椰小盅燉湯專門店 (已結業)

星期六沿茶果嶺道散步去到麗港城，呢頭主要得連鎖餐廳，不過仲有一間小店叫「椰小盅燉湯專門店」。椰小盅喺太子未成名之前，我已經幫襯過😊，但自從轉工後就未有機會一嚐。藍田店嘅面積比太子店更細，堂食座位只得十個左右，所以有唔少街坊都係嚟買外賣🥡。舖內有個電視不停播住飲食訪問，令我哋知道椰小盅嘅製作過程。餐廳當然主打燉湯，分為燉盅湯同椰小盅燉湯，餐牌款式超過十款，但實際上可能有部份售罄，所以要參考返舖內木牌。🍱燉湯定價由$50至$80不等，價錢都唔平，不過升級做套餐感覺又抵返啲。蟲草花幹貝土雞燉鮮鮑椰小盅($80)，功效係平肝固腎，提升免疫力。🥥椰小盅即係以椰子作為器皿，將椰水倒出後，再加入食材燉製四個鐘。呢款湯肉味濃郁，滲出椰子香，入面有鮑魚、土雞同蟲草花，全部都好食。織金竹笙烏雞椰小盅($66)，功效係益氣養血，美容養顏。呢款可算係招牌湯，入面有大大塊竹笙同其貌不揚嘅烏雞🐔，再加埋紅棗同杞子，所以味道份外清甜，但肉味就比另一款淡。題外話，烏雞湯所用嘅椰子殼無鮮鮑湯嗰個咁大，原來有分別。自滷牛腿肉(+$23套餐)，🥩滷水牛𦟌有五至六塊，肉質軟稔，滷水鹹香恰到好處，不過由於偏薄，口感爭少少。上網

🕖時段-星期五夜晚7點前到唔多人 餐廳只有幾枱 應該主要做街坊生意 _為了飲椰子盅湯而來😋用原個椰子燉 無味精 無鹽無糖👍🏻上菜時係熱辣辣 隔住椰子未必feel到 飲個時記得小心燙口🤭餐牌上有寫每個湯的不同功效可以參考下 啱哂養生人士😆_▫️織金竹笙烏雞椰小盅 $66好甜好重椰子味🥥入面好足料 有竹笙 紅棗 同好多烏雞 全部都帶有甜甜的椰子味 因為椰小盅係用椰子水來燉湯 所以飲飲下會甜到會有少少好似飲緊椰子水咁 真係好濃! _▫️織金竹笙子排椰小盅 $66呢款都係好濃椰子香味 好鮮甜 但無烏雞個款咁甜 似屋企煲湯既味 (我自己比較飲慣呢款😛) 入面同樣有竹笙紅棗 只係烏雞轉左排骨~ _▫️叉燒拼燒腩仔 紫薯飯 +$23嗌左湯只係+$23有埋套餐好抵食💰 套餐跟埋一杯自製山楂茶(無糖!)同啫喱 係有花奶㗎🥳 講返個主菜 燒腩仔有驚喜! 超脆皮 肥瘦比例剛好 記得襯熱食😆_▫️金脆鮮奶椰小凍 $55好香椰子味既奶凍 食完會覺得平時出面甜品鋪既椰皇鮮奶無乜真椰子味🤭😂_🍽環境住宅區小店 乾淨企理 餐廳姨姨好細心會用滾水淥過啲餐具先比食客😄見我地揀唔到食咩又會主動介紹👍🏻

話說我是第一次去麗港城，辦完事情後見有間名字頗特別的燉湯店，還是米之蓮推介，便入去試下。燉湯分兩類，一是原隻椰子燉，一是燉盅燉。燉湯標榜燉足4小時，不加味精，不加糖和鹽，原汁原味。既然叫「椰小盅」，於是和先生一人一個椰子燉湯。另外可加錢配小菜白飯。蟲草花乾貝土雞燉鮮鮑（$80）小椰子好大個，不用擔心唔夠湯飲，而且保溫效果好，食完飯才飲也是熱的。配料有新鮮鮑魚、雞件、蟲草花、鮮乾貝和芡實等，湯水加了椰子水，超級鮮香清甜，非常推薦。織金竹笙燉烏雞（$66）相對來說，這湯比較淡，尤其飲完清甜的鮮鮑湯才飲的話更明顯。雖然如此，織金竹笙含有優質的植物蛋白和維生素，還能增加湯的香味，所以也是有益好飲的靚湯。焦糖醋香排骨+紫薯飯+啫哩+山渣茶（+23）排骨相當大碟，軟腍入味，紫薯飯和啫哩都可口。山渣茶少甜解膩。小食：月牙煎餃（$29/6隻）雖是普通煎餃子，但店員煎得好靚仔，味道也不錯。