Samsen 泰館

一直bookmark左呢間餐廳，今晚終於決定試吓，晚上6:40分拎位，大約7:00就可以入座，等位時間唔算太耐。因為我係第一次食，入座之前諗好要叫熱門菜式：蟹肉炒飯、泰式炒通菜、飛餅、雞肉串燒啲餸菜仲要好快就到齊，一食落去真係好有泰國🇹🇭的味道，好有驚喜！蟹肉炒飯真係見到好多蟹肉，飯身粒粒乾身，再加埋炒蛋碎同少少蔥，已經好香口，會令人不停咁食飯。由於我哋得兩個人食，雖然叫左飛餅，但就無額外配咖哩，只係用串燒個沙嗲醬去伴，而且個飛餅唔算好厚身，又唔會焗到太乾，加少少醬食落岩岩好。至於雞肉串燒，個調味又係岩岩好，雞肉食落都啖啖肉同埋滑身，一碟有四串，每人食兩串份量剛剛好。食完肉都要食返啲菜，佢個泰式炒通菜有微辣，好惹味，啲通菜無炒到好黑，每條都青綠色，而且食落都有爽脆口感。食完呢幾個餸其實都有九成飽，但真係好想食埋個芒果糯米飯，畢竟甜品都係第二個胃🤣，個糯米飯煙煙韌韌，芒果唔算好甜，但淋係面的椰漿可以補返數，唔使講我哋都係食哂😍總括嚟講每道菜都好有泰國的味道，價錢亦算正常。侍應態度亦好好，只是餐廳裡播的音樂略嫌嘈吵（因為本來已經有好多人聲），同埋內裡油煙太大，食完之後頭髮有陣油煙味（但我哋已經係坐門口位），如果可以改善的話就更好，期望下次黎再試埋其他菜式。…查看更多

今日lunch去咗食上環人氣泰國菜，呢度lunch time都好多人排隊，等咗好一陣，而排隊期間店員有提供一小杯凍茶同遮，幾貼心▪️泰式炒闊河粉(雞)🐔河粉係闊身透明嗰隻，食落好滑。入面有好多雞肉同蛋，仲有粟米仔同芥蘭，炒得好有鑊氣▪️泰式奶茶🧋奶茶比較甜，好重煉奶味，偏向泰國地道口味▪️芒果糯米飯🥭🍚芒果清甜唔酸，糯米飯煙韌有咬口，充滿椰香，但偏甜少少，面頭仲有啲脆脆增加口感▪️泰式街頭椰子雪糕🥥🍦用椰子殼🥥裝住兩球椰子雪糕、椰子肉、粟米、花生碎，椰子味濃，口感豐富，同喺泰國街頭食到嘅一樣本身想食香蕉飛餅，但原來lunch time冇🥺Samsen 泰館📍上環蘇杭街23號地下…查看更多

特別推薦大家✅招牌泰式蟹肉炒飯 Fried rice of crabmeat & spring onions✅鮮製泰式香蕉飛餅 Crispy banana Roti with condensed milk or Nutella ✅泰式街頭椰子雪糕 coconut ice cream✅芒果糯米飯 Thai mango & sticky rice《招牌泰式蟹肉炒飯》蟹肉好大舊🦀，唔係得少少，個飯睇落去以為冇乜味，原來都好夠味，食落有d似落咗美極😂，加埋個辣魚露會再好食d🌶💰$158《鮮製泰式香蕉飛餅》💛超級·超級·超級好食，唔叫會後悔💛❗️香蕉餅好足料、好厚身，個外皮好薄好脆、熱辣辣🔥、又唔油，入面有好多香蕉🍌🍌🍌，香蕉都好甜☺️另外有個醬，可以揀配煉奶或者Nutella，絕對建議大家揀煉奶👍🏻，係超級match我哋覺得成個香蕉餅仲好食過泰國😂，不過依個價錢都唔平，但係絕對值得食🤭💰$98《泰式街頭椰子雪糕》呢個又係好好食🤤，一樣係必叫❗️椰子雪糕勁重椰子味🥥，花生好脆🥜，粟米又好甜🌽，佢哋同椰子雪糕係勁夾，食到椰子味得嚟，又會食到花生同粟米嘅甜👍🏻仲有椰子肉tim😌💰$78《芒果糯米飯》芒果糯米飯有泰國食到嘅水準🥭🍚，糯米飯sticky得嚟，飯粒都可以做到粒粒分明😋，唔會爛晒/一pat嘢芒果都幾甜🥭，成個飯好有椰香🥥，面頭仲有脆米，正💰$98*整體嚟講，咸點就正常發揮，甜品就非常驚艷😎…查看更多

「泰館」係米芝連推介餐廳，聽說大部份時間都一位難求。今次慕名而來，試吓有幾好食⋯⋯星期六下午兩點，一去到己可入座，走運！進入餐廳第一下就係聽到強勁音樂同埋見到座上有不少外籍人士。餐廳的左邊係一個開放式廚房，沿着開放式廚房有吧位。突然覺得有某間米芝連三星法國餐廳feel侍應熱情款待，放上餐牌，用英文對話。餐枱有點兒細，幸好餸菜逐碟上，食完一度菜先換碟，再上下一度。先來飲品-菠蘿薑。最上層舖上黃色一條條柚子狀的物體，原來係薑條，醃得甜甜的。飲品内有新鮮嘅菠蘿肉，淡味飲品配甜薑，中和味道。略嫌有點「傑」身，幫唔到解渴⋯⋯魚餅咖喱味不會過分濃烈，但都輕易蓋過魚肉味。最正係點魚餅的醬汁我哋全夠佢食到清碟！泰北咖喱雞金麵金麵用的蛋麵條有勁道，濃而不太辣的咖喱汁掛在蛋麵上，再夾一條炸麵一齊食，簡直係天堂。一時間將三件連骨的雞件遺忘了！虎蝦金邊粉上菜時覺得像半製成品，侍應亦無解釋應如何處理配菜，是拌菜還是....🧐。虎蝦算大隻，幾好味，還有蝦米，脆脆豆腐粒⋯⋯材料豐富金邊粉偏酸，所以青檸汁不可多放啊！芒果糯米飯用泰國芒果，唔夠菲律賓芒香甜。椰汁糯米飯同芒果中間夾著一層脆脆的。甜度十足的飯配搭清淡的芒果，味道剛好。但唔係我食過最好食嘅。不枉此行，泰館好食，至於是否值米芝連推介就......留俾你自己去試吓…查看更多

第二次黎呢度食⋯因為覺得佢唔係平時一般既泰國菜⋯今次黎慶祝生日⋯不過無諗過仲有咁多人黎⋯排隊排左成粒鐘🙁⋯⋯又無得訂枱⋯⋯下次要早啲啲到⋯7點個啲就真係旺好多⋯環境好外國好chill.. 不過音樂太大聲😅今次試多左其他野食⋯都係一樣咁鍾意⋯😋😋⋯今次叫左個招牌炒飯⋯好夠一粒粒⋯加少少魚露同青檸仲好味⋯⋯跟住試埋佢地個串燒⋯分享有蝦串同雞串⋯首先個雞串個沙爹汁就真係超好味⋯連個醬都好足料⋯有花生乾蔥蒜片⋯好野味⋯😌😌再配青瓜食即刻覺得無咁熱氣⋯👍🏼個蝦串就無分開一碟醬⋯但啲醬就塗左係隻蝦度⋯個醬應該有洋蔥有蒜蓉⋯不過唔個有咩令到佢紅紅地色⋯總之都好好味⋯咖哩麵就必叫啦⋯一如既往咁好味⋯記得配roti⋯唔洗浪費⋯另外仲有叫左和牛肉碎炸蛋⋯呢個就普通啲不過都好味👍🏼👍🏼甜品我就一早黎之前已經必叫呢兩款架啦⋯1）芒果糯米飯2）香蕉roti如果少啲汁就無咁甜⋯香蕉個個roti個皮焗到脆一脆咁🤩🤩⋯真係好吸引好正⋯如果你鍾意可以加埋 Nutella..會更加滿足⋯⋯🥰…查看更多