福岡漢堡扒 (鴻威大廈) (已結業)

🙋🏻‍♂️餓底探員去咗旺角調查呢間漢堡扒，餐廳係韓國過江龍，主打食漢堡扒，仲可以自己動手燒，店員亦會講解點樣燒同主動幫忙更換熱石，以確保鐵板熱度，由於鐵板同熱石非常高溫，用餐時要注意🥩兩人套餐Set 4 $366🥓菠蘿煙肉韓牛漢堡扒🥚芝士蛋蒜韓牛漢堡扒🙋🏻‍♂️表示兩款漢堡扒都用上頂級韓牛，食落多汁有咬口，牛味濃郁，鐵板上淋滿加咗芝士嘅蛋液，將蛋燒到燶邊，食落焦香脆口，芝士蛋蒜漢堡扒面頭有大量炸蒜片，食落非常香口，菠蘿煙肉漢堡扒將蒜片換上煙肉，煙肉食落香脆，充滿脂香，菠蘿食落有蛋香同芝士鹹香，幾特別🐖芝士泡豚丼飯🙋🏻‍♂️表示個丼飯配上泡菜同豚肉，面頭鋪滿芝士，豚肉燒到焦香，食落軟腍juicy，配上香辣嘅泡菜同濃郁嘅芝士，味道非常惹味🍇巨峰提子特飲 +$18🍋自家製檸檬茶 +$13🙋🏻‍♂️表示杯巨峰提子特飲係提子syrup配上梳打，味道香甜，飲落清新，檸檬茶茶味濃厚甘香，兩杯飲杯都好大杯📈吃貨指數😋好味度 9/10🔙返啅度 9/10…查看更多

- 旺角｜福岡漢堡扒 -「兩人套餐 set4」▪️菠蘿煙肉韓牛漢堡扒 (中)🍍🥓🐮▪️芝士蛋蒜韓牛漢堡扒 (中)🧀🥚🧄🐮自行用個鏟切出適量嘅漢堡扒，放喺熱石上面煎，想更加香口就可以壓扁少少煎，不過要小心俾啲油彈到，再煎到表面金黃焦脆就啱啱好。食落好有肉汁，充滿油脂香。另外一款配上酸酸甜甜嘅菠蘿就比較清新，一款配上蒜片就啱晒重口味人士😈▪️芝士泡豚丼飯🧀🐷🍚份量十足，飯面鋪上唔少豚肉、泡菜，同埋芝士。泡菜帶少少辣，撈埋拉絲芝士，更加惹味▪️巨峰提子特飲🍇▪️金橘檸檬特飲🍊🍋超級大杯！飲落有果味，而且唔會太甜，好清爽，解膩一流福岡漢堡扒📍旺角花園街3-5號鴻威大廈地下7號舖📍深水埗深旺道28號V Walk 2樓L2-17號舖…查看更多

唔知大家燒肉嗰陣聽到滋滋聲會唔會覺得好治癒呢🥰呢間韓式石燒和牛漢堡專門店，有得食仲有得玩😆同朋友一齊去食，叫左個兩人套餐 ($366)⟐ 菠蘿煙肉和牛漢堡扒⟐ 芝士蛋蒜和牛漢堡扒⟐ 芝士泡豚丼飯⟐ 飲品x2⟐ 麵豉湯、胡麻醬沙律、泡菜小食🍍菠蘿煙肉和牛漢堡扒餐點會先用鐵板及熱石送上，每張枱都會放置一個抽氣嘅系統，係燒嘅過程中確保盡量減少油煙，幾貼心👍🏻和牛漢堡扒肉質鮮嫩，擺落熱石大概1-2分鐘就可以食得，記住每3秒就要反一反佢，如果唔係好易燒焦🤣呢款漢堡扒加咗菠蘿同煙肉，令口感多啲層次變化，而且菠蘿中和漢堡扒嘅膩，整體感覺多了份清新～每個餐都會附上煎好嘅蛋，只要翻熱一下就可以同漢堡扒一齊食🔥🍳芝士蛋蒜和牛漢堡扒呢款漢堡扒就比較邪惡，混合芝士蛋同大量蒜片😍和牛漢堡扒混合蒜片，香味會再突出啲，不過相對上會比較膩，如果偏重口味嘅朋友都不妨可以一試😆🧀芝士泡豚丼飯呢碗飯份量十足，完全唔怕食唔飽🤣大量芝士碎鋪喺面，配搭泡菜及豚肉，係一款正宗嘅韓式飯，配埋漢堡扒一齊食更添風味😆泡菜唔會太辣，芝士熱溶後仲可以拉絲添！🍹百香果特飲｜巨峰提子特飲 (+$18)特大size嘅飲品，見到都有小嚇親🤣不過最後竟然都飲得哂，非常清新完美解膩😆百香果酸酸甜甜，巨峰提子唔會太甜～燒到熱熱地再飲返凍飲超爽！總結：二人餐份量超級多，食到捧住個肚走😋…查看更多

今日同朋友約咗去信和買玩具，買完玩具之後佢就帶咗我黎佢摯愛嘅福岡漢堡扒～入到去就聽到播緊韓劇ost，勁有韓國feel🇰🇷*兩人套餐 （Ver.4) $366-菠蘿煙肉和牛漢堡扒上菜嘅時候就已經感覺到鐵板熱辣辣，冒曬煙咁，迫不及待想自己煎漢堡扒🤤一將肉餅放落塊石到，牛肉嘅牛脂已經湧曬出黎，肉汁滿滿，好食又好玩💗而且呢個配上菠蘿同煙肉，超級清爽解膩～-芝士蛋蒜和牛漢堡扒比起前一個，呢份漢堡扒就邪惡好多😈漢堡扒上面有好多芝士，燒熱咗之後仲會拉絲添～配上炸蒜片，口感豐富咗之餘又香口咗😋-芝士泡豚丼飯份量超多嘅丼飯～上面好多芝士、泡菜同豚肉，食落微辣，好開胃🤤-百香果特飲&紅棗蜂蜜茶百香果特飲超清甜消暑，好適合夏天☀️紅棗蜂蜜茶女性養生首選～底部仲有好多粒紅棗，真材實料🫶🏻…查看更多

餐廳：福岡漢堡扒地點：旺角花園街菜式：來自韓國既石燒和牛漢堡扒餐牌：漢堡扒一共有6款口味揀，每款仲有3個size選擇，分三個價錢。除左漢堡扒，餐牌都有石燒牛扒、飯、沙律、意粉、小食同飲料，仲有多款兩人套餐。落單用QR code。今日揀左個$366另加一既兩人套餐，包菠蘿煙肉和牛漢堡扒（中），芝士蛋蒜和牛漢堡扒（中），芝士泡豚丼飯，同兩罐罐裝飲品。先黎每人一碗麻醬沙律同麵豉湯。仲有少量泡菜加鹽同醬油。菠蘿煙肉和牛漢堡扒 菠蘿煙肉和牛漢堡扒用鐵板上枱，有個大大個和牛漢堡肉球，加上雙色芝士碎同6塊煙肉，撒上蔥花。下底墊有加咗芝士既蛋同4件菠蘿。餐廳特別在於供應爐具比客人自己煎漢堡。塊鐵板係有一舊熱石係角落位置，自己馬上動手用鏟起生和牛漢堡就煎，每三秒就要反一反。我覺得外面燶燶地而入面生生地就最正，外脆內嫩，和牛係選用100%澳洲和牛，肉質好滑。到後期鐵板唔夠熱仲可以換塊熱既。煙肉唔會太鹹，都好鮮味。呢個蛋有芝士，滑溜好食又流汁。芝士加落漢堡扒一齊燒實在係太邪惡，芝士仲可以拉絲，真係好好食！菠蘿酸酸甜甜，又可以減輕油膩感。芝士蛋蒜和牛漢堡扒呢個芝士蛋蒜和牛漢堡扒就無咗菠蘿同煙肉，加咗勁多蒜片，芝士同蔥花。香蒜非常香口又脆口。芝士泡豚丼飯芝士泡豚丼飯大大碗，超多米飯上面有好多片豚肉同香辣泡菜，面頭一層厚厚芝士，好邪惡。個飯好多紅色辣汁，辣辣地令人好開胃！食完呢碗飯一定飽。金橘檸檬特飲 加$18 另加一金橘檸檬特飲超大杯，入面有兩塊檸檬同好多冰。甜度適中好好飲，好香金橘味，好解膩。蜂蜜柚子茶 加$13 另加一蜂蜜柚子茶都大杯，甜度適中，下底有好多柚子皮食。總括而言，自己動手燒漢堡扒的確好新奇，而味道唔錯，包熱辣辣，小心俾油彈親。枱面有紙教你烤肉方法，枱面有抽油煙吸走啲油煙，食完個身完全冇味。…查看更多

見個個都話好玩 一於試下🤣 二人套餐Ver.4 $366 (另加一)•味噌湯、麻醬椰菜沙律、泡菜味道正常 配漢堡扒好解膩🤤 •菠蘿煙肉和牛漢堡扒 (中)•芝士蛋蒜和牛漢堡扒 (中)如果平時鍾意食漢堡包走包 會好鍾意呢個🤣和牛漢堡扒嘅分量應該大概係雙層肉嘅分量好似玩cooking mama 煎3秒反一反🤣不過就算好似我反應慢 煎膿咗啲 都係好juicy😝比較推薦菠蘿嗰款 因為我基本上將芝士都變成碳😂 •芝士泡豚丼飯好 大 碗😂食量細嘅真係要嗌少飯(友人淨係食咗三分一 所以淨低嘅就去曬我個肚腩🤰)微辣 冇食開辣度都ok趁熱食好啲 芝士會拉芝😝 •飲品($18轉特飲)揀咗百香果、巨峰提子特飲又係好大杯 魚缸咁😂😂😂😂推薦百香果😍 咁heavy嘅嘢 加杯特飲 超正😈…查看更多

行開旺角想買薩爾達就係好景斜對面見到福岡漢堡扒之前係尖沙咀厚福街已經成日想試下最後估唔到係旺角食餐廳有面壁位亦都有四人檯咁我地坐四人檯就好寬落檯面仲有兩條吸氣口等一陣食野唔洗周圍都係油煙味有單點既餐牌亦都有二人餐望落幾個好似差唔多最大分別應該係個丼飯咁就揀左ver4情侶推介手機落單就搞掂晒有跟沙律同湯檯面餐紙都有教學話三秒可以翻一次漢堡扒套餐跟兩杯野飲轉特飲加十八蚊要左巨峰堤子特飲同埋金橘檸檬特飲勁大杯真係到最後都飲唔晒黎左個飯先呢個係芝士泡豚丼飯份量同特飲一樣都係好大份兩個人食到好飽套餐跟既係中size既和牛漢堡扒芝士蛋蒜應該算最大路另一個菠蘿煙肉就真係配料有些少分別和牛漢堡扒都係一樣上齊所有野真係四人檯先叫做岩岩好放得晒自己切想要既漢堡份量落去燒然後成餐飯就係不斷咁炸炸聲同埋建議都係煎熟些少比較好餐廳店員服務幾好耐唔耐就會過去同你換舊熱石呢舊石我覺得幾耐熱好似去開其他既石燒牛扒店好多時塊石板燒一陣就會凍晒有加一埋單四百四平均每人二百二左右叫做鬧市價環境幾企理出番黎全身都無乜味…查看更多

有得食又有得挽既漢堡扒專門店😆呢間餐廳係韓國過江龍既漢堡扒專門店,全部漢堡扒都係一大團幾得意,仲有雞蛋墊底添😀漢堡扒既生熟程度可以自己調教,燶啲又得,隨你喜歡!《兩人套餐(Ver.4) $366》兩個人黎食既話叫兩人套餐就最抵食,兩人套餐都有成五款選擇,實有一款啱你地,而且價錢黎講都真係幾抵食😆漢堡扒既份量仲有得加錢轉大份啲,不過其實中Size都好夠食!《菠蘿煙肉和牛漢堡扒(中)》《芝士蛋蒜和牛漢堡扒(中)》基本上兩份和牛漢堡扒都係一樣既,只係上面啲配料會唔同,漢堡扒既肉質鮮嫩多汁,唔會因為整成漢堡扒已變得鞋身,由於煎漢堡扒塊石頭真係超熱,所以真係每邊煎3秒就要翻一下,如果唔係好易燒焦架😌《芝士泡豚丼飯》呢個飯真係超大碗,粗略估計都有成3-4碗飯😂份量一啲都唔吝嗇,睇下上面鋪滿芝士泡菜就知😏豚肉既份量都唔少架,真係要襯熱食,芝士都有拉絲效果,勁邪惡啊!因為加左大量泡菜既關係,食落會有少少微辣,真係幾惹味👍🏻《西柚特飲 +$18》《金橘檸檬特飲 +$18》一黎到真係俾呢兩杯飲品嚇一嚇,真係超大杯,係巨形既飲品😂加18蚊都抵飲啊!兩杯都幾好飲,加左檸檬既關係好清新,解膩一流👍🏻個人中意金橘檸檬特飲多啲,比起西柚特飲冇咁甜,但真心兩杯都好好飲!整體對呢間餐廳幾滿意,食物質素唔錯,而且價錢都非常之親民,尤其係碗飯三個人都夠食😆店員既服務都好好,會主動幫我地換過塊石頭👍🏻唯一既小建議係如果餐廳可以提供紙圍裙俾客人用會更好,始終煎漢堡扒啲油會彈黎彈去,可以避免彈到件衫🙈福岡漢堡扒旺角花園街3-5號鴻威大廈地下7號舖[⭐️5分為滿分]味道⭐️⭐️⭐️⭐️環境⭐️⭐️⭐️⭐️服務⭐️⭐️⭐️⭐️價錢⭐️⭐️⭐️推薦⭐️⭐️⭐️⭐️…查看更多

職員很友善，由於我們吃過，所以大概知道流程，可以自行燒漢堡扒。不然的話職員會講解教授如何燒漢堡扒。而石用了一段時間温度就會下降，需要叫職員幫忙更換一塊新的石，有時間的話他們更會主動幫忙更換呢👍♡兩人套餐Ver4前菜有泡菜、麻醬沙律和麵豉湯🥣另有鹽和醬汁提供，可以配漢堡扒吃。吃了開胃的泡菜，就更好胃口準備吃肉了～特別推介✨️麻醬沙律，麻醬十分好吃，配上清新的沙律很相襯呢！🍴食肉獸的話可以加$8把漢堡扒份量中轉大的啊～漢堡扒肉質軟腍，充滿肉汁，很juicy~肉的生熟程度可以自主隨個人口味自己下手調整呢！•菠蘿煙肉和牛漢堡扒(中)由煙肉、雞蛋、芝士和菠蘿組成的一款漢堡扒，酸甜的菠蘿加上煙肉，清新的配搭。•芝士蛋蒜和牛漢堡扒(中) 🥢必點🥢由和牛、雞蛋、芝士和大蒜組成的一款漢堡扒，個人比較喜歡這款，可以吃到有蒜香味。•芝士泡豚丼飯 🥢必點🥢嫩滑的豚肉片配以清新的泡菜，上面鋪上一層濃郁的芝士。表面的拉絲芝士非常邪惡啊😈我們把全部食材都攪拌一起再吃，每一口都吃到芝士和泡菜的味道，味道十分不錯。優惠價加$18轉做特飲♡西柚特飲超級大杯！表面放有檸檬片，很適合配肉類吃，有解膩的感覺。♡蜂蜜柚子茶濃郁蜂蜜柚子味道，感覺滋潤。✔️餐廳設加一服務費…查看更多

之前試過尖沙咀厚福街既福岡漢堡扒，原來旺角花園街都有分店，今日不如一試。福岡漢堡扒其實係來自韓國，呢度主打石燒和牛漢堡扒， 和牛係選用100%澳洲和牛，餐廳特別在於供應爐具比客人自己煎漢堡。漢堡扒一共有6款口味揀，每款仲有3個size選擇，分三個價錢。除左漢堡扒，餐牌都有意粉同小食，仲有多款兩人套餐。落單用QR code。落完單好快就有得食。今日揀左個$366另加一既兩人套餐，包菠蘿煙肉和牛漢堡扒（中），芝士蛋蒜和牛漢堡扒（中），芝士泡豚丼飯，同兩罐罐裝飲品。菠蘿煙肉和牛漢堡扒 大 跟餐加$8材料有:和牛漢堡肉球加咗芝士既蛋4件菠蘿芝士碎5塊煙肉蔥花。塊鐵板係有一舊熱石係角落位置。我覺得外面燶燶地而入面生生地就最正，外脆內嫩，肉質好滑。到後期鐵板唔夠熱仲可以換塊熱既。煙肉唔會太鹹，都好鮮味。呢個蛋有芝士，滑溜好食又流汁。芝士蛋蒜和牛漢堡扒 大 跟餐加$8呢個芝士蛋蒜和牛漢堡扒就加咗勁多蒜片，芝士同蔥花。可以追加配料，我地試左好多款。加墨西哥辣椒 加$10 另加一墨西哥辣椒酸酸辣辣，可以減輕油膩感。加菠蘿 加$7 另加一菠蘿酸酸甜甜，又可以減輕油膩感。加香蒜 加$7 另加一香蒜非常香口。加芝士 加$7 另加一芝士加落漢堡扒一齊燒實在係太邪惡，芝士仲可以拉絲，真係好好食！呢個分量食唔完！芝士泡豚丼飯芝士泡豚丼飯大大碗，濕潤米飯上面有好多片帶脆口軟骨既五花腩同香辣泡菜，面頭一層芝士，好邪惡。個飯辣辣地令人好開胃！麻醬沙律，麵豉湯每人跟一碗麻醬沙律同麵豉湯。仲有少量泡菜。西柚特飲 加$18 另加一西柚特飲超大杯，入面有幾塊檸檬同好多冰。甜度適中好好飲，似橙汁，好解膩。蜂蜜柚子茶 加$10 另加一蜂蜜柚子茶都大杯，甜度適中，下底有好多柚子皮食。總括而言，自己動手燒漢堡扒的確好新奇，而味道唔錯。枱面有紙教你烤肉方法，服務員態度一流，細心講解同示範教你燒。實有下次！…查看更多

▪️ 二人套餐 Ver. 4 💲3661️⃣ 菠蘿煙肉和牛漢堡扒2️⃣ 芝士蛋蒜和牛漢堡扒侍應得知我地初次到訪，會首先示範一次🍳之後自己就Cooking Mama上身，即刻動手去切、壓同埋煎，手忙腳亂得黎都幾好玩😌侍應又會貼心幫忙換熱石，不過熱力真係非常強勁，要小心啲油會彈到手🙌🏻另外要讚抽風系統做得幾好，都冇咩油煙味🫢兩款既分別在於有一款鐵板蛋漿加上菠蘿煙肉，另一款加上芝士同蒜片，前者會係比較清新，後者就岩重口味人士🧄和牛漢堡扒邊位會帶點焦香，入口軟嫩，但始終油脂感重，食返跟餐椰菜沙律同麵豉湯先可以大大降低油膩感🥙3️⃣ 芝士泡豚丼飯面頭係炙燒過既芝士，加上大量既泡菜同埋辣油，辣度比預期中高🌶️配上薄切豚肉，而且飯既份量都唔少，唔駛擔心會唔夠飽🐷4️⃣ 百香果特飲 💲+18 (跟餐)；39本身個餐包兩罐罐裝飲品，我地加左錢做特飲，見到勁大杯起碼係坊間既Double都真係呆左🙀飲落好重百香果味，清甜解渴，不過如果甜度低返啲會更好🫣4️⃣ 巨峰提子特飲 💲+18 (跟餐)；39呢杯甜度相對無咁高，有淡淡既提子香🍇🔎 整體評分（7/10）…查看更多

好耐之前去尖沙咀經過厚福街店已經好想食, 近排發現原來喺旺角開左分店, 方便好多!枱上抽氣喉好近野食, 所以啲煙會即刻抽走, 個場完全唔覺煙霧彌漫.有二人餐選擇, 有埋前菜野飲, 成set計相對上抵食.肚餓的我們加多個薯條.電話落單後好快就有野食到, 普通既麻醬椰菜同麵豉湯.餐包兩罐野飲, 亦可以加錢轉特飲.我地揀左菠蘿煙肉同芝士蒜和牛漢堡扒, 完全似食鐵板.我地第一次食, 所以職員會教我地大概會點煎.舊石好熱, 所以開頭壓平左幾秒就可以反, 好快就食得.煎緊既時候啲香味好吸引, 食入口好濃好夠味, 餸白飯一流.不過跟餐就包再豐富啲既芝士泡豚丼飯, 有時食泡菜飯都驚好淡味泡菜味都無, 但呢到好足料好大碗, 又唔算好辣好好味.小食要左薯條配黑松露醬, 份量真係唔少, 幼身薯條新鮮炸完香脆可口.…查看更多

新興的韓國石燒和牛漢堡扒，在旺角開了分店，今日終於同朋友到來一試。室內裝修簡潔，令客人坐得好舒服！而每一個座位枱面都有一個小小的抽氣銅管，感覺十分新穎！我同朋友叫咗個兩人套餐（ver 4) 都係$366，非常抵食！套餐包括：-菠蘿煙肉和牛漢堡扒-芝士蛋蒜和牛漢堡扒-芝士泡豚丼飯-特飲（加$10）另外加$38仲可以有特製小食，我們選了足半磅黑松露醬薯條！📍和牛漢堡扒我第一次食這些韓式鐵板黃牛漢堡扒，感得十分新奇興奮，來自澳洲一個圓波波形狀的和牛漢堡扒非常吸睛！先從和牛波波取一小部份的和牛放在三百度的鐵板上燒，一放落去咋咋聲啲已經聞到很香的肉味，只要每邊燒幾秒，再反覆動作，即可以熱辣辣的放入口中，隨套餐奉上燒汁、海鹽等調味，食落去入口即溶，有和牛的油甘香味！真是十分味美！而旁邊的芝士蛋蒜亦都比想像中香口惹味！而朋友的菠蘿煙肉亦都感覺清新。📍芝士泡豚丼飯隨套餐的這個丼飯亦都絕不遜色，泡菜的酸辣味加上芝士，以及一片片薄薄的豚肉，要來送漢堡扒，實在絕配！📍百香果特飲，蜂蜜柚子茶特飲方面，我們加錢選了百香果特飲，大大杯的非常清甜解渴，酸酸甜甜的配襯熱辣辣的漢堡扒，消除油膩感覺，實在選得不錯！而蜂蜜柚子茶亦都有同樣功用，酸酸甜甜非常醒胃！📍足半磅黑松露醬薯條我另外配襯的黑松露醬薯條，薯條炸得脆脆的，上枱熱辣辣，加上香氣四溢的黑松露醬，很是吸引！總括而言，我覺得這裏的食物質素非常不錯，澳洲和牛漢堡扒比我想像中好食！而且又好玩，真是值得推介！加上侍應殷勤招待，侍應都很細心，留意我們的鐵板需唔需要更換，由於我食得慢總共換了三次鐵板呢！所以我下次一定會再來幫襯！…查看更多