福岡漢堡扒 (鴻威大廈)

營業中

休息中

之前試過尖沙咀厚福街既福岡漢堡扒，原來旺角花園街都有分店，今日不如一試。福岡漢堡扒其實係來自韓國，呢度主打石燒和牛漢堡扒， 和牛係選用100%澳洲和牛，餐廳特別在於供應爐具比客人自己煎漢堡。漢堡扒一共有6款口味揀，每款仲有3個size選擇，分三個價錢。除左漢堡扒，餐牌都有意粉同小食，仲有多款兩人套餐。落單用QR code。落完單好快就有得食。今日揀左個$366另加一既兩人套餐，包菠蘿煙肉和牛漢堡扒（中），芝士蛋蒜和牛漢堡扒（中），芝士泡豚丼飯，同兩罐罐裝飲品。菠蘿煙肉和牛漢堡扒 大 跟餐加$8材料有:和牛漢堡肉球加咗芝士既蛋4件菠蘿芝士碎5塊煙肉蔥花。塊鐵板係有一舊熱石係角落位置。我覺得外面燶燶地而入面生生地就最正，外脆內嫩，肉質好滑。到後期鐵板唔夠熱仲可以換塊熱既。煙肉唔會太鹹，都好鮮味。呢個蛋有芝士，滑溜好食又流汁。芝士蛋蒜和牛漢堡扒 大 跟餐加$8呢個芝士蛋蒜和牛漢堡扒就加咗勁多蒜片，芝士同蔥花。可以追加配料，我地試左好多款。加墨西哥辣椒 加$10 另加一墨西哥辣椒酸酸辣辣，可以減輕油膩感。加菠蘿 加$7 另加一菠蘿酸酸甜甜，又可以減輕油膩感。加香蒜 加$7 另加一香蒜非常香口。