羅東肉焿番

營業中

休息中

身為一個元朗人，已經留意左依間台式餐廳一段日子，適逢週末放工後終於約到朋友食個late lunch，一於一齊試下新野！當日三點幾嚟到門口都有人等緊位，睇黎係有啲料到🤣🤣 即刻睇睇餐牌先，簡單兩頁餐牌都包括左好多類型既食物 有台式主食、小食、招牌菜芋泥吐司同甜品～話晒人哋舖頭名都叫做羅東肉焿番，咁肉焿一定係必試啦！我哋叫咗1號餐有埋魯肉飯～另外芋泥吐司都係呢間店嘅招牌菜，所以都叫咗一份分享食，最後再加多一個小食同一個綜合芋圓做甜品🍮😋芋泥紫薯吐司一上菜真係哇咗一聲😱 芋泥加埋紫薯蓉多到好似就嚟迫爆個吐司，比我哋想像中嘅足料好多！兩個心急一影完相就即刻試食，咬落去果下啲芋泥多到喺兩邊吱出嚟🤣🤣🤣🤣 好澎湃！朋友本身以為澱粉質夾住澱粉質一定會好乾，但因為個芋泥做得好滑好綿，所以其實唔會有乾嘅感覺～仲食得出芋頭嘅香味😋😋 雖然呢個吐司好飽肚，但我覺得係必點嘅item，推！未食晒個吐司，熱食已經上菜啦～成個餐仲有杯冬瓜茶（或者揀無糖茶都得）滷肉飯係台灣味，個魯肉入邊加咗啲豆卜絲好索汁，撈飯一流！仲有我至愛嘅糖心蛋 ❤️肉焿湯係另一個我非常推介嘅食品，點菜嘅時候待應都有好細心咁問我哋要唔要走芫荽走辣

在港島長大的我，平時真的很少去新界地方食飯，但今次有朋友揸車，就一起去元朗這間網上大推厚吐司的台式餐廳～當天是星期六下午茶時間，門外已有不少客人等待進入，果然沒有來錯地方😝——————————🔹 一號羅東肉焿湯餐 $78我們本身都有食lunch，不算太肚餓，就叫了套餐share😋  羅東肉焿是這間的店名，當然要嚐嚐肉焿湯～第一次食這個，所以不知道是湯羹😂 裏面有些不少豬肉和竹筍，食起來脆脆的，很清爽🥰  加上本身有醋，會更加開胃！之前我食的魯肉飯，顏色會比較深，但這個賣相真的不太一樣🤭 正當我擔心會不會不夠味時，朋友就說好好食👅  雖然魯肉不太看到有肥肉，但食起來很香很多汁，還加入豆卜一起，會有爆汁的效果🤤 旁邊的溏心蛋，很香蛋味，外面食到甜甜的滷汁，正！🔸 古早味炸雞卷 $45朋友想試試炸雞卷，因為好像沒有看見其他台式餐廳有🧐  炸雞卷原來是由雞皮包着已調味和剁碎的雞肉而成，一咬下去會有很香的肉汁！越嚼越香口，太邪惡😋🔹 Oreo紫薯泥吐司 $46另外，我很想試試這裏的吐司，叫了Oreo和紫薯口味。吐司稍微烘過，脆脆的，Oreo和紫薯很搭，一齊吃會有有脆和軟的口感，很有趣☺️但整體不是

疫情爆發之後都好耐冇去過旅行有日同同事傾開話想去台灣食野住係元朗既同事即刻推薦羅東肉焿番羅東肉焿番原來係一間台灣過江龍台灣總店差不多有50年歷史而香港店鋪係獲得台灣特許經營由兩位香港人特登去到宜蘭學藝被傳授祖傳秘方同事話呢間餐廳長期排隊所以同朋友避開lunch hour大約三點半到餐廳門口都居然都仲有人龍可見真係好多人黎食係門口等左一陣就可以入座食物種類都幾多首先食左主打 魯肉飯配溏心蛋($29)同肉焿湯($47)魯肉肥而不膩 食落香口肉汁包住每一粒飯配上流心蛋一齊食 好味肉焿湯我係第一次食 所以比較唔到台灣味道個人覺得口感同味道都唔錯入面有好多肉 又加左旬真材實料飲品叫左古早冬瓜茶($15)同冬瓜檸檬($25)兩杯都好好飲冬瓜檸檬味道就清d fresh d然後到食我最期待既肉鬆芋泥吐司($40)肉鬆同芋泥比例1:1 味道平衡得好好芋泥好香滑 唔係好甜肉鬆既鹹味同芋泥既淡淡甜味相輔相承真係好好味最後食左個台灣腸收尾以為會普普通通點知個蒜蓉醬令到台灣腸既味道昇華左好多呢間餐廳真係好有驚喜下次會再黎試下芋圓

呢間台灣特色小店既午餐有一個飯麵連同兩個小食，便當形式，可以一次過食到多種款式，真的非常like，而且仲有all day breakfast！﹖類似成個小食拼盤咁，見menu 賣相好似好吸引，一於揀你。先叫左一個乾拌麵+鹽酥雞+花枝丸既餐，乾拌麵有台式肉燥同芫茜做配料，原本仲有辣醬，但係侍應細心話可以走辣同走芫茜，咁就淨係揀左唔辣。肉燥既汁同豬油配上較淡味既麵剛好，麵條呈波浪形，因為無湯，咁樣成碗其實都頗大份，感覺幾飽肚！鹽酥雞外皮鹹脆，花枝丸審埋果d 粉總係特別有風味…另一個餐係肉焿湯飯+士林腸+蝦卷，肉焿係餐廳主打，牆上都有加重本介紹，提到係每日朝早新鮮手工製成，果然味道唔錯，舊肉feel 到有少少係手打果隻彈牙，個湯如碗仔翅般起膠，已經加左少少醋，又帶點酸甜。d 飯較硬身，同肉焿湯一齊食會幾有咬口。士林腸油份幾高，蝦卷一條條，如果同花枝丸比較我覺得呢個好食d！餐廳仲promote 緊台式鐵板吐司，話係每日限量！趕緊叫一份。有三隻口味，揀左芋見紫薯，包住麵包張紙寫住"台灣手工美食"，實物d 醬重厚過塊包皮，而且係搽勻成塊麵包，唔係淨係得中間切開果一笪，足料得很過份，無論你點小心食，

Tonight I want to eat some Taiwanese food and we went to this restaurant in Yuen Long. The food is cheap and close to the price in Taiwan It made me think of the actual Taiwanese food in the night marketWe ordered 2sets and some side dishes , at the end we also ordered the dessert, the whole price is just around 200 and we both feel so satisfied and fullThe soup is amazing which taste so fresh but we can have the meat with fish and pork inside The dessert is great tooAll of the food are cheap wi

星期六落雨天來到大約等左半個鐘入座之前店舖在又新街時外賣食過魯肉飯一次 但沒試過坐低食其他菜式 和朋友二人點左個魯肉飯套餐有魯肉飯肉焿湯同冬瓜茶 魯肉飯好多汁好好送飯 肥肉不多 同平時食既魯肉飯好唔同 肉焿湯係第一次試 有點似碗仔手但入面底原來有醋 大家記得要搞勻先飲 搞勻後有d似酸辣湯 入面既肉好入味 正 綜合丸湯好清淡 無咩特別 溏心蛋追加多一隻都係11蚊 幾抵食滿心期待牛奶麻糬見佢話用北海道3.6牛奶做 但放入口係完全係牛奶味 而且只係一大粒無餡既湯圓咁樣既口感 一d都唔好食 幾伏下 好在叫左單味 如果雙味仲有成6粒咁多 🤨🤨

已經幫襯過幾次，每次食都keep住驚喜🤩事關今次終於食左招牌魯肉飯&肉焿湯啦.魯肉飯之前食過魯肉拌麵，已經覺得d肉燥好好味，肥膏唔多，滷汁份量剛好，今次撈飯食仲開胃😆伴碟有半隻溏心蛋，味道不錯，但如果蛋黃再流心d就好🤘🏻.肉焿湯本來以為係普通湯加幾舊肉，但食落味道幾有層次～個湯口感似羮，濃濃稠稠，d肉本身帶酸酸甜甜，加埋芫茜香蔥，成件事好似飲緊濃縮版碗仔翅🤣食幾啖飯再飲返啖湯，成個感覺perfect池～.燒麻糬甜品點少得我最愛既麻糬！即叫即燒，表層既配料簡直一絕綜合口味有3隻味，一碟六舊～紫薯味一d都唔假，芝麻夠香，朱古力有d半熔咁食最正！.整體黎講呢間小店既菜式都無令我失望過，價錢又合理～非常支持💪🏼

—好耐冇嚟食過 以前係畀咗錢之後等嘢食而家係食完先出去畀錢雖然鋪頭唔大 但係枱櫈都夠闊夠大 等食客可舒服地用餐1號餐($66)另+$8轉大飯包括魯肉飯(小)+肉焿湯+冷泡高山茶肥瘦得宜嘅肉粒同吸哂魯肉汁嘅豆卜撈埋粒粒分明且飽滿嘅白飯濃淡適中唔油膩 好快就已經清哂大約有5-6塊肉焿 幾彈牙 湯底稠身 仲有芫荽 竹筍 麻油 辣椒醬提升味道層次乾伴麵($35)麵身煙靭 撈埋滿滿肉碎同辣椒醬一齊食冰烤地瓜($20)甜甜的同好透心涼 適合夏天食————————————————————羅東肉焿番元朗鳳翔路69號建輝大廈地下5號舖