Coti the Bistro (企業廣場)

營業中

休息中

假日想去cafe往往都大排長龍，友人介紹到九龍灣企業廣場Coti，可能位置不近港鐵站，人流的確較少，唔洗限時趕住走。襲餐廳環境優雅，美食選擇多，慢慢歎下先個brunch都幾開心。是日餐湯 $0是日餐湯為羅宋湯，湯料有椰菜、紅蘿蔔及西芹，味道夠晒濃，不過有點偏咸。 龍蝦汁虎蝦意大利粉 $128虎蝦兩隻大隻，肉質結實新鮮彈牙，意大利粉份量十足，索晒龍蝦汁有濃郁蝦香，意粉較粗身，仲有翠肉瓜車厘茄少量配料，味道唔錯。雜錦海鮮併盤配龍蝦汁 $158有2隻青口、虎蝦、龍脷柳、2粒帶子，配上龍蝦汁，仲有沙律菜併碟。虎蝦大隻夠厚肉而且去埋蝦腸，帶子煎過唔會太生，青口肉不算大每人一粒淺嘗而已。提拉米蘇窩夫 $88窩夫2片，好香牛油味，質地少少煙韌。旁邊有一杯timramisu，好香濃的咖啡味，食晒成杯都唔覺得好甜，底部比較稀，用窩夫沾黎食一流。 是日精選蛋糕 $32心思思點埋是日精選的芝士蛋糕，它不是紐約芝士般濃郁較實的那種，淡淡芝士較易入口，沒有太膩的感覺。 奶醬啡 $48唔係度度有奶醬啡供應，心林會唔會好甜呢，幸好擔心是多餘的，鮮奶、花生醬同咖啡既份量剛好，杯邊仲有花生碎增加層次，奶醬啡只限熱飲供應

呢間西餐平日午膳時間都好多人排隊，都冇乜機會試。 今日晚餐黎到，門面佈置係簡單cafe小清新風格，牆上都有幾幅畫去點綴下氣氛，唔似普通工業區餐廳Dinner set都有好多選擇，由麵包、飯、意粉、沙律同扒類都有，滿足到小奢華既要求。 蟹肉藜麥沙律靚料都係落少少去吊一吊沙律既單調味道，用胡麻醬都幾有趣。生果topping最清爽，食完開哂胃。 餐湯是日餐湯係羅宋湯，湯料好充足，有好幾舊牛肉。飲飲下仲會有薯仔煲融成蓉既感覺，口感不錯。 黃金蟹肉闊條麵一黎到都覺得誠意滿滿，見到一大舊咸蛋黃係頂，旁邊有不少蟹肉包圍四周，仲有兩條蟹柳藏係麵條中間。醬汁算煮得ok，輕輕一拌就可以掛上麵條入口。雖然份量唔大，但食完都會有少少滯脹感。 燉牛肋骨飯肉同飯既比例接近1比1，幾適合食肉獸人士幫襯。牛肉都燉得好軟爛，入口咬兩下已經散出濃厚牛味，有3分1都係油脂位，食落比較覺得肥膩。旁邊配菜都有入到味，食菜平衡返罪惡感。但白蘿蔔同紅蘿蔔明顯煮得太耐，冇哂清甜味道，好咸仲有少少苦，仲有改進空間。 玫瑰普洱冷泡茶主就係普洱茶味，將上面粒細細玫瑰花蕾攪混後會有淡淡花香滲出，幾適合消滯。 冷壓橙汁比普通橙汁冇咁甜，多咗種

二月有次響九龍灣行去mega box，途經呢個廣場，響openrice見到想試吓，點知上到去無開，摸門釘。今次星期六下午又係去mega box，唔想成日食大商場連鎖嘢，今次打去問，有開了，不過話得假日餐牌。嗌咗個牛油果軟殼蟹漢堡，上網見好多人食個黃金蟹肉意粉，但餐牌又無，一場黎到好想試，問店員佢話可以加錢做俾我地。先來一碗餐湯，係羅宋湯，夠濃郁。之後就到友人期待的黃金蟹肉意粉，同想像中有啲出入，蟹肉得少少，咸蛋黃味好重，忌廉汁濃郁，不過不失。牛油果同軟殼蟹我都好鐘意食，牛油果軟身夠熟，但個軟殼蟹有陣腥味，有啲啲失望。薯條香脆，漢堡個醬都好味。唔記得咗幾錢，大概每人100，無叫飲品，見佢啲咖啡都幾吸引。食完落電梯見到地鐵慳$2機，嘟埋。

前幾日放假去咗呢間西餐廳食lunch。餐廳座位唔多，但坐得舒服。所有Lunch套餐跟湯同飲品。我揀咗羅宋湯，酸酸甜甜，湯料好足，味道濃郁，好開胃。明太子鰻魚意粉 $82可以見到厚切鰻魚分為三塊，方便易食。外脆內嫩嘅鰻魚上有微甜醬汁，分外香口。意粉份量適中，頗有彈性，配上明太子醬汁，食落口感濃稠，味道咸鮮。另外一個係蕃茄炸雞班戟 $82熱辣辣又脆卜卜嘅炸雞淋上甜醬，估唔到配班戟又幾夾，份量都幾多，食得好滿足。

星期六的晚上到九龍灣企業廣場一期一樓的Coti the Bistro 吃晚飯， 之前在新蒲崗分店吃過一次， 食物味道唔錯。 九龍灣分店環境舒適， 位置比較清幽， 雖然餐廳人流也不少，但相比起商場裏的餐廳就食得比較輕鬆。 晚餐有白酒煮紐西蘭青口半份$195、原條鰻魚漢堡$82、 法式燉煮羊膝$128、 棉花糖朱古力$12、 果皮冰糖檸檬冷泡茶$12。羅宋湯～ 羅宋湯酸酸地， 很開胃。沙律～ 有新鮮的沙律菜和西柚， 很清新的感覺。白酒煮紐西蘭青口半份～帶有陣陣酒香，加上香濃忌廉和新鮮的青口， 再來一塊香脆的蒜蓉包，味道十分配合。原條鰻魚漢堡～ 牛肉漢堡就食得多，第一次試下鰻魚漢堡， 鰻魚肉質厚身， 入口啖啖肉又肥美，估唔到同漢堡幾夾， 還有我最愛的粗生薯條， 份量剛剛好不會太多，香脆好味。法式燉煮羊膝～ 柔軟多汁的羊膝， 氣味濃郁卻不羶， 意粉口感不會太淋，正！棉花糖朱古力～ 上次在新蒲崗分店飲過一次特別喜歡，所以今次再點， 朱古力味依然香濃。果皮冰糖檸檬冷泡茶～ 檸檬茶加了果皮，一入口即可感覺出來，酸度適中且沒有苦澀味，香氣十足。餐廳環境舒適， 食物有水準， 可惜今次晚上來沒有飲這裏的咖