好燒式串燒專門店 (砵蘭街)

營業中

休息中

好燒式係我同男朋友最鐘意既串燒舖🍢，事緣有次上網google串燒舖就搵到呢間🤣已經幫襯過幾次架啦，不過個時未開始寫食評，所以到而加先補寫。今次我地又黎食好燒式，好彩都仲有位，唔洗等就可以入座。今次都係嗌左好多之前試過好味既串燒，再加一啲新嘗試😂。雞翼、雞軟骨、雞腎、多春魚、魷魚鬚⋯⋯呢啲平時都嗌開，燒得好正，好香～！日本年糕係本人最愛🤣，煙煙韌韌！👉🏻 牛油金菇包呢個必食！牛油太香啦😭真係好好味！👉🏻 韮菜｜翠玉瓜韮菜又係燒得好香😭👍🏻（題外話：我整跌左一舊翠玉瓜，侍應哥哥即刻幫我清潔番個地下，真係唔好意思😫但佢地服務真係好好）👉🏻 菠蘿｜朱古力香蕉菠蘿好甜～朱古力香蕉就第一次食，侍應哥哥上碟個陣仲提我地要襯熱食👍🏻！但我覺得就普普通通，係熱既香港加朱古力醬⋯😂👉🏻 芝士墨西哥薄餅呢個又係我地必嗌，因為淨食串燒食飽都唔少錢，所以我地會嗌個薄餅墊底先🤣因為舖頭大細所限，要比個位比啲book左檯既客，我地食食下要轉位（之前食都係咁），所以有少少麻煩～但不得不提，好燒式既服務真係好好，侍應哥哥仲同我地有講有笑😆！

最近都鐘意食串燒，要間性價比高 的確不容易, 想不到在砵蘭街可以找到了! 都只朗豪後面一路直走.不單單是串燒, 食物種類都很多, 滿足到不同要求兩個大男人收工過來, 餓得很, 所以先來一個芝士墨西哥薄餅, 上菜之時熱哄哄, 一拉出薄餅就見刑芝士絲, 入口煙韌, 雞肉微辣, 既開胃又飽飽的, 先滿足下餓肚子黑松露野菌雞肉意粉, 平時不太好黑松露, 今次改觀了,配以野菌奶油, 帶出了鮮味!泰式燒豖肉,豆腐,牛舌, 入口不會很油膩. 爽口的!  最重要的是要配上辣辣的汁醬, 開胃醒神燒茄子非常惹味, 煙肉露筍 露筍爽脆, 清甜可減煙油膩感, 煙肉又為露筍注入味道。鹽燒豬仔脾，很多時都會做得很乾身，今次內藏肉汁，盬燒的關係，建議大家不加任何醬料。最後當然少不了,青島一支

放工後同好姐妹聚會不外乎都想搵個地方食野加吹水～次次去cafe食西餐真係有d悶，今次轉行去食串燒，又惹味又滿足！旺角街頭，店面唔大，但次次經過都俾相吸引想去試試一入去就見到一串串燒烤，但唔會好勁油煙食串燒當然唔講究有情調嘅裝修，反正乾乾淨淨坐得仲舒服Meun選擇夠多，除左燒烤仲有意粉、墨西哥簿餅揀，淨係點野食都諗左一輪～先黎墨西哥簿餅，新鮮整起又熱又脆，芝士夠多好香，入面嘅辣椒中和番油膩感，唔錯！店家好細心，金菇處理過唔會一夾就一大抽，牛油香十足，好爽滑，作為金菇愛好者真係要推一推薦～串燒調味同火喉都掌握得幾好，唔會只係孜然同調料味而冇左食材本物嘅味道；亦唔會燒到又乾又硬，食到唔同口感講下食物～牛舌係厚燒偏軟個種，雞軟骨同腎都係正常串燒嘅經典味道。個人最推薦豬頸肉，爽口有肉汁；另外牛肋味道同樣出色豆腐外脆內滑，燒汁落多左少少；日本蕃薯係想像中嘅甜味（本人食串燒同放題都必點～）；露荀最驚喜，好嫩唔會有'渣'，夠清爽豚肉加埋店家嘅醬一齊食酸酸辣辣，幾惹味；韭菜份量好多，但較為硬；菠蘿真係好正，好甜好多汁，食到飽飽地食番塊菠蘿中和正！已經超飽但個原條茄子一黎依然係快速消滅，又滑又有汁，雖然比

喜好品酒的幾位好友不約而同地想找個機會來一次宵夜酒聚,時間在星期六或日夜晚,而地點最好在油尖旺一帶;我首先提出建議到好燒式串燒專門店,好友們一聽巳覺得名字很特別;加上我曾對此店食物質素之高留下極好印象,於是聚會就定在這個星期日晚,並由我來先行訂位;給了餐廳的資料出席聚會的三位好友,約定十點鐘左右到達;大家都相當準時,未到十點已全部到齊了;三位好友看到了店內的宵夜時段人流都很暢旺,說我應是選對了地方,並由我全權點菜;略略看了餐牌,也大概知道好友們的口味,於是很快落了單;與好友們開了酒,聊聊天,一邊喝著一邊等著食物上來;過了一會,辣酒花螺率先登場;這次因應其中一位好友的口味點了小辣;大部份的花螺體型頗大,而且肉質實淨而爽彈;辣醬汁的酒味較輕盈,剛好做到了袪腥之效;花椒辣椒與其他香料的味道調和得很好;加上花螺被處理得很乾淨,連消化器官部份部沒有沙粒,可以很放心食用;這部份為味蕾增添了綿滑中帶著甘香的層次,與螺肉的爽彈,醬汁的穿透力,咀嚼中與吞下後都有不同的餘韻,實在精彩!自帶的IPA啤酒,雪凍來喝,甚有勁道的啤酒花香味與苦韻,配上熱辣辣的辣酒花螺,更是另有一番風味!下一個令好友們同樣盛讚的-

在朗豪坊看午夜場電影，開場前先要醫飽肚子，可惜附近餐廳又唔好食，於是行下行下，行左去登打士街附近。見到好燒式串燒專門店，價錢又唔算貴，而且又好似幾多選擇，於是便入內一試。一般港式食店的設計裝修，不過好光猛亦好乾淨，都算坐得幾舒服。我們坐在廚房對面，看到廚師用心煮食的樣子。雖然只有玻璃窗之隔，可能廚房的抽油煙設備很好，完全不覺得有油煙味。MENU好多選擇，甚至看到有西餐的食品如意粉等可供選擇。看到牆上的雜誌介紹才知道原來這裡的廚師曾經在高級酒店做過大廚，所以才有串燒加入西餐的做法。店員先送上調味的醬汁，酸酸辣辣的，又有洋蔥的味道，十分好味。不過由於這裡的串燒本身都燒得好夠味，基本上很少沾這個醬汁。招牌無骨燒乳鴿($78)廚師將乳鴿切成細件，再拼回乳鴿的樣子放碟，單是擺盤會讓人忘記自己正在港式串燒店內晚餐。以低溫慢燒的方式去燒，令多餘的油脂都迫出來，所以做到皮脆骨香。同時亦保存了肉汁，食得到乳鴿肉的幼嫩之餘，亦保留了乳鴿本身濃厚的肉味。芝士墨西哥薄餅($38)很特別的一個小食。因為是即叫即整的，所以送上桌還是熱的。一啖咬落去食到薄餅很香脆，餡料主要是嫩滑的雞肉，加上溶化到拉得出絲的芝士和墨