地中海休閒餐廳

地中海休閒餐廳是一間位於浸會大學校園內的西餐廳，因為屬於大學範圍，可以想像主要對象為附近師生，所以定價都非常親民，人均消費約二百元已經有齊餐湯、麵包、主菜和餐茶。店面幾大，可容納近百食客，環境光猛闊落，適合家庭或一大班朋友聚會。餐廳提供頭盤、小吃、主菜、漢堡、薄餅和飯麵，其中主吃大部份都是百多元有交易，全便宜加$38已經可以轉套餐有餐湯和餐茶，想豐富一點，也可以再加一點錢要頭盤。餐前麵包麵包烘過上枱時仍有暖意，入口鬆軟帶麵包香，塗點牛油已經很好味。餐湯主菜加$68就有餐湯、頭盤和餐茶，是日餐湯為味噌豆腐湯，味道偏鹹。凱撒沙律羅馬生菜新鮮爽脆，上面有煙肉碎、麵包粒和芝士碎，如果凱撒醬再多一點更好。美國安格斯頂級牛腹肉($168)牛腹肉有９安士，份量不多不少剛剛好，旁邊還伴有沙律和薯條。牛腹肉我點了五成熟，熟成度準確，入口軟嫩沒有筋，醬汁不會太多掩蓋了牛腹肉的原味香煎三文魚大蒜忌廉汁意大利飯($168)意大利飯份量不算多，兩個人分吃剛剛好。雖然三文魚只有三小塊，但意大利飯有咬口得來不會太硬，醬汁不會過多，味道不錯。左: 荔枝乳酪(加$16)右: 菠蘿乳酪(加$16)兩款乳酪都飲得出水果原有的味道，味道清甜怡人。總結，食物中規中舉，勝在價錢親民，座位亦闊落，路過都值得一試。…查看更多

以前上學常食，餐廳還上了雜誌，經常看見有人特登來吃，學生時期都是吃午餐，一直沒有嚐嚐它的晚餐，今天帶另一半重遊舊地找回下學生回憶。環境位於浸會大學新樓那邊，不熟浸會大學的人應該要花點時間找路。餐廳是開放式廚房，設計有點水手風格，環境大、寬敞，坐位舒服。餐包熱辣辣仲焗到好脆口。美國安格斯頂級牛腹肉 $168+$68有餐湯、升級頭盤及餐飲。是日餐湯是馬賽魚忌廉湯，最初以為是蘑菇龍蝦湯，味道有點像，但味道偏鹹，建議加點黑胡椒再喝。頭盤是「三文魚他他.藜麥.黑魚子.印度脆餅」，驟眼看以為是蟹餅，很少見西餐廳會將三文魚整圓柱形狀上菜，通常是蟹肉/吞拿魚才會，所搭配的應該是千島醬，酸酸的加上三文魚口感挺開胃。主角是牛腹肉，挺幾大份，可挑熟成度，要了五成，肉質挺鬆軟，不韌，牛味也挺重，不錯。軟殼蟹黑蒜忌廉意大利飯 $158加$38要餐湯及餐飲。黑蒜配忌廉意大利飯第一次見，顏色偏黑黃，再配上軟殼蟹，少見的意大利飯款式。意大利飯做到QQ咬口，我覺得正宗意大利飯的咬口要像薏米，這裡做到，而黑蒜特濃厚，完全就是黑蒜油的味道，十分突出，所以真的挺鹹，要看個人口味。Lychee Foam Yogurt +$10酸酸甜甜，清新解膩，西餐廳既特飲加$10價錢算抵飲。Iced Butterfly Pea Latte +$16蝶豆花加入咖啡唔知會點？不過蝶豆花其實本身都冇乜特別既味，飲落去都係普能Latte，甜度較低。總括而言，好耐冇嚟食，中午通常都係食意粉、漢堡包，今次嚟試佢既牛肉同Risotto，食物都偏濃味啲，淡口味既人可以試下Pizza, Burger類。附：餐牌參考…查看更多

位於浸大吳多泰博士國際中心地下，餐廳好寬闊，坐得又舒服😀----------軟殼蟹黑蒜忌廉汁意大利飯 $158軟殼蟹炸得好脆，而且幾大隻，又多肉😍意大利飯既軟硬度煮得岩岩好，黑蒜味幾重幾入味，所以鍾意食蒜既朋友就岩曬啦😂好鍾意佢係意大利飯入面加左啲露荀，食食下煙煙韌韌既意大利飯又可以有少少爽口既露荀增加口感同清甜味😊美國安格斯頂級牛腹肉 9oz $168依家做緊精選牛扒優惠，梗係嗌黎食下啦😁平時西冷同肉眼食得多，今次揀左牛腹肉🐂侍應建議5成熟，食落冇乜筯🙂薯菜係薯條同沙律菜🌱意式雜菜湯 及咖啡/茶 +$38雜菜湯帶少少辣，完全接受唔倒辣既朋友就唔好嗌啦❗三文魚他他 及咖啡/茶 +$48綿羊特別鍾意呢個頭盤，幾多食材元素😃底層係藜麥，味道偏淡，連埋三文魚他他同鹹鹹地既醬汁好夾，面頭仲有黑魚子同印度脆餅，口感特別豐富😋麵包落左單冇耐就到，麵包暖暖地，有翻熱過👍芝麻包既芝麻份量都幾多，好香😆----------*設加一服務費*浸大職員/學生九折優惠…查看更多

聽閒係浸會大學附近有間西餐廳環境優雅同有得食牛排🥩，一邊滿足我想食牛排一邊可以打卡既欲望🙈，除此之外，依到大家食野都比較安靜，好啱拍拖約會😍當然價錢就係中上，但拍拖約會食就好有格調。南瓜湯湯唔結身，調味上有别於平時食開既南瓜湯，多左口感，唔會話得好濃既南瓜味，偏向清甜，上菜果時會見到表面好似類似油質油既調味汁，又多左一種口感，想食下其他味既南瓜湯可以試下。63·C溫泉蛋配松露忌廉汁炒雜菌溫泉蛋好滑，可見烹調冇失誤，至於平時黑松露既食品都好味，依個松露就都出，我地將溫泉蛋同雜菌溝入忌廉汁覺得好夾到，幾好味，好快就食完。美國安格斯頂級牛腹肉牛腹肉叫左五成熟，口感適中，配搭餐廳自創既醬，酸酸甜甜咁。圖片同真實係一樣，薯條就不過不失。我覺得可以兩個人一齊食，因為肉都厚，一個人食哂就會好飽。軟殼蟹黑蒜忌廉汁意大利飯口感特別，味道有好濃既忌廉汁同奶味，飯本身係偏結身，所以食落就好豐富到味覺。至於軟殼蟹就好大隻下，肉質偏淋，好易入囗，味道而本身蟹肉味為主。依個都係如果一個人食哂都會好飽下…查看更多

約左個朋友食飯, 一早已經搵定餐廳, 費事等位丫嘛估唔到無意中就BOOK到呢間位於浸大裡面既餐廳距離地鐵站大概10分鐘路程左右, 唔算好遠位於大學裡面既餐廳比人既感覺一向都係快餐式同茶記FEEL D今次呢間地中海休閒餐廳真係改變左我既諗法混色既木地板以及木製枱凳, 簡單又好睇食物以西式為主, 有頭盤, 小食, PIZZA, STEAK, PASTA, RISOTTO, BURGER選擇既種類都好多落單後都會上面包先, 面包好鬆軟, 唔錯頭盤: 三文魚他他 $88三文魚他他用左藜麥墊底, 個面仲加左黑魚子, 個他他醬幾好味, 連埋爽口藜麥一齊食, 食落好清新小食: 黃金炸魷魚 $68咸蛋黃味幾香, 用左沙律菜墊底解膩, 魷魚唔會一陣雪藏味同唔會韌, 幾好味主菜: 軟殼蟹黑蒜忌廉汁意大利飯 $158有原隻酥炸既軟殼蟹, 個蟹仲有羔架, 但驚喜既地方係個黑蒜忌廉汁估唔到忌廉汁配黑蒜個味道係咁香咁夾美國安格斯頂級牛腹肉 $168牛腹肉出面都較少地方食到, 肉味好香, 仲食到grill既味道配埋厚切既薯條, 幾出色飲品方面除左普通既奶茶咖啡, 我就加錢轉左杯lychee foam yogurt清甜既荔枝味加埋乳酸, 清新又解渴去九龍塘食飯唔好只係去又一城啦, 試下呢間地中海休閒餐廳啦…查看更多