沾仔記 (威靈頓街)

🐮沾仔記🐮🐮#hkbeeflover_米芝蓮🐮#hkbeeflover_中環• • • 🐮🐮評價🐮🐮至尊三寶麵 $49Three Toppings Noodle 應該係中環上班人士之選三寶，每個寶都勁大粒鮮牛肉完全被隔離搶focus 牛肉份量都多口感都不錯雲吞入面好多蝦蝦及豬肉比例均等鯪魚球新鮮連我平日唔鐘意食鯪魚球嘅人都食左半粒😂中環番工嘅你今日會唔會食沾仔記？我最鐘意係佢自家製辣醬加完落麵之後昇華哂 個人黎講對鹼水味唔抗拒仲有少少鐘意添😂😂😂加埋醋就仲正#態度比食物重要對於茶餐廳嘅態度就算惡劣啲我都覺得還好因為出面真係好多人等好似澳牛咁 快啲安排入座快啲有野食 好似呀媽催你咁 反而覺得幾正😂😂😂我咁諗係咪有問題🤣🤣🤣🐮滿分為5個emoji🐮評分也以性價比作衡量軟冧：☁️☁️☁️牛味：🐮🐮🐮• • •🐮男友總評分 🤎🤎🤎🐮女友總評分 🤎🤎🤎🤎…查看更多

今次去了試米芝蓮香港推介餐廳沾仔記，佢厲害在由2009年連續獲獎至今，吃完後必定會再encore的餐廳！1. 至尊三寶麵($46) 餸菜麵量充足，絕對值得一試必食雲吞入邊餡料豐富、蝦肉彈牙、皮薄餡靚！鯪魚球大大粒、口感彈牙、魚肉偏淡，加醋食風味更佳。牛肉淋得黎無筋，牛味略嫌偏淡，亦是加醋更好。另外，雲吞麵嘅精粹就係湯同麵，雲吞湯清淡易入口，吃完後第一次整碗湯喝光了雲吞麵無可挑剔，無鹼水味、麵質彈牙。另加了飲品 豆漿（$10）香港製造、無添加劑，不會太甜，甜度剛剛好，健康解渴之選。2. 腐乳通菜 （$18）出街食飯都想食得健康少少，加咗碟菜，可以揀不同種類嘅菜/ 醬分開上，亦有清湯選擇。腐乳不會太鹹，健康嘅味道3. 餐廳舖面星期日中午有一兩枱空位，餐廳不大但乾淨企理。要大讚餐廳侍應姨姨態度良好、笑容滿面，值得加分…查看更多

同男友去開中環.今日試食下米芝蓮推介ge沾仔記先la.睇下佢點解長期有咁多港人同遊客排隊食先.沾仔記入面如一般雲吞麵檔都係逼逼地要塔枱咁坐滿每個位置.不過環境都幾四正.價格仲咁多年黎都係維持$30幾蚊碗tim.介紹下沾仔記la.佢地個餐牌只有幾樣招牌野揀.有推牌雲吞麵,同三寶麵:(雲吞+鮮鯪魚球+鮮牛肉)我地今日都係點左lee 2個ar.男友食至尊三寶麵:(2粒雲呑+大粒鯪魚球+牛肉)一鲮魚球超大粒彈牙。牛肉都幾冧身。適合多心ge人食.可以次過有三樣宋主打宋.招牌雲吞麵（有三粒大雲吞）雲吞真係好大粒同爽口。D麵都好彈牙好食總結:沾仔記都係雲吞最正講真係中環開鋪咁耐都仲堅持以你$32幾蚊碗雲吞麵真係良心小店.唔會好似x記咁收到咁貴.比個like你沾仔記.我下次想食雲吞麵會再黎食ga…查看更多

在中環吃晚餐動輒都要過百元，獨個兒會選擇粉麵食，貪其方便快捷。第一次光顧沾仔記，沒有遊客大排長龍，食客絡繹不絕，入座卻暢通無阻，皆因大部分人都吃完即走，而且餐牌設計非常簡潔，只有三款麵食：雲吞、鯪魚球和牛肉，簡單快捷👍🏻點了至尊三寶麵，一次過試試三款配料。首先會被大大粒鯪魚球嚇傻眼，鯪魚肉有彈性，沒有魚腥味，口感甚佳；雲吞兩大隻，蝦肉爽口彈牙，豬肉份量相對比一般雲吞少，味道也不錯；牛肉嫩滑入味，相信事先做了功夫吧，略嫌有筋及牛肉片細碎。美中不足的是湯底稍鹹，愈吃愈口渴，注意店子沒有水提供，可以買枝裝礦泉水。$41就價錢在中環吃晚餐真是平、靚、正，會再支持。…查看更多

雲呑麵作為香港地道的美食，是本地食肆中最經典常見的食物。不過能夠在云云食肆中以雲呑麵鶴立雞羣，更連續4年在米芝蓮榜上有名，就要數沾仔記！沾仔記以其改良雲呑聞名，把傳統的雲呑做得碩大如乒乓球。除了體積大外，雲呑的質量當然令人印像深刻！鮮蝦爽口彈牙，配上大地魚及豬肉碎，非常鮮味。另外，沾仔記還有兩款招牌：鯪魚球及滑牛肉，滑牛肉香嫩滑溜，鯪魚球鮮美。如想一次品嚐多種味道，就可以試試至尊三寶麵，只要$34元，便可以一次過滿足三個願望！喜歡雲呑麵的不容錯過喔！…查看更多