四寶食堂

營業中

休息中

四寶食堂無論係早午晚下午茶定宵夜嚟到，都一樣好多野食。個人認為如果係銅鑼灣返工，呢度一定係個搵食嘅好地方。位於謝斐道既四寶位置方便，一啲都唔難去。而且鋪頭唔細，人手亦非常充裕，每次黎都見到好多員工。呢日係晚餐時間黎到，餐廳做好防疫措施每枱只能坐兩人。朋友話佢哋嘅食物唔會即時有得上枱，因為佢哋都係即叫即整。-🍴炸魚薯角份量非常大，炸魚表皮略嫌少少過燶，但切開魚柳十分Juicy，唔會又林又梅，證明食材新鮮。薯角應該落咗少少辣椒粉醃過，熱辣辣食惹味又香口。-🍴西冷牛扒細心地切件上，肉質煎得軟腍剛剛好。配菜仲有原個蒜頭煎香伴碟，切少少配牛扒食非常合襯。仲有薯角無諗到會係另外一碟上，份量超多。-🍴呢個沙律大推，水牛芝士每塊都厚切，芝士味香濃。蕃茄新鮮香甜，陳年黑醋汁食後回甘，幾樣食材加埋夾到不得了。-四寶即得推介嘅地方一定係佢每樣食物都份量極大，即叫即做同款類繁多。重點係銅鑼灣黎講唔算太貴，推薦。但有時人多店內會比較嘈雜，不過係茶餐廳，始終都理解。

同男朋友喺Apple Store整完電話之後就上網搵下有咩食，見到有間好多人讚一間有花牆嘅茶記，作為港女嘅我，當然要去試下！一入去就即刻覺得四寶食堂有啲似cafe，有雲石枱又有花牆，真係唔係平時一般嘅茶記。四寶嘅食物選擇都幾多，除咗有一般嘅茶餐，仲有好多比較西式嘅選擇，好似燒春雞同扒。小食我哋食咗泰式檳檸雞鎚，呢個大推！雞鎚熱辣辣送上，仲要起曬肉，方便食客，真係好細心。重點係雞鎚有泰式風味，有香茅味，點埋泰式甜酸醬，真係好好味！主菜我叫咗招牌推介嘅喜哥蔥油豬扒煎蛋飯。我好鍾意蔥油配豬扒呢個配搭，呢到嘅蔥油同豬扒絕不欺場，豬扒好大塊，仲有好多蔥油。豬扒兩面都煎得香脆，煎蛋個蛋黃仲係流心，白飯配上豬扒，蛋黃同蔥油，真係冇得彈！男朋友食咗幾啖都讚唔錯！男朋友係食肉獸，叫咗個特選美國厚切西冷配陳年黑醋汁。特別嘅係侍應會問你想幾成熟，真係好細心。我哋要咗七成熟，肉質唔錯而且幾有肉味，絕對唔係一般茶記嘅貨色。另一驚喜係個配菜—炸薯角，厚切熱辣辣，好惹味，我食咗一半有多！飲品方面，我試咗大家推介嘅朱古力雪山，朱古力味濃，配埋啲奶油好滑，唔會好甜，真係值得一試。男朋友就要咗，佢話都好足料，薑同檸檬嘅味