翔壽司

營業中

休息中

尖沙咀厚福街呢間壽司店有L形的bar枱位，可以一邊等一邊睇住師傅整壽司。地方細細，好有傳統日式風味。前菜叫左個明太子沙律同麵豉湯，明太子沙律切到一粒粒好爽脆，鹹香嘅明太子配上沙律醬好開胃；麵豉湯熱辣辣好暖胃自選壽司10件- 火炙左口魚壽司最推薦，經火炙燒焦後有焦香，口感有嚼勁，越咬越食到濃郁甘香的魚油😍- 火炙帶子壽司好厚身，鮮甜鮮味- 火炙三文魚腩壽司，火炙焦香味濃厚，三文魚腩魚油香味適中但唔夠濃郁- 辣味帶子/三文魚軍艦幾有創意，用辣味醬汁帶出帶子/三文魚的鮮甜，辣辣地好開胃- 赤蝦壽司晶瑩剔透，爽口鮮味

🇭🇰翔壽司·呢間我地之前見夜晚超多人等位 所以難得個日放假就決定黎食個lunch 但係我自己覺得佢壽司質素一般般姐🤭🤭·自選壽司10件 $168佢呢個價錢唔算貴 但係都唔算平既 如果午餐既話呢個價錢附近好似有好多更好既選擇咁🙊佢既油甘魚 真鯛 深海池魚都ok既 不過就淡味少少🤔🤔反而佢既火炙壽司好似做得出色D 佢個金線鯛同左口魚邊魚油都幾香 之後帶子都鮮甜既 但係佢片到好薄 所以無咩口感咁 個赤蝦壽司都係正正常常咁🤭😂·#rbyeat#rby日本菜#rby尖沙咀·📍尖沙咀厚福街5-6號多富閣地下4號舖

今天和同事去到厚福街食午飯，見到一間舖頭「翔壽司」，門外有很多人在等外賣。看見裏面的裝修很有日本當地的壽司小店風味，餐牌上套餐價格都算平民化，而且老闆曾獲米芝蓮指南推介，所以便入去試下。各款午市定食配沙律及麵豉湯，另可以以半價優惠加飲品。我坐的位置正正可以近距離看到師傅怎樣手握壽司，整好之後放在面前遞給顧客，確實好懷念之前去日本旅行在小店食壽司嘅情景。於是我點了自選壽司定食。先來一碗麵豉湯及沙律，味道不錯。自選壽司 10 件定食 $168油甘魚壽司、三文魚腩壽司、帶子壽司、深海池魚壽司、火炙真鯛壽司、辣味三文魚軍艦、芥辣八爪魚軍艦、辣味帶子軍艦、蔥吞拿魚腩軍艦、辣味吞拿魚軍艦。全部都好大件，肥美鮮甜。自選三色丼定食$138同事揀了三文魚、帶子以及赤貝。賣相好靚，每片刺身都係厚切，三文魚細嫩鮮美，帶子簡直是 JUMBO ，赤貝鮮甜爽脆。日本米壽司飯份量差不多有兩碗。平時同事好細食，不過她說酸酸地，完全唔覺自己食咗咁多。這餐美味又滿足，下次可以同老公再來，一起懷念日本小店嘅風味！

早前晌中環一家居酒屋，就試過一款好抵嘅「廚師發辦」（Omakase），包括先付、刺第六點、壽司六貫、季節湯品及甜品，定價六百多一位。如果有試過「廚師發辦」嘅人都知，有番咁上下質素嘅，千零蚊落樓喺常事，就算非旺區嘅，$800、$900位都好正常。但晌尖沙咀厚福街嘅「翔壽司」，就可以平平哋體驗一下「廚師發辦」嘅趣味，就喺有食友早前去試過，大讚性價比高，試一試，睇睇佢有無機會成為一家耳熟能詳嘅壽司店。有食友曾到訪過，亦大讚其刺身夠新鮮，並話呢度之前喺立食，依家就改為有櫈坐。而室內環境唔大，L型壽司吧枱，可以直接跟師傅交流，大概10個位左右，一眼睇晒，掛有少少和風嘅吊飾。雖然無影出嚟，但枱下有掛勾，可以掛住啲背包或手提包。唯可惜前面喺擺魚生嘅凍櫃，未能直接欣賞到師傅捏壽司嘅手勢。上文都講過一心嚟試「廚師發辦」啦，果然真喺堅抵，共有兩款「廚師發辦」俾客人選擇，分別喺刺身4點、壽司7點、手卷、麵豉湯，只喺$450位；另一款喺壽司10點、手卷、麵豉湯，只喺$380位。無論刺身、抑或壽司，款式都喺少接觸嘅，想一試「廚師發辦」，「翔壽司」喺抵玩嘅入門。$380 / $450對唔少人都可能覺得有點貴，但依

友人知我近排為家人憂心，故專登約我去吃喜歡的日本菜，話幫我打打氣，太好了！紅色的店名招牌高高鑲在正中，好搶眼！不過，最吸引還是「秋秀大割引」，只要Follow IG 或 like Facebook 就享有全單七折，抵！押門而入，已坐滿客人，要取票等位，幸兒是第一張枱。內裏地方小小，只有一張 “L”型的壽司吧枱，約可容納十多位客人，大家都可近距離和師傅交流，最棒！看看點單紙，有單點、廚師發辦、季節限定、自選壽司10件、丼、小食、飲品等，我倆都簡簡單單，各自要自選壽司10件（$158）。******************各有各剔，再對一對，原來大家口味都好似，只有少少不同。待一會，10件壽司就隨即上枱，我點了油甘魚、深海池魚、魴鮄、赤蝦、飛魚籽軍艦、蔥吞拿魚腩軍艦，而我一向對火炙情有獨鍾，所以足足點了四款，有火炙三文魚腩、火炙帶子、火炙金線鯛和火炙左口魚邊。逐一慢慢品嚐，油甘魚壽司微爽油潤，充滿魚油香；深海池魚壽司色澤紅潤 “令”身，肉質肥美，柔軟中帶微爽，魚鮮味濃且甜美。魴鮄魚壽司 “令”身亮澤，肉質爽口，連帶着一些筋膜。味道有些辣，皆因頂頭加了些辣蘿蔔茸，配搭特別。赤蝦壽司大大隻，鮮

立食，在香港還不算流行。係日本車站，好多壽司店，拉麵店都是立食，立食不代表要放棄食物質素，而係快快地享受一餐，亦不用等好耐，省卻了時間，但卻重視食物質素。厚福街眾多店鋪，見到一間新開壽司店，香港的立食壽司店，決定一試，食物質素高，價錢不貴。店面不大，只有數個位置。眼前可以見到師傅做壽司，挑好壽司後，把餐單比店員，好快就有得食了。看著師傅在自己眼前立即製作壽司，完全新鮮。今次見了個158蚊，任選10件。今次叫了火炙三文魚，辣味三文魚軍艦，辣味帶子，火炙帶子，甜蝦，赤蝦。另加左份饅魚及蔥吞拿魚腩等食材真係十分鮮味，特別推介以下，火炙帶子，帶子好新鮮，稍稍火炙一下，裡面鮮甜得很，而且裡面係軟身，顯然不是雪了很耐的過夜貨。火炙三文魚腩，魚腩很厚，絕對真材實料，亦不需要黑椒等調味料，完全吃出鮮味。甜蝦不用說，完全鮮甜，冇雪味。鰻魚，，我知道超市好多時都有即食鰻魚可以賣，但真係日本餐廳先做到如此好味的鰻魚，厚厚的一口。蔥吞拿魚腩，吞拿魚很足料，不是只是表層，而且紫菜都好脆。因為今日其實趕住去九龍公園，但係短短時間之際，都可以食到餐好。而且要讚店員，他們好有禮貌，本身我漏了支水在店內，已經走了，店員