脆脆咕嚕肉

都有一段時間冇去新加坡 好掛住佢哋嘅蟹 所以呢晚嚟咗呢間新加坡過江龍 食個新加坡風味套餐🤩星洲黑胡椒蟹呢個套餐有四款蟹可以選擇 我哋揀咗佢其中一樣招牌菜星洲黑胡椒蟹 雖然話佢嘅size係細份 但係兩個人食都夠喉☺️ 一上碟嘅時候已經香氣撲鼻 黑胡椒嘅味道好惹味 但係又唔會太辣 呢個惹味嘅炒蟹真係好推介大家叫🦀 入面嘅蟹肉一絲絲 仲好鮮味添呀黃金魚皮呢個前菜我哋嗌咗個香脆又鹹香十足嘅炸魚皮 外層有蛋黃醬厚口感包裹住🤪 仲有啲香葉同埋辣椒 炒完之後嘅魚皮依然係非常香脆 忍唔住食完一舊接一舊脆脆咕嚕肉脆脆咕嚕肉真係冇改錯名 外脆內軟 每件肉條都切到大細均一 入面仲有好多肉汁🐷 外層嘅醬汁酸酸甜甜非常開胃 側邊嘅配菜仲有燈籠椒 洋蔥同埋菠蘿🍍 蝦味魚子蝦球炒飯呢個炒飯份量充足 每粒都粒粒分明 蝦味非常突出 入面嘅炒飯用上咗蝦湯 然後再加魚子炒成 海鮮嘅味道都幾出眾🦐 加埋彈牙嘅大蝦 整個炒飯都好夾甜品二人餐包括咗兩碗甜品 我哋每樣嗌咗一款😮 清心丸綠豆爽 好耐以為呢一個甜品都係凍嘅 點知原來係熱辣辣㗎 入面嘅清心丸係幾彈牙 仲配上好多嘅馬蹄片 清涼爽口🤪 招牌酸甘香茅凍 呢個嘅味道好清新 入面嘅果凍係用香茅製作而成 再配上酸酸地嘅青檸汁 🍋 好適合夏天食用飲品本來已經有壺香片 呢度嘅茶位收每位$6 都唔算太貴🍵 檸檬薏米水 清新祛濕 又唔會太甜 都係一杯特別嘅飲品 另外嗌咗豆漿 呢度嘅豆漿係無糖豆漿 咁就可以更加健康啦😎呢餐真係好飽 成餐最大嘅亮點當然就係隻蟹啦😌 仲有要一讚店員服務非常好 好有禮貌 食得好愉快…查看更多

👧🏻😋👅🍽✨抵食星洲蟹套餐-樂天經典 🇭🇰 將軍澳康城路1號The LOHAS 4樓415A號鋪 🇭🇰-🫖 新加坡風味套餐有AB兩個餐, 1-10位都適用, B餐可選擇既菜品靚料啲仲有蟹食🫖 其實呢個環境同地段來講佢單點都唔算貴, 不過見個餐咁多選擇又樣樣都啱食就揀左-🇸🇬星洲盛宴 新加坡風味套餐套餐B (包括螃蟹) $668/兩位✔️ 前菜小吃（四選一）✔️ 螃蟹（四選一）✔️ 熱炒（八選一）✔️ 粉麵飯（四選一）✔️ 甜品（二選一）✔️ 飲料（每位一杯）-🍤 前菜：椒鹽香酥鮮淮山💯淮山本身醃味唔太濃, 靠椒鹽, 辣椒, 薑粒吊味可突出淮山清甜-🦀 黃金焗螃蟹✨原隻蟹佈滿鹹蛋黃好鹹香但食完唔會頸渴果種, 蟹鉗啖啖肉真係好正, 剝出黎絲絲蟹肉-🐖 脆脆咕嚕肉💯脆就唔算話好脆😂 不過豬肉呈條狀有咬口, 夠肥份量又多, 炒得唔會太乾身-🍲 古早魚香老鼠粉煲✨勁好味! 質地係湯粉但岩岩收晒水, 所以食落好濕潤; 老鼠粉質地彈牙又夠滑; 魚香係鹹魚碎, 柑汁甜甜酸酸勁突出到鹹魚鮮味-🍮招牌酸柑香茅凍💯甜品只可二選一😭 其實都好想食清心丸綠豆爽, 但呢個香茅凍太特別又係招牌就揀左; 果凍好香香茅味, 酸柑再出場, 平衡返甜味, 仲有奇亞子同碎冰係面-🍋 檸檬薏米水✨清新唔甜! 薏米煲到腍晒但都好好咬, 檸檬甘甘地好fresh …查看更多

餐廳在日出康城都好有名既小炒,成日都大排長龍,所以今日就特突早d去食,輕鬆d,佢既小菜真係做得好出色,而且價錢都好親民,所以都好鐘意係度食飯。蝦味魚子蝦球炒飯(小) $78嘩,真心炒得好香、好有水準,而且魚子既口感令整個炒飯生色不少,每一口都有魚子既口感。脆脆咕嚕肉 $98依個真係現場食先食到咁脆既咕嚕肉,外賣就真係另外一回事了,而且佢既配菜都好足料,菠蘿、紅椒、洋蔥都好有心機整既。脆皮蝦醬雞翼 $98依個就真係必點啦,有8隻,而且每隻都炸得好香脆又好味,色香味俱全,係好香濃既蝦醬味道。蒜蓉炒西蘭花 $78家常便飯必有既菜色,完全係媽媽既味道,好正~最後,想讚依度既職員真係好細心,知道我地好想睇人溜冰,特突幫我地推一推張枱近d,真係唔會間間餐廳咁好既。欣賞~…查看更多

將軍澳康城宜家開咗幾間酒樓，但我一直都未有機會試晒咁多間🥲琴日同媽媽經過開《樂天經典》，見到佢原來唔單止有中菜提供，重有唔少好有南洋風味嘅小菜可以揀‼️於是我哋就坐低試吓啦♥️食物與其話佢係一間酒樓，我就覺得佢比較似連鎖式嘅私房菜🤭因為佢有好多唔同類型嘅小菜提供，例如：招牌蝦湯、炒蟹🦀️、泰式炒菜，當然唔少得一般酒樓食到嘅豆腐煲、蒸魚🐟等等椒鹽香酥鮮淮山 $60呢個炸淮山係出面比較少見🤤唔係咁鍾意食淮山嘅朋友都可以試吓，因為食落去一d都唔覺得係淮山嚟🤭脆脆咕嚕肉 $98個咕嚕肉炸得好香脆呀😍配埋個酸甜汁嚟送飯食真係好滋味💕馬來風光 $78個通菜炒得好惹味，好好食呀🌶️佢又唔係exactly泰國通菜個隻味，但總之就好得啦👍🏾蝦味魚子蝦球炒飯 （小）$78呢個飯炒得夠晒鑊氣，d米又粒粒分明，口感十足‼️想食飯嘅朋友可以叫嚟試吓😋椰汁西米湯圓 $38 + 招牌酸甘香茅凍 $36除咗主菜之外，《樂天經典》嘅甜品🍮都好出色wor☺️ 個椰汁西米糖水嘅甜度啱啱好，椰汁味都幾重，而個芝麻湯圓超級大嚿，皮薄餡大，正😍至於佢個招牌酸甘香茅凍嘅味道都好特別，上面係d冰沙，下面係d啫喱，配埋香茅同埋檸檬嘅酸味，好清新好fresh🌱如果你想食小菜，又想食d南洋湯麵🍜，嚟《樂天經典》就可以一次過滿足晒你2個願望啦😉…查看更多