📌阿豬媽鍾意食辣嘢！緊係搵返間川菜辣一辣去🌶。上次行過銅鑼灣美灣仔頭駱克道條食街，見到新開咗間《川火堂》食四川辣野幾吸引，一於帶佢試下。
📌店鋪唔算好大，有三張四人卡位，仲有多張二至四人枱， 可合併做大枱聚餐。
📌下午二點黎到，都仲有午餐提供，去下午四點半，午餐食品免收加一，有香鍋、酸菜魚、水煮牛、爆炒小菜、口水雞等等，包一碗白飯，價錢$48-$62，加$5有汽水，加$12有菜，銅鑼灣地段做到咁的價錢會不會係蝕本價呀？😲📌仲有推出二人同四人精選套餐，都好適合大顆兒來聚餐。
膠原脆皮豬手，$128
阿豬媽好鐘意食豬手，見到呢款豬手即刻心心眼😍。好特別，好特別，可能熊妹太孤陋寡聞。
認真從來未試過咁樣做法的豬手。豬手外表炸後形成脆皮，但內由的膠原依然保持煙韌有膠質，而配料加入了好多洋蔥粒🧅、辣椒粒🌶️、花椒粒，拼埋一齊食，超惹味，辣椒的辣味配合花椒的麻味再帶出洋蔥粒甜味中和一下，真係食到舔舔脷😋，係超好餸飯的一款菜式。
潑辣水煮牛肉，$158要食辣，就一定要食水煮先夠麻辣一番。一大鍋水煮牛🥘呈上，嘩！啲辣椒粒鋪滿面，滿缸紅到睇到對眼都感覺到啲辣味🌶。內裡包含了好多配料，萵筍片、寬粉、芽菜、豬紅等等，當然唔少得牛肉片🐮，全部份量都好多，牛肉煮熟了，浸滿水煮辣汁食落仲出牛味，所以話水煮牛係好夾。萵筍片食落都好新鮮爽口，寬粉索埋啲湯汁好煙韌惹味，食到最後，食極都仲有好多配料，咁大鍋咁足料都唔洗$200，其實真係好少地方做到。
金湯酸菜魚（午餐），$62午餐咁抵食，當然點個酸菜魚🍲食下喇。雖然話就話係午餐，份量都唔少。都好大一個石鍋呈上，感覺上一人份量都有多。
金湯酸菜味都幾足，真係食到酸辣味，又唔算好辣，魚肉片無骨，啖啖嫩滑，配料仲有芽菜同萵筍片，午餐來說真係好豐富，真係忍不住連埋金湯一齊飲。
時蔬，跟餐價，加$12熊妹食飯一定要有菜，加$12有碟菜都好經濟實惠喇。
時蔬係娃娃菜🥬，清清地一解主菜的濃味同油膩。
零度可樂，跟餐價，加$5📌老實說，銅鑼灣地段，益街坊價錢，食物味道高質，係好難得性價比高的川菜。而外賣生意都幾唔錯，食食下不時會聽到「外賣平台，你有一張新訂單，請及時處理。」阿豬媽同熊妹決定下次拉大隊全家人來這裡團聚餐，因為全家都喜愛吃辣的。😆…查看更多
