研香

營業中

休息中

芒果冰好香嘅芒果味，口感清爽，好啱夏天嘅時候食。面頭上都有好多芒果肉，以$48嚟講都算抵食，經過尖沙嘴不防可以試下😋🧊椰汁仙草豆腐花呢個就比較普通，豆腐花雖然都有豆香味，但係似乎唔夠滑身，同埋椰汁味唔算好重，整體上唔會算太甜，比較淡身。但係都叫做好足料，以$34嘅價錢，啲野食都好大份，好多仙草同豆腐花🥢成間餐廳係行日底風格，不過服務態度偏差，同埋冇得坐好耐同朋友傾計，兼且比較逼夾，坐得唔會太舒服🥲

Top blade steak lab 開的糖水店之前係Top blade飲過開心果奶蓋覺得幾正於是對佢嘅糖水店都有期望！開心果露真係必食濃郁開心果香，質感幼滑雙拼合桃露芝麻糊加豆腐花足料香濃，質感幼滑而且本身設定係偏少甜，夠晒健康！唔配豆腐花可以揀加麻蓉湯丸多士餐厚多士配邪惡花生醬同開心果醬唔雙拼嘅可以配代糖就更健康芝麻糊、腰果露都唔錯😋天氣熱到咁，而家要揀食芒果冰香甜芒果沙冰食得出足料芒果整出嚟上面仲有爆珠添，口感豐富

食完晚飯總係想搵個甜品食吓，嚟到厚福街都預咗間間甜品店都會好多人，一於邊間有位就去邊間啦。研香店舖唔大，裝修日式簡約風，一貫甜品小店座位佈局，剛夠坐到但唔算寬敞。店舖坐滿食客，入到去未坐低已經飄來榴槤之香。#芒果冰 $42用一隻新鮮芒果肉打成，真材實料，芒果夠晒熟，清甜唔酸，有粒粒芒果肉，加上爆珠放面，口感豐富。#榴槤冰 $48等如1/4個榴槤肉，充滿榴槤香味，啖啖雪葩啖啖肉，夠晒冰凍，滿足晒榴槤控，如果榴槤再熟啲就更好。#芝麻合桃 $38雙併可以一次食晒兩種味，熱辣辣好滑。合桃連衣研磨，食到有合桃衣嗰種澀澀哋嘅味道，芝麻糊正常水準。叫咗半甜，好鍾意呢一種甜度，仲可以選擇用日本天然代糖。#研香地址：尖沙咀厚福街7號地舖