旺角海鮮菜館

朋友生日希望食海鮮，過去幾次去西貢食都覺得水準下降，興記同竹家莊嗰啲又食過，今年就試吓搵間酒樓食。OpenRice見到旺角海鮮酒家，睇相覺得幾有feel，細細間專做海鮮，地點又勁方便喺Moko 5分鐘路程，即管試吓。見到有幾個負評，話蜆有沙同服務差，琴晚嘅體驗真係完全冇喎；服務勁friendly，係有傾有講嗰隻，係一個好開心嘅飯局，所以我都的起心肝寫個食評為佢哋平反吓😆我哋6個大人叫咗6人餐，份量好足夠，味道方面中上，絕對係可以回頭嘅餐廳👍🏻WhatsApp訂位時，我問有冇壽桃同價錢，老闆知道係生日飯就慷慨話贈送，仲要唔係迷你嗰啲，呢啲訂位過程都令我覺得呢間餐廳幾有人情味，唔係連鎖嗰啲機械式操作😇…Read More

朋友長期住外國, 今次返香港我同佢食海鮮。我哋係旺角行完街就去左一間海鮮菜館食飯。我哋叫左一個二人套餐, 前菜有白灼魷魚和白灼韭菜花, 魷魚爽口彈牙, 韭菜花鮮嫩, 食落鮮甜。套餐有兩款湯選擇, 我哋揀左杏汁花膠豬肺湯, 杏汁味好濃, 味道清甜, 十分滋潤。蒜蓉粉絲蒸元貝, 元貝好大粒, 粉絲吸收晒湯汁, 十分惹味。 豆豉果皮蒸鮑魚, 果皮味好香, 鮑魚好新鮮食落彈牙爽口。油浸虎杉斑, 魚肉嫩滑, 時間控制得好, 食落好鮮美。食物整體來講都好新鮮, 朋友食得好開心, 唔使去西貢都可以食到海鮮, 十分方便。…Read More

我地大約10點左右到達餐廳，雖然有海鮮宵夜餐，不過今次決定散叫，海鮮單叫既價錢唔算貴👍🏻裝潢有一定程度既懷舊感，證明餐廳實力強大，係旺角咁多年仍然屹立不倒🙇🏻- 杏汁菜膽白肺湯杏汁既味道好突出，材料豐富，無論豬肺定白菜都好多件，非常足料。- 胡椒豬肚雞湯雞肉唔算好嫩滑，不過豬肚入口滑嫩，湯頭充滿層次感。- 油浸魚油浸唔單止令魚肉更嫩滑，仲可以最大程度咁保存魚嘅鮮味。餐廳用左虎衫斑，非常厚肉，油浸過後魚皮非常酥脆，魚肉真係好嫩滑。- 翡翠金沙蝦球蝦球既炸皮幾薄，每一寸都被鹹蛋黃包圍住，非常惹味。另外仲有爽脆既西蘭花。- 旺角一品炒飯飯粒炒得粒粒分明而且唔油膩，份量真係好大，我同朋友一人起碼三碗以上，食完之後真係飽到上心口🤣油浸魚第一次食令我印象深刻，其他菜式份量大味道好，值得encore🔥…Read More

上星期日家庭樂，同咗屋企人去呢間位於旺角比較隱世嘅中菜館食晚餐。內裡環境有啲似懷舊嘅酒樓格局，門口位仲養住好多生猛海鮮，唔食返餐海鮮大餐對唔住自己🤤🌟 四人海鮮餐 $298/位據聞呢個套餐係呢度嘅高CP之選，人均$300左右就可以食咁多道餸，最緊要有海鮮食😆✨ 旺角六小福前菜係由六樣白灼嘅菜式揀四樣，我哋分別揀咗韭菜花、水魷魚、鮮粉腸同埋海蜇絲。當中最鍾意食嘅係海蜇絲，非常之爽口入味，店家仲會提供埋辣椒豉油，幾惹味！相比起胡椒豬肚雞湯，我哋都偏向飲啲清淡少少嘅湯，所以揀咗杏汁豬肺湯😗 佢個湯杏汁味都重，同埋帶少少清甜，而且每碗湯嘅料好多，非常真材實料！嚟到長輩們至愛嘅豆豉果皮蒸鮑魚，鮑魚用上南非鮑，食落較爽口彈牙，但又唔會太過靭，滿滿嘅豆豉同果皮瞬間增加咗鮑魚嘅鮮味😋嚟到我最愛嘅菜式😚 粉絲份量好多，再加上滿滿嘅蒜蓉，超級入味✨ 而元貝幾大粒下，蒸得剛好，食落好鮮甜，配埋蒜蓉一齊食更惹味🤤我哋見加$100就有龍蝦食，於是就轉左呢個粉絲煲！粉絲同樣好似唔使錢咁落好多，食落帶有白胡椒嘅香味，而龍蝦則炒到好有鑊氣😋 咁啱食到隻箝，啖啖肉，好鮮味！雖然只係得一人一隻，但就咁睇相都知隻蝦有幾大隻😝 外皮夠薄，炸到好脆，而且充滿住蛋黃香！而蝦身好結實，爽口彈牙，最緊要係真係好大隻😎 如果佢啲蛋黃流心啲就更加正！除咗靚海鮮之外，仲有隻霸王雞🐥 雞肉好嫩滑，完全唔鞋，加上勁多蔥絲，可以減低油膩度，如果啲雞再入味啲就perfect啦！雖然食到好飽，但係甜品係另一個胃！綠豆沙入面綠豆都唔少，煲到幾腍身下，係綿綿哋嘅口感，甜度適中，為呢一頓晚飯做一個完美嘅終結。總括而言，今餐非常豐盛，啲海鮮新鮮生猛，而且價錢合理，想食嘅朋友仔記住啦，星期日至四先有呢個套餐㗎咋😉…Read More

[#旺角海鮮]  / 鬧市中親民價海鮮@旺角海鮮菜館 / 講女搵食團  = = = = = = = = = = = = = = =總括💬：旺家老字號菜館，海鮮食材新鮮，多款套餐選擇，價錢親民，鑊氣十足。味道：★★★★★ | 抵食：★★★★☆環境：★★★★☆ | 服務：★★★★☆ ————————————————有時2個人想食海鮮都尷尬，只可以叫2-3款，食唔到太多。今次同親愛的去了旺角「旺角海鮮菜館」，餐牌就有好多套餐選擇，由2人起就有，我地2個人叫了《至尊二人海鮮餐》，人頭埋單都是$400 個頭，有齊前菜、海鮮主菜、原條蒸魚、甜品，可以食到好幾款海鮮。————————————————前菜 - 旺角二小福(六選二)：簡單白灼，突出食材原有鮮美。點了「白灼水魷魚」同「白灼鮮粉腸」。水魷魚爽口；味道鮮美，充滿油潤甘香。————————————————蒜蓉粉絲大元貝：肉厚鮮味，粉絲吸盡蒜香。————————————————酥炸美國桶蠔：蠔肉鮮甜，外表炸粉厚薄啱啱好，入口脆口酥香，唔會一口粉。不過一份2隻桶蠔，Size相差有D遠。————————————————豉汁炒大蜆：香濃豉汁味，每粒蜆肉大大粒，鮮味十足。————————————————清蒸虎杉斑：原條蒸魚，配上勁多青蔥，入口肉質嫩滑，啖啖鮮甜魚味。————————————————翡翠金沙蝦球：蝦肉爽口彈牙，金沙咸香惹味。————————————————精美甜品：最後整返碗木瓜雪耳糖水，清清地潤一潤。————————————————─ 𝑀𝑜𝑟𝑒 𝐼𝑛𝑓𝑜𝑟𝑚𝑎𝑡𝑖𝑜𝑛 ─📍 旺角海鮮菜館 網址: https://s.openrice.com/QrbS02JK800~uEWuIAw 地址: 旺角洗衣街153號地舖 電話: 23952883————————————————#旺角 #旺角海鮮菜館 #海鮮小菜 #𝑚𝑠𝐶𝑎𝑚𝑚𝑦𝐹𝑜𝑜𝑑 #講女搵食團 #FindEatCouple…Read More

平時食海鮮都會入西貢或者去鯉魚門，之前朋友推介呢間，話呢到啲海鮮中新鮮過西貢，抵食過鯉魚門，所以決定一試！今次我哋揀咗$888至尊二人龍蝦套餐，包左多款主打菜，有齊龍蝦帶子鮑魚，即叫即撈即劏即整。本人最愛飲湯，呢度嘅杏汁菜膽豬肺湯，清甜湯水香濃杏汁，入口即溶豬肺，仲有埋花膠。旺角二小福，我哋就揀咗白灼鮮豬脷同白灼鮮粉腸。 佢個豬脷配埋佢呢度自家制嘅辣椒油，麻香微辣。鮮粉腸比較粉同埋多油脂，呢個點辣椒豉油食正d，但個人比較偏好爽口嘅內臟。鮑魚夠爽口，清酒味唔會好重，醬汁甜甜地。用左成隻波士頓龍蝦，肉質新鮮淡淡結實龍蝦肉，配搭粉絲同白胡椒炒，微辣滋味。蒜蓉粉絲蒸大元貝，粉絲比較爽口，蒜蓉提香元貝鮮味。咸蛋黃流沙醬配炸蝦球，蝦球超級新鮮，爽滑彈牙，外脆口內彈口。最後就系甜品，今日系芝麻糊，但系比係甜，冚左芝麻香。🥢整體來講推介如果想食新鮮海鮮，人均消費對得住性價比。…Read More