玩具屋

營業中

休息中

相信香港不少日本迷，我同細佬仔都唔例外，疫情之前我哋成日都係去日本，但係這兩三年都冇去過，非常懷念。估唔到香港有一間超級有日本特色嘅居酒屋，就係位於天后嘅玩具屋。無論店外嘅日本懷舊擺設，定係店內嘅所有佈置，都同日本嘅無咩分別，連留名的牌都係用日文寫。店內以爐端燒形式，非常有氣氛和特色。我們點了芝士流心菇、燒芝士年糕、燒羊架、燒雞翼、燒雞肉棒、燒飯團🍙（明太子、三文魚）、三色刺身、鹽燒腩肉和湯烏冬。全部都好好食，我自己最鐘意燒雞雞肉棒，好有口感又香口。湯烏冬係正宗幼身的稻庭烏冬，細細碗，又滑又好味。用餐時間以90分鐘為限。由於好多食客的關係，當晚無預約者都無緣進食。

公司開P，由靚仔經理揀咗去間令佢拾回不少童年回憶o既「玩具屋」食日本菜。單憑店名已估到店內將見不少玩具，黎到門口見到自己熟識o既龜仙人、悟空、魔童等龍珠主角、黃金聖鬥士、仲有小雲同小吉，喺XO仔成長路程中真係好重要架，當然係要影多幾幅相啦！步入屋門，先知道用餐區域埋藏於地底，真係有啲似探險咁。全店最有氣氛應該係中央圍繞住開放式廚房o既吧位。當晚九人派對被安排喺半開放式o既房間內，坐喺厚厚o既咕𠱸上冇得埃，自己雖只屬小肥，但講真坐得極不自在。整間餐廳o既牆身都貼滿卡通海報，席上個個生於不同年代，一提到認得出邊套卡通時即暴露埋自己咩年紀添，呵呵呵！為怕埋單一刻先發現超出預算，派對早已由組長負責跟店員自訂好菜單。細佬只係慣性早到，順便影埋一頁餐牌及數頁飲品牌作參考之用。人一到齊，第一時間當然係要飲杯歡樂吓先啦！桌上自用o既餐具齊備，不過食到中途不斷要叫人先會有得換碟，服務唔係咁周到，衛生亦唔算最講究。燒鱈魚棒（$28）：燒鱈魚棒巧薄乾脆，送酒佳品也。雞泡魚乾（$68）：雞泡魚乾煙韌黏口，但因有比較下，個人就比較鍾情燒鱈魚棒。燒枝豆（$38）：燒過o既枝豆太過腍，個味道又燶又辣，極不討好。五点