Eggslut (已結業)

之前試過來食薯蓉，覺得好味，再來試下其他款式。店鋪面積頗大，又貌似唔會趕人走，幾啱 hea 坐。松露薯餅 薯餅外皮非常鬆脆，但味道就同普通薯餅冇咩分別。負評係因為名不符實，已經非常細心品嘗，但點都食唔到松露味。就係一個好脆皮嘅薯餅。 芝士漢堡 自家製奶油麵包喺呢間舖頭嘅店招牌。麵包質感好柔軟，又有甜甜地嘅味道同香味，同平時食開d 漢堡包嘅包有明顯不同。咬落去，第二個賣點係即刻爆出嚟嘅半熟蛋汁，令到個口感幾有新鮮感同驚喜。至於漢堡扒就正正常常冇咩特別。主要係因為個甜甜地嘅包，同埋個半熟蛋，令到成件事係好味嘅。

又有人氣店進駐喇！來自美國洛杉磯的  Eggslut 半熟滑蛋三文治專門店，落腳銅鑼灣 Fashion Walk。特色是用料講究，全部採用放養雞雞蛋，半熟煎、炒滑蛋或慢煮；其二，並非一般的漢堡包，以獨門秘方的奶油麵包做包，真係好軟熟！再加上別有心得的醬汁及共他自家製食材，所以被譽為Burger界嘅『Fine dining』。所有三文治或漢堡都有蛋，花多眼亂真係樣樣都想試，現在仲有個超級優惠，任何惠顧三文治或漢堡，只需加 $1 可任選 extra 配料，每個最多3項額外配料，優惠至8月30號，大胃王值得把握機會！我們胃納有限，首次光顧先吃正常份量的，此外，建議必吃招牌蛋薯蓉加法包。新鮮橙汁 $37冷萃咖啡 $35炎炎夏日，先來兩杯凍飲，冰涼可囗。雞肉腸蛋芝士三文治 $78自家製雞肉餅、半熟煎散養雞蛋、蜜糖芥末蒜泥蛋黃醬、車打芝士、自家製奶油麵包的組合。雞肉餅好食，吃得出新鮮，咬口及味道皆好；蛋果然香，組合完美。芝士漢堡 $92安格斯漢堡扒、半熟煎散養雞蛋、醃青瓜、焦糖洋蔥、車打芝士、第戎芥末醬、自家製奶油麵包安格斯漢堡扒上乘，與半溶芝士黃金組合。招牌蛋薯蓉加法包 $64慢煮散養雞蛋、自家