容龍海鮮酒家

@容龍海鮮酒家今日約咗朋友食午餐，佢話突然好想食龍蝦，我就提議不如去容龍食芝士焗龍蝦，知道呢個係招牌菜，今餐就獎勵下自己啦#芝士焗龍蝦上枱時已經聞到好香嘅芝士味，芝士焗到金黃色，真係非常吸引，睇到都滿足，味道方面，芝士有咸香味，龍蝦肉新鮮爽口，好味👍#牛肉腸腸粉皮滑，薄薄嘅皮包住滿滿牛肉，滿足#燒賣燒賣面滿滿嘅蟹子，望到已經好吸精，豬肉肥瘦均勻，呢個都做得好總結：孭住咁多年米芝蓮食府名銜，食物質素真係做得唔錯，侍應服務週到，係一個好好嘅用餐體驗…查看更多

今晚公司歡送幾位退休同事，就在屯門出名高級食府容龍海鮮酒家食晚飯，容龍真係不愧連續14年米芝蓮推介餐廳，記得早啲去參觀容龍嘅歷史，上埋天台睇大炮吖。容龍出名芝士焗開邊龍蝦，色香味俱全，芝士焗得香口，龍蝦肉新鮮爽口又彈牙。砵酒焗美國生蠔，一打開錫紙，香味四溢，生蠔焗完都好大隻，蠔邊微脆，蠔肉味香濃。豉椒炒大蟶子，大蟶子起肉炒青椒及洋蔥，蟶子肉厚及味道清甜，食得好方便。清蒸東星斑，廚師蒸魚時間啱啱好，唔會過熟，魚肉保持嫩滑，加上香蔥絲及特製蒸魚豉油，唔會過咸，更加突出東星斑嘅鮮味。蒜蓉粉絲蒸巨型帶子，熱辣辣上枱，帶子蒸得嫩滑，粉絲吸收了蒜蓉及帶子嘅精華，大家食到嘴舐舐。仲有容龍秘製焗燒鵝皇及爆炒薑蔥鮑魚煲，都好好味，掛住食，唔記得影相🤭蒜子上湯浸豆苗，可能浸耐咗少少，豆苗冇咁爽口。瑤柱蛋白炒飯，炒得很有鑊氣，清清淡淡都幾好食。…查看更多

今次同屋企人食飯，特登揀咗容龍餐廳！餐廳因為太熱門，好full，所以要早啲訂位。今次九個人食飯包咗一間房，環境唔錯👍🏻都係自己買完海鮮再拎去加工！餐廳價錢合理，煮嘅嘢食口味啱晒一家大細，唔會好鹹之餘軟硬適中😆🤗😋特別推介王牌芝士焗龍蝦，呢種芝士嘅做法出面其他餐廳絕對試唔到😂脆卜卜得來又熱辣辣，加埋煮熟咗嘅龍蝦好似入口即溶😃店內嘅椰皇燉奶特別出名，冬天一定要食暖笠笠，唔會油膩又唔會好滯，甜度各樣都係滿分🥰…查看更多

父親節快樂🎉我請2️⃣位父親爸爸老爺食飯一行6️⃣人先到三聖海鮮市場買海鮮再到容龍加工:)招牌芝士焗龍蝦 必食推介鼓椒聖子 米粉底辣酒煮花螺象拔蚌二身 椰皇燉蛋白 必食推介金銀蛋菜蟹🦀️肉伊麪📍服務✅1️⃣0️⃣0️⃣分📍待應換碟快 廚房上菜快📍必食推介好味😋 芝士焗龍蝦 砵酒焗蠔📍雖然全場爆滿 但預先訂位 及電話跟進Confirm booking 0等候入座時間 📍父親節另有一席12位/6位半席套餐選擇 及米芝蓮套餐選擇…查看更多

到三聖村欣賞黃昏夕陽的景色，吹吹海風，再到海鮮檔即場揀選海鮮，練習議價能力，然後5分鐘車程再到附近有免費車位的容龍海鮮酒家來個海鮮餐，過一個滿足寫意的晚上。海鮮做法很多，視乎個人口味，建議考慮菜式有辣酒煮花螺、蒜蓉粉絲蒸扇貝、黑胡椒蟹、豉椒炒蜆、豉椒蟶子煎米粉底，如果海鮮檔有送湯料可以來個豆腐海鮮湯，而芝士焗龍蝦、煙鯧魚、燒鴨和砵酒焗牛柳等經典菜也是必叫之選，如果不怕肚太撐，不妨試試這裡的椰皇燉奶，作為飯後甜品來個大滿足！…查看更多

很喜歡來這裏用膳，有很多回憶，近兩年也是最多一行六人來到這裡聚餐，想當年常常一行十四人在這裡晚宴，上來前會在三聖邨集合，然後一起選擇不同的海鮮隨即帶上容龍加工作晚膳，但如今在嚴峻的疫情下及政府的二人限聚令下，今天只得我先生和自己一起來回味，直接在容龍落單罷了。為避免人潮湧現，在早上十一時已到達酒樓，侍應立刻安排我們入座八人檯， 非常寬敞舒服，施施然選了香濃芝士牛油焗龍蝦及焗豬扒飯。先來了焗豬扒飯～份量十足有兩大塊炸豬扒，味道不濃郁卻清香，豬扒有嚼勁；繼而來了香濃芝士牛油焗龍蝦～芝士味濃郁，既香口又脆口～正！最後加了兩碗蓮蓉西米焗布甸來完結這噸午膳。…查看更多

容龍酒家特別在於可以係三聖村自行選購海鮮, 然後酒家會幫你煮埋, 想試下香港既地道風味, 值得入黎搵食!推介菜式如下~豉椒炒聖旨聖旨好新鮮, 夠曬入口, 非常惹味! 強烈推介美極煎虎蝦虎蝦好爽口, 美極好夾蝦味, 食到蝦既鮮味, 唔會太濃味芝士焗龍蝦咁樣整龍蝦既方法, 我係第二到真係唔多覺會有, 唔洗多講, 芝士焗龍蝦係必食既菜式, 我入黎食都係為左佢!椒鹽瀨尿蝦好惹口, 香口, 個殼都好入味, 鍾意食椒鹽味既一定要試下薑蔥蒸糯米蟹飯因為花蟹賣曬, 所以要左普通蟹, 太細隻了, 無咩口感, 但個飯好香好好食壽包勁大個..…查看更多

每逢諗起食海鮮，容龍海鮮酒家必定是我首選，基本上每次都是到三聖邨買海鮮，然後再交俾佢哋煮，每次都冇令我失望。相信好多人都食過佢嘅芝士開邊焗龍蝦，芝士蓋滿龍蝦面，炸完再焗，外脆內彈牙，非常香口又不失龍蝦鮮味👍🏻👍🏻另外竹巃膏蟹蒸糯米飯，加上香濃嘅蒜蓉一齊蒸，絕配👍🏻，立刻令人食慾大增，到最後，侍應奉上紅豆沙糖水和生果，雖然是免費，但絕對不求其，大大粒紅豆，食落帶點陳皮香味😋，為這個晚餐畫上完美句號👏🏻…查看更多

唔講你未必知道，呢度係米芝蓮推介餐廳嚟架！今晚食咗好多道菜，當中都有幾樣印象較深刻，只係未感受到點解會上到米芝蓮推介。『蒜蓉蒸蟹糯米飯』俾人嘅感覺好豐富，連埋蟹蓋，蟹腳等塞滿晒個蒸籠，加上橙紅色嘅蟹肉又係幾搶眼。蟹肉同糯米飯分別都好味道，撈埋一齊反而味道有點怪怪唔係太夾。『芝士焗龍蝦』基本上係一個普通菜式，我咁記得佢嘅原因在於佢嘅 texture。一般芝士焗龍蝦都係好多汁淋響面，相反呢個係乾身嘅，感覺幾有趣。芝士味道係濃嘅，所以食到好重芝士味而冇乜龍蝦味。酒家嘅食物質素同服務態度都不過不失啦，但既然係米芝蓮推介餐廳，我會期望佢可以做得再好啲！…查看更多

八月份有好多老友生日，今晚就一行六人當中有兩位是本月壽星祝賀生日，選了曾在此晚飯的容龍海鮮酒家，濶別一年，它已晉升為米芝蓮推介食府。我們先到三聖邨海鮮街購買海鮮便向容龍出發，ORDER 當然要試下招牌菜芝士焗龍蝦、奄仔蟹蒸糯米飯、 砵酒焗蠔、鼓油皇大蝦、薑葱鮑魚煲、白灼東風螺、蒜茸粉絲蒸蟶子、椒絲腐乳唐生菜。一如既往，好快廚房就將海鮮煮好送到我們枱。芝士焗龍蝦依舊美味可口奄仔蟹蒸糯米飯-飯上沾滿了蟹羔和蟹油，真是色香味俱全鼓油皇大蝦-不過咸，味道適中其他各菜式均有一定水平甜品-紅豆沙比起糖水店的毫不遜色，椰青燉椰皇好濃郁的椰青水味道，可見份量十足整體服務員的招待十分殷勤，單是換碟子已經有五、六次了，四面環境都是本地食客，令人感覺舒適。…查看更多

個日媽咪生日，就諗住車佢去食d好嘢，聽人講容龍米芝蓮都有上榜，所以就諗住去試下。就算平日星期三夜晚去食，都係要預先book位架。個門面好有氣派，係成座別墅咁，好有住家菜feel.第一次食就叫咗d招牌菜，有芝士焗龍蝦、大澳唐生菜、糯米蟹飯、乳鴿。龍蝦其實兩個人一隻已經夠食，裏面d肉好甜，外層既芝士好脆，兩個夾埋一齊好入味；生菜好多汁，配飯一流；糯米飯有原隻蟹，蟹肉鮮甜，同埋好大盅，一定夠一家人食。最後我哋仲切咗之前請佢哋幫我雪住先既蛋糕，又唔收切餅費，真係幾貼心。下次屋企聚會都會再嚟過！…查看更多

日前看了一眾關於「容龍」食海鮮的食評，垂涎三尺，想攪個飯局，結果日期延至個多月後的今日，萬水千山，終於來到青山公路，今晚晴空萬里，圓月姣潔，想起可大擦各式海鮮，心情特別開朗。依照其他食家的做法，按圖索驥，巴士到站後，前行到「容龍」附近的三聖村海鮮街買海鮮，離遠看見兩隻招牌狗，想必已到達「關財記」，狗狗在現場比起在其他食評見到的漂亮得多，原來共有三隻，一隻在沉睡。「關財記」海鮮種類，多不勝數，其實我們看過食評後已心裏有數，選了海鮮後，店主說可代送上「容龍」，服務真是週到。步行上「容龍」途中，已見「關財記」的貨車駛往「容龍」，相信是在運送我們的海鮮，到了酒樓，經理告訴我們已收齊了，並諮詢我們的煮法。我們的自選菜式如下：蒜蓉粉絲蒸蟶子王巨大的蟶子王鮮甜爽口，粉絲吸收了蟶子的精華，加上惹味的蒜蓉，吃一隻，感到不夠喉。芝士焗龍蝦每人半邊，芝士蓋滿整邊龍蝦，可能焗香後再炸，連殼都是脆的，芝士甘香而不油膩，肉質爽、甜，久久不能忘懷。葡汁焗扇貝頗大粒的扇貝，用微辣和帶咖喱香的葡汁焗，從未吃過這般美味的扇貝。椒鹽瀨尿蝦王大隻而有膏，厚肉，新鮮，火候控制很好。砵酒焗生蠔用加拿大桶蠔，邊位很脆入味，蠔肉巨大鮮美，砵酒將腥味辟走，人間極品。海龍皇湯有豆腐，菜蔬，雜海鮮煲成，如奶般白，每人可分兩三碗。老虎斑兩味：炒球及炆頭尾可能魚身過大，雖是多肉，但肉質較「鞋」，皮也稍韌。炆頭尾亦嫌不夠汁，過乾，而骨亦很大，無乜肉。清炒菜心青翠嫩綠，有水準。送西瓜，紅豆沙西瓜不錯，紅豆沙過甜。聞名不如見面，歷史悠久的「容龍」製作海鮮確是有他一手，可能工多藝熟，能將海鮮的鮮味帶出來，而且經廚房加工後，仍成份足，每碟都堆得滿滿。地方很舒適，尤其樓底甚高，是晚約得五成人滿，招呼人手充足，頻頻替你換走載滿殼的骨碟，而且上菜時間會配合人客「步速」，須知食海鮮，要趁熱及趁新鮮，放涼了便不好吃，這點他們也能做到。至於油料費及六位茶芥小食等，收約千元，是否值得？則見仁見智，在我來說，「欲食海上鮮，莫惜腰間錢」，祇要是好，偶爾一次也無傷大雅，最怕是錢花了，而得不到理想效果。關財記：$1200 (六位用：中小龍蝦，桶蠔，蟶子王，扇貝，老虎斑兩味，瀨尿蝦王)容龍：$1020 (六位芥，小食，清炒菜心，油料錢，小費)吃得很豐富、很飽，很豪，食物和烹調都很高質素，每人消費 $370，很化算，很抵！…查看更多