相信大家都對“李家”唔陌生👀韓國人店員，由入門口已經有好親切既韓國歡迎光臨，以為去左韓國😂 不過店員唔識中文同埋英文一般，所以大家最好按圖點餐👈🏻蜂蜜蒜蓉炸雞，味道甜甜地好香脆，炸得岩岩好。蜜糖同蒜味都好突出，好好食。份量上原來嗌半份都幾多，好適合兩個人一齊食再嚟係青辣椒蛋黃醬炸雞，雞肉好嫩，醬汁香濃。大量既蛋黃醬加上青辣椒同青蔥絲，濃味既蛋黃醬配上辣味既青辣椒辛味，刺激而且濃厚既味道同口感確實係唔錯既口味，加上啲青辣椒令味道更豐富，好好味。然後係芝士辣海鮮炒年糕，味道好濃郁，韓國年糕炒得好彈牙。海鮮新鮮，有青口,大蝦,章魚仔，每樣都好新鮮，配上埋芝士，味道更加香，辣辣地香濃又好食。另外嗌左支蘋果味燒酒飲，第一次飲蘋果味，味道都幾清新。蘋果味道幾易入口，好好飲，食韓國野唔同朋友飲返杯燒酒點叫食過韓國菜總括而言，呢幾款味道都好好，唔會太過辣同埋膩，價錢上今餐咁樣先食左$525，兩個人飽到個肚腩突晒出黎

前排係尖沙咀食過一次李家，嘢食都好有質素，今次經過灣仔嘅分店，忍唔住要再食😆芝士辣海鮮炒年糕 ($158)- 芝士份量超級多，多到每舊年糕都覆蓋到，鹹香惹味，而且年糕Q彈，咬落煙煙韌韌，口感十足，仲有海鮮配搭都好多元，有青口、蜆肉、大蝦，鮮味滿滿，仲有份量十足嘅烏冬，好正啊😋海鮮蔥餅 ($158)- 蔥餅煎得幾好食，材料十足，海鮮有蝦、魷魚、蜆肉，啖啖都鮮味十足，連埋滿滿嘅大蔥，新鮮脆身，成個海鮮蔥餅口感十分豐富，每啖都格外滿足😆餃子拉麵 ($68)- 拉麵係韓國嘅辛辣麵，果然唔會令人失望，麵質彈牙滑身，湯底辛辣十足，惹味無比，每啖都好爽口，辣得過癮🤩- 餃子大件厚身，菜同肉嘅比例均衡，咬落去每啖都爆汁，好好味啊🤤- 可樂(+$6)冰凍透心涼，解熱一流，配搭辣麵一個字—「爽」😋青提子啤酒 ($88/PINT)- 第一次試呢隻青提子啤酒，一上檯visual就好有衝擊，大大枝，入口格外酸甜，清新爽口，唔單單淨係得啤酒嘅甘味，鍾意refreshing嘅啤酒嘅人一定要叫啊😋餐廳員工都好好人，服務態度好，而且上菜速度好快☺️

趁著520這天🎈跟喜歡的人一起吃頓美食留念🍴蜂蜜蒜蓉炸雞 | $198兩人份以上的份量 不只蜂蜜嘅甜味🍯 入口還有啖啖的蒜香🧄外皮酥脆 肉質符合預期中的嫩滑有雞鎚、雞胸和雞翼尖的部份是啖啖肉的選擇 😛芝士辣海鮮炒年糕 | $158非常足料嘅海鮮🌊有：青口、蜆、魷魚仔、鮮蝦 🦑🦐酸甜嘅味道 加上微辣的醬汁炒拌配上韓式年糕和烏冬的煙韌質感 整體的配搭不錯如果想點這道菜嘅朋友要留意 這份應視作為主食而不是小食因為都有相當嘅飽足感 😌泡菜餅 | $128食得出泡菜嘅微酸 粉漿厚薄適中有泡菜香味但唔辣 適合怕辣嘅朋友仔由於係第一道上菜 影完相放涼左少少 但係仲有脆身的口感！有點意外👍🏻👍🏻🍺 Coronarita | $88食炸雞配啤酒是常識吧熱辣辣的天氣 配上一杯凍冰冰的啤酒消暑一流 🍻