牛站(駅)麻辣火鍋放題

今日有同事發起食這間火鍋放題，原來它不衹有自助火鍋放題，也有午市定量火鍋。午市定量火鍋包：一次性指定肉類，有六款肉類任選一款，有豬，羊，牛等，最平$88。每人一鍋湯底，有十款湯底任選一款，有香辣沙嗲鍋，椰子雞鍋，胡椒豬肚鍋等等。任食自助火鍋料，有各式丸子，菜類，前菜，水果等多款選擇，食材新鮮但不包甜品。飲品1枝，有冷泡茶，汽水等十數款選擇。時限75分鐘，另有加一收費。驚喜1，湯底好足料，湯味濃郁，正驚喜2，估唔到定量餐的肉類又靚又大碟，份量對得起這價錢最後我們都食得好飽好滿足，雖然自助火鍋放題可以食4個鐘真的好抵，但不適合我們要返工的人，所以定量餐對我們來說已經好滿足了…查看更多

自己大概兩個零月就會食一次牛大人，雖然佢比啱啱開業果陣遜色左少少，但都依然叫好味抵食，所以無特登搵其他台式放題。有次午餐時間經過尖沙咀牛駅，見到門口有一堆等位嘅客人😯，望完個餐牌，$208可以食到SRF牛，另外星期一至五2:00後入座全單88折，加上網上食評話佢個麻辣湯底出色，而且可以媲美牛大人!! 🙉嘩，講到咁，唔係唔試嘛?!提提大家，記得去官網Book枱，避免無位。湯底我加左$48要招牌麻辣拼椰子雞鴛鴦鍋。識食嘅人一定先試個湯，老實講我同朋友都有點小失望😅；之前食過台灣無老鍋嘅麻辣湯，湯底香甜得嚟又唔會過辣，但呢度嘅麻辣湯一陣藥膳味，辣得嚟又唔甜，完全兩回事🤔。至於椰子雞湯椰香好淡，要烚菜、芋絲呢d本身無乜味嘅食材先食得出椰香，椰味最多係四季椰子雞嘅一半濃度。SRF美國極黑肩胛肉眼餐 $208第1 round嘅牛肉真係好靚😃，雖然係肩胛部位，但有牛香之餘肉質亦唔鞋；可惜之後全部都變哂樣…牛味同肉質明顯變差。巴西牛脷托喺無乜肉類嘅選擇情況下，可以試😅。美國豬梅肉片無豬味，而且肉質偏實、偏鞋，可以唔洗試。豬雪花肉片(圖中白色果片)其實係豬頸肉，爽口有豬香。手打蝦滑雖然稱唔上彈牙，但真材實料，有蝦味、亦食到蝦仁；手打墨魚滑都唔錯，內有大大粒墨魚肉增添口感同提味，兩款滑類每款我起碼叫左5條!!!😋秘製滷牛筋同滷金錢肚(圖中淺啡色兩件)望個樣唔似滷過😐，而且好硬，需要煮一段時間。食落無滷水味，佢個秘製滷水汁真係好耐人尋味😂鬆脆響鈴唔脆，建議食炸魚皮好過食響鈴。炸芋頭好有芋香而且好粉，不過切成薄片，好易煮散。自助區炸物小食當日只有正常味道嘅一口台灣腸，同埋淋左嘅鹽酥雞。冷盤當日有7款，個人覺得比較好嘅係麻辣豬脷，有麻香又唔會好辣，係一款唔錯嘅小食。火鍋配料仲有雜丸、幾款菜(特別D有水蓮、雨衣甘藍)、薯仔、淮山、豆製品等三十幾款供選擇。最後仲有小布甸、即唧朱古力軟雪糕、雪葩等甜品。我幾中意呢度個醬料區有平時港式火鍋較為少見嘅醬料，如XO醬、炸蔥頭油同腐乳醬，芫茜同蔥香望個樣都新鮮👍。食後感：我覺得牛大人依然係我心目中台式火鍋放題嘅首選，雖然比以前遜色左，但無論湯底、牛嘅質素、小食嘅熱度、滑類嘅款式、就連冷泡茶嘅濃度，都比較合我心意。…查看更多

今日放假可以食個長lunch, 同朋友挑戰呢度午市放題，胃口唔太大，試試最基本嘅138 肩胛肉餐。椰子雞鍋好足料，好多雞肉同椰子肉，麻辣香味濃郁，麻味突出，必試湯底！牛肩胛，牛舌芯，豬梅肉質素好好，肉味香，新鮮，配麻辣湯超滋味。豬梅肉好彈牙，好香豬肉味。牛肩胛配麻辣湯，無得輸！竟然有清酒梅酒任飲，愛酒人士福音配料選擇好多，而且質素唔錯，唔小心真係會好快食飽左抹茶雪糕香滑，食完火鍋要cool down 下竟然有榴槤雪條任拎，味道唔錯，有榴槤香味，無咩好重香精嘅感覺。湯底選擇都幾多，食多幾次都唔會厭。性價比超強！係可以翻兜嘅火鍋放題之選。…查看更多