初麥手作烘焙

營業中

休息中

今日約咗朋友嚟北角睇占卜本身講好會一齊先食晏再睇但係因為我住得比較遠所以冇食早餐嘅我嚟到北角已經餓到打鼓朋友未到 就係附近行吓諗住睇定晏晝食咩餐廳行行吓就見到呢間包店被好有現代感嘅裝修而吸引即刻入去行咗個圈唔知係咪太肚餓嘅關係每個包望落都好似好好味咁最後忍唔住買咗個芋泥布丁包一路食住行返地鐵站等朋友老實講我覺得有點失望因為個包明明放喺個爐入面加上個日天氣都幾凍咖仲諗住食到啲熱辣辣嘅麪包結果到手感覺唔熱都算仲要一啲暖意都冇可能因為個包係凍搞到包皮食落又乾又硬好在裡面個餡唔錯芋泥同布丁份量適中味道唔算太甜 口感綿滑$19當係食個甜品

當日有事黎到北角，終於可以黎試下Bookmark左好耐既餅店喇！！ 最初認識呢間餅店，係因為開心果布丁包😋 因為我實在太喜歡食開心果喇！！當日我大既概6點左右到，一入到去，發現開心果布丁包得返一個！！即刻叫店員幫我包起先😂最後，收獲左一個開心果布丁包，一個開心果細千層，一個芋泥布丁包，兩個菠蘿皮麻糬包同一個朱古力麻糬包！一共$93🫠 買包都買左成$100，真係好不可思議😂。當日即刻返到屋企即刻食左兩個布丁包先，我用焗爐仔焗左5分鐘先食！首先食左我最愛既開心果先😆中間既開心果布丁醬有香濃既開心果味，完全冇令我呢個開心果迷失望呀！！😋😋然後食埋個芋泥布丁包。入面芋泥好多！！ 不過我都係鐘意食返成個都係布丁既布丁包！兩個布丁包既皮都係比較煙韌，焗完之後就係脆脆地。但係我覺得個包皮做得麻麻地！呢個就留返第二日既早餐，菠蘿包麻糬包有驚喜！上面既菠蘿皮好好食😋，有菠蘿皮既鬆脆同麻糬包既煙韌！朱古力就一般啦。最後就係呢個開心果細千層喇！之前食過其他餅店類似既款式，嗰陣由上面下咁切開黎食，感覺麻麻地。今次試下由中間撕開黎食！入面既開心果醬好多！ 差唔多去到個酥既3分之2！！ 最上層既開心果粒同朱古力好

喺北角返工既朋友之前買過呢間既芋泥布丁包俾我試，嗰次試完覺得唔錯，所以今次去開北角就去試下。Lunch time1點幾左右去都仲有貨😚(好似係每日12:30pm & 3:30pm出爐)。反正買完都唔熱，所以拎返屋企用氣炸鍋焗返熱先食。🔅法式布丁包 ($15)布甸好香好嫩滑，包體都煙韌，唔會太甜。比起嘉多娜就少左陣雲呢嗱香味同細隻啲，但勝在唔使排半個鐘🙈。🔅芋泥布丁包 ($19)芋泥味既布丁包好似係呢間先有😋，梗係要試埋！芋泥好綿滑，食到少少芋粒🤤。芋泥同布丁大概比例1:1，加埋芋泥整體食落無咁膩👍🏻。🔅原味布丁撻 ($12)布丁撻幾香，曲奇皮有啲厚度，不過夠晒香脆又鬆化。🔅菠蘿皮麻糬QQ ($5)菠蘿皮都夠香脆，食落又煙韌👍🏻，$5蚊隻好抵食！之前朋友買過一次，基本上同口感味道同 @james_bonbon_bakery差唔多，但可以任夾無限買😂，仲唔使排隊，贏晒🖖🏻。💬包類pastries呢啲一律建議焗熱(氣炸)再食，就咁食相對會比較普通。呢間除左比較遠都無咩挑剔之處😌。

⚠️每日固定兩輪：12:30/3:30第三輪：6:00/6:30⚠️每人限購4個✨3:10到有10個人左右，15分已經排到轉彎，如果3:30先到有機會冇喔-💜 芋泥布丁包 $19👅好味指數：9.8/10🔥重點：值得排❗️ 芋泥正到爆❗️包體煙韌如bagel😍蛋勁香好滑溜芋泥甜度剛好又綿密🥹😭仲有顆粒感🥰第一啖蛋布丁多到湧岀黎😚，食到蛋布丁之後第二啖就會食到蛋+芋泥餡爆多，比例50:50🥰雖然係岩岩岀爐，不過係凍的，我就直接食，怕焗得唔好😂但都覺得好正🥹唔夠喉-🤍法式布丁包 $15👅好味指數：9.8/10🔥重點：同嘉多娜90%似❗️整體上同嘉多娜真係好似，同樣咁岀色唯一我覺得小唔同既係，依間包挖得冇咁深，食到包體會多啲，但內餡味道蛋香基本上一樣。如果唔食芋泥，可以去佐敦嘉多娜買(唔洗排)如果食埋，就一次過買👍🏻-環境：8.5/10服務：8.5/10好味指數：9.8/10回頭率：9/10