魚事者 (鴻達樓)

今日係旺角行街，見肚餓，係廣華醫院對出條美食街見到呢間，專食魚🐟製品，好似幾特別，就食下😝⭐️綿綿芝士汁吉列豬扒魚麵撈全份加配洛神花山揸雪梨茶吉列豬扒炸得剛剛好，最特別係個麵，係用魚漿整成，好彈牙。個茶好香洛神花&山揸味，隱隱帶出雪梨味，好解膩⭐️炸魚狗腸配他他醬當時眼闊肚窄嘅我，叫了呢個腸，但其實食完個麵已經好飽😮‍💨，好彩後來meet up嘅朋友，佢有小小肚餓，就幫我食埋。佢話好好食，超級彈牙，雖然要咗他他醬，但都會加啲紫菜，增加香味雖然間店好似得外賣🥡，但其實店舖出面有個立食位P.s. 店舖好有心思會係外賣袋到畫啲魚仔另外，follow ig ac 仲會有coupon 同明星小卡🤭…查看更多

平時食麵都食得多都怕無益想食得健康可以試下食魚麵依間餐廳主打輕食 旺角分店只做外賣或者可以係旁邊吧檯慢慢食好適合我地成日減肥嘅女仔或者當下午茶食店鋪都唔算難搵因為鋪頭顏色幾搶眼餐牌上全部都係由魚製 款式算多我試左佢地嘅撈麵芝士汁味道唔會太濃好膩絕無邪惡感仍然好健康食魚麵撈真係第一次 個口感幾創新麵嘅質感比較爽彈唔會漿住同埋佢會有少少蕃茄同洋蔥少少帶酸嘅口感估唔到味道咁夾吉列豬扒有啲似日式厚身個隻烤炸得好唔錯另外見到佢地仲有芫荽口味添腸粉佢地用大量特調嘅蒜油同蔥去撈食完唔知會唔會臭親人呢再叫多份小食拼盤佢嘅燒賣係自家製嘅無豬肉成份炸魚狗腸比較實肉咖喱魚兵團魚味最重又好睇不過成間鋪最特別嘅係佢嘅手工辣椒醬佢係加入左魚去炒辣醬 我諗出邊地方好少會有真係比較獨特所以買左樽帶返屋企打邊爐可以用另外佢都有幾款樽裝飲品配搭放心 係自家調配或者可以試下手工少爺啤配魚麵…查看更多

今日趕時間，去左旺角登打士街既魚事者買外賣，呢度專賣同魚有關既食物，特別係魚麵，好有特色。餐牌有唔同口味魚麵撈，今次仲多左魚湯麵。仲有小食如腸粉，薯條，燒賣，飲品有茶有酒。羅定魚腐＋魚皮餃魚湯麵 $52今日凍冰冰，先黎一碗魚湯麵，揀左配料係羅定魚腐＋魚皮餃。店員細心將湯同料分開，等你食之前先加埋一齊。首先主角魚麵係加入左魚肉造既麵，質感比普通麵彈牙，有d似食緊魚蛋條，味道帶好香既魚味！個魚湯好清，魚味唔錯，我覺得無味精，完全清碗。配料有羅定魚腐同魚皮餃各三件，翠玉瓜兩片，同葱花鹹菜。羅定魚腐同魚皮餃質素都可以。鹹菜令個湯更好飲。綿綿芝士汁吉列豬扒魚麵撈 全份 $58如果想重口味少少，可以食魚麵撈。吉列豬扒一大塊一切6片，驚喜地高質，因爲外皮香脆而入面厚肉之餘又嫩口，點埋伴碟香滑沙律醬更加好味道，正！魚麵個芝士汁當然好味，真係好香芝士味，上面加有少量番茄莎莎，旁邊有少少紫菜絲，最後上面仲灑上少量香草。過癮咖哩汁餃子魚麵撈 半份 $38半份份量都唔少。餃子數量減半，一客兩隻，脆皮而入面有肉有菜，味道質感都唔錯。個過癮咖哩汁少少辣，好惹味。伴有木魚花同紫菜絲加添味道。當然都有灑上香草。炸魚無薯條 $33炸魚無薯條份量好多，成盒都係！看似薯條，其實係炸魚條，外脆內彈牙，味道質感都好特別，好有創意。配有沙律醬，加$5可轉松露醬或者他他醬。咖哩魚兵團 $18咖哩魚兵團係一客3件魚形魚蛋，好彈牙而形狀可愛。上面加滿香香咖哩汁同香草，味道好惹味！總括而言，今餐所有食物都好味道而且好有特色。呢度既外賣紙盒特別厚身同精美。而價錢並唔貴。可以係隔離立食或者行幾步去隔離油麻地公園坐低食。實有下次。…查看更多

呢排食得多carbs，今日就想揀下其他特別野食，同事介紹嘅呢間小食店 — 魚是者，位於旺角，主打魚肉製品，選擇多價錢都合理。開心樂園魚狗包（$38）見到我有選擇困難症，靚女店長推薦嘅新品，果然有驚喜！鬆軟麵包加上彈牙魚肉腸同新鮮爽脆青瓜絲，自家製他他醬簡直係神來之筆，酸酸甜甜好開胃！綿綿芝士汁吉列豬扒魚麵撈（$38）我哋叫咗半份試，豬扒夠脆身扎實，配菜在蕃茄、紫菜，芝士汁唔算太濃配魚麵正好可以食到鮮味，魚麵係含50%魚肉，飽肚之餘又富營養。雙拼燒賣（$20）芫荽拼陳皮燒賣，要特別介紹呢度嘅辣醬，又鮮又辣，配燒賣一流，但唔好點太多，如果唔係就蓋過咗芫荽同陳皮香！港式多士三併 配黑松露醬 （$33）蝦、魚、墨魚三款多士，咬落酥脆又香口，蘸少少黑松露醬增添香氣！炸魚無薯條 配 蜜糖芥末醬（$38）份量之大夠三個人share食，熱辣辣炸起有薯條嘅香脆度，又有魚味同彈滑，可以揀配調味粉或者蘸醬，大人小朋友都一定鐘意！洛神花山楂雪梨茶（$18）、招牌奶茶王（$20），前者清潤養生，後者香滑又濃，又唔會太甜，個人非常推薦！店長仲用紙巾包好，為免倒汗水整濕紙袋，非常貼心！…查看更多

👧🏻😋👅🍽✨有sense又有heart食店😎-魚事者🇭🇰 旺角登打士街55號鴻達樓地下6號舖 🇭🇰-🎏係肥姐條長龍隔離, 食完我覺得佢deserve起碼半條龍🤫🎏外賣店但聰明地設有條bar俾客人立食🎏主食小食多款式, 試左咁多樣仲冇一樣係唔好食, 點搞?? 佢d小食係令人驚艷既程度, 行過路過必試, 反而主菜被比下去但當然都好正😌-🐠🍜🍱 魚麵撈撈撈套餐 $65👉🏻套餐配大魚麵+飲品, 本身有諗過叫幾個半份魚麵可以試多d味👉🏻不過可以平加少爺手工啤就叫埋餐-🫕🐖🍜 綿綿芝士汁吉列豬扒魚麵撈 (全份) 跟餐💯勁厚身吉豬咬落超鬆化🥰💯魚麵冇小麥麵咁飽滯, 撈左芝士汁好香濃-🍺🌶🍸 少爺啤麻辣雞尾酒 +$8✨本身個餐有跟樽裝水或烏龍茶, 加$3有自家製特飲, $8-$10有少爺啤✨四川香料+vodka+lime又香又麻超好飲😍-😋👅💦💦無限追加小食 $10/款💯黑白鴛鴦春卷: 魚&鯪魚腐皮卷, 脆到癲😂 香口仲好香魚味💯原味燒賣四粒: 配果個辣油叫魚辣醬, 唔算好辣但超香一定要試💯呢個係我覺得佢地有sense另一個原因, 好多餐廳一個餐只可加配一款小食, 呢度選擇夠多我黎多幾次麵都未試晒😌-🧄🐓🍜 又香又臭蒜油雞球魚麵撈 半份 $38✨頂長篇大論終於講完個餐, 主打魚麵就要試下另一個味✨半份就用圓盒裝, 但老實講同M記薯條一樣唔覺得size有好大差別😂 雞球都有三大粒✨蒜醬漿住成個雞球勁痴線, 再面頭加乾蒜粒真心香(臭)😜✨有青瓜絲做side又一個聰明做法, 辟辟味食落fresh好多-🇭🇰🦐🐠🦑🍞港式多士三併配黑松露醬 $33💯令人驚艷的小食來啦! 樣靚脆口味香💯魚, 蝦, 同墨魚三隻色賣相好清楚分到, 搽得好勻巡起碼成條邊都有料到💯蝦多士重點就係芝麻好香🤤 炸既但無論個包中間同食完個盒或都唔油, 即係油溫控制超好💯黑松露醬係default配既, 真心重truffle味! 莫講話小食店, 唔少西餐所謂黑松露醬薯條個醬都只係有黑點點既沙律醬😑 呢個真心唔同👍🏻-🐠🍟炸魚無薯條 $33 加配蜜糖芥末醬 $5✨又一個令人驚艷的小食, 炸魚條😍 熱辣辣炸到金黃色, 外脆內彈牙仲好香魚味✨個$5醬可揀蜜糖芥末或者黑松露, 多士試左松露就食蜜芥, 酸酸甜甜勁夾個魚條…查看更多

之前喺花園街食晏，發現旺角都開咗「魚事者」，不過係外賣店🥡，但反正啲食物乾爽無湯，拎走食都無所謂。呢晚嚟開交收，就順便買返屋企當晚餐。小店所賣嘅食物係魚肉製品🐟，魚，全部都係魚。無論麵、薯條、熱狗同燒賣等，通通都係魚，雖然食落質感有啲似，但我都好欣賞佢嘅創意。綿綿芝士汁吉列豬扒魚麵撈(半份$38)，🍜魚麵口感彈牙，無漿埋一餅。吉列豬扒半份就有三件，估計應該係入貨，味道正常🐷。芝士汁唔錯，唔會太鹹，而且夠晒流質，撈麵一流🧀。另外仲有紫菜絲同蕃茄莎莎，後者微微酸，幾開胃，又可解膩🍅。辣你唔死麻辣鴨絲魚麵撈(半份$38)，無諗過小店唔係專做辣，但竟然可以整出咁出色嘅麻辣🌶。辣味具麻香，辣度顯著兼惹味，而且伴鴨肉絲好搭調，再加埋🥒青瓜、芝麻、大蔥、紅椒同花生粒等，彷彿將北京烤鴨嘅精髓還原出嚟。「我要晒」小食拼盤($40)，包括炸魚狗腸、雙併燒賣同咖喱魚兵團，🍛咖喱汁好濃稠，滿有港式街邊魚蛋檔風味。炸魚狗腸原來全條都係魚肉，但我認為用魚肉包住香腸會特別啲🌭。雙併燒賣嘅芫荽口味好突出🌿，而魚兵團就係一般炸魚蛋。港式多士三併配黑松露醬($33)，🍞三色多士包括蝦、魚同墨魚。麵包層薄薄的，上面分別塗上蝦膠同墨魚滑等，食落都有明顯分別，其中以墨魚最爽彈🦑。另跟配嘅黑松露醬亦幾香濃🍄炸魚無薯條($33)，睇個名就知乜料啦🤣，佢係幼身炸薯條形狀嘅炸魚條🍟，造型維肖維妙。魚條經輕輕油炸，但並唔油膩，另可揀配味粉。我要咗燒烤粉，令到味道變得唔單調。洛神花山楂雪梨茶($18)，🍐雪梨茶幾清潤，洛神花溝山楂都唔太酸，整體甜度適中。總括嚟講，呢餐全部都係魚嘅繽紛盛宴讓人滿足😍，無諗過魚肉會有咁多變化。我認為半份魚麵份量都唔少，所以可以留肚食其他小食。小店嘅出品滿有特色，值得大家支持💪。…查看更多

今次嚟到呢間好特別嘅小店-魚事者。真係第一次見出面有舖頭係主打賣魚麵，仲有其他小食全部都係用魚做嘅，感覺比一般主食健康d，少d澱粉質，食完感覺無咁heavy。🍴綿綿芝士汁吉列豬扒魚麵撈(全份)(套餐包飲品)$65魚麵口感好爽彈！好特別而且食到有魚味🐟吉列豬扒都整得唔錯，唔會好死實+硬芝士汁同紫菜配埋好有日式風味🎏 🍴辣你唔死麻辣鴨絲魚麵撈(半份)$38呢個就好有中菜風味魚麵配以鴨肉絲、京蔥絲、甜椒絲、青瓜絲有d類似片皮鴨嘅配料呢😆麻辣味啱啱好，撈埋所有配料食會有多層次口感👍 🍴炸魚無薯條$33唔係用薯仔，係用魚漿整嘅薯條好好味！個皮係脆皮，入面係煙韌嘅😍即炸即食係最好食！好香口，有少少似炸魚蛋嘅口感 🍴招牌奶茶王(左)(跟餐+$3)自家調配嘅奶茶好香濃，好有茶味!! 掃佢地卡片上嘅QR code可以預先落單，外賣就唔駛等咁耐喇👍。值得一試嘅小店，feel到佢地無論係產品研發，包裝設計，服務配套，都好有心思好有heart❤，連外賣紙袋都會有店長手繪嘅公仔呢☺。…查看更多

今日午餐去左旺角登打士街既一間小食店食個快lunch，小食店個名叫魚事者，顧名思義，係sell魚有關既食物，其實係魚麵。餐牌有唔同口味魚麵撈，仲有小食如燒賣薯條多士腸粉，飲品有茶有酒。呢度都有魚麵撈撈撈套餐，$65包任選一款魚麵撈加1款飲品，可以另外加錢要小食。正路每人一個魚麵撈撈撈套餐，再加小食分享。食物即叫即整，見到厨房認真製作，然後整齊將食物放入精緻特製紙盒。綿綿芝士汁吉列豬扒魚麵撈先講主角魚麵，加入左魚肉造既麵比普通麵彈牙，有d似食緊魚蛋條。吉列豬扒一大塊一切6片，驚喜地高質，因爲外皮香脆而入面厚肉之餘又嫩口，點埋伴碟香滑沙律醬更加好味道，非常出色。魚麵個芝士汁份量適當唔過火，上面加有少量番茄莎莎，旁邊有少少紫菜絲，我鍾意撈埋沙律醬食。最後上面仲灑上少量香草。又香又臭蒜油雞球魚麵撈呢個又香又臭蒜油雞球魚麵撈的確蒜味十足！炸雞球6大粒，炸皮入面既鷄肉唔會太乾，仲有肉汁，啖啖肉，上面灑上大量葱花同蒜油再加香草，真係好香，味道都唔錯，伴有少量青瓜絲。鍾意蒜香人士必試。芫荽燒賣4件 追加+$10芫荽燒賣唔覺太粉而食落帶淡淡芫荽味，呢度既燒賣係無豬肉，簡單加豉油食就夠味。日式煎餃子2隻 追加+$10日式煎餃子勁脆皮而入面有肉有菜，小心辣口。黑白鴛鴦春卷 追加+$10黑白鴛鴦春卷其實係魚肉同墨魚肉春卷各一然後一開二，又係勁脆皮，非常香口。「我要晒」小食拼盤 $40「我要晒」小食拼盤有炸魚狗腸一條+雙拼燒賣共4粒+咖哩魚兵團3件。炸魚狗腸非常大條，好似食緊魚蛋。魚兵團更加似魚蛋，好彈牙而形狀可愛。雙拼燒賣有原味同芫荽味各二。簡單加上豉油就夠味道。津路烏龍茶 （跟餐）真係第一次見人貼心用紙巾包住凍飲底部，絕對加分。津路烏龍茶夠凍，好解渴。今日試左多款食物，綿綿芝士汁吉列豬扒魚麵撈同又香又臭蒜油雞球魚麵撈都好出色！包裝紙盒美觀衛生，而價錢並唔貴。可以係隔離立食或者行幾步去隔離油麻地公園坐低食，係大熱天時熱d。…查看更多

燒賣控的我在街頭小食勝地遊走時，發現了一間魚肉小食專門店，突然有種一見如故的感覺，立即上前點選試試，誰不知點著點著便點了一個晚餐來，一個魚肉宴晚餐，是豐富是美味的！原來魚也有很多種食法。少有小食店以Tiffany Blue 為主色調，門面較一般小食店企理整潔，鋪名呈現出食字兼象形，頗有創意及意念。一共有11款跟魚相關的小食及8款飲品，更有套餐供選擇，是可以吃得飽的小食店。而小食店少有地在提供立食桌子及紙巾，方便用膳。首先該調味與臭未一點掛勾都沒有，反而蒜油清香食完口蒜味好快散，與彈牙帶少鹹魚麵非常合襯，當中青瓜絲減輕了不少油膩感，3件雞球大小如乒乓球，即炸熱燙香脆、脆殼包裹著嫩滑多汁雞肉，炸雞淋上蜜糖感覺減少熱氣不少～醬汁的忌廉及芝士味道淡然，整體感覺輕盈不算油膩，為較乾身炸豬扒增加不少濕度，炸豬扒同樣即叫即炸熱燙香脆，肉質硬左啲無咩豬肉味，番茄粒帶動了清新開胃感。無豬肉燒賣：純魚肉燒賣較想像中來的普通，魚味沒有因此特別香濃、質感實在中帶軟身，自己還是比較喜愛軟熟質地的燒賣。.無豬肉芫荽燒賣：可能因為純魚肉燒賣較為普通，添加芫荽反而帶動味蕾，清新而提鮮。原來這是原條炸魚肉條，咬下熱辣辣冒煙，魚肉十分彈牙夾雜墨魚粒爽口，淋滿酸酸甜甜芥末醬開胃又惹味。三併分別為蝦滑、芝麻及鯪魚滑搽在麵包表面，多士炸至超級脆，如薯片般無誤！蝦滑增加彈牙感，芝麻提升不少脆口度，但鯪魚滑作用不大，多士炸香蓋過鯪魚味，而且彈牙度不及蝦滑 ，沾上黑松露醬更惹味。吃過炸物後喝點涼茶身心舒暢，羅漢果茶不算甜，而且清涼，配上炸物一流。點太多無法一次過吃光，唯有打包回家做宵夜，發現每日紙依都有心思地畫上圖畫，那正條魚仔好可愛喔～…查看更多

記得幾年前食過一間專做魚麵嘅餐廳，當時我覺得佢嘅魚麵好味到我要買外賣自煮麵返屋企，最近發現魚事者嘅出品可以令我重拾返回憶的味道。雖然佢都係賣港式街頭小食，但佢嘅用料就截然不同，全部都係有魚肉嘅成份。我咁掛住啲魚麵，梗要揀返兩份魚麵撈，又香又臭蒜油雞球魚麵撈嘅葱蒜油只有香，完全唔臭，魚麵非常彈牙有口感，而佢嘅雞球都好滑好入味。綿綿芝士汁吉列豬扒魚麵撈嘅芝士汁喺底，記住撈勻嚟食，吉列豬扒夠腍，撈埋紫菜絲同蕃茄粒一齊食都幾唔錯。炸魚無薯條真係好得意，賣相真係同薯條好相似，其實就係有啲似魚片頭嘅口感，賣相味道都攞滿分。港式多士三併配黑松露醬都好有特色，三件多士分別釀有墨魚滑、蝦滑同魚滑，同黑松露醬嘅味道真係好夾。「我要晒」小食拼盤其實就係店舖入面其中三款小食嘅合體，再配埋咖喱、辣汁等醬料，非常吸引。咖喱魚兵團係三件魚仔型嘅魚蛋，其實可以話係魚仔型嘅魚片頭，配埋佢嘅秘製咖喱汁，真係好香口又開胃。無豬肉燒賣其實就係魚肉燒賣，分別有兩粒原味同兩粒芫荽味，我自己好鍾意芫荽嘅味道，所以覺得特別好食。炸魚狗腸其實就係將魚蛋造成好似腸仔咁嘅形狀，不過估唔到係咁彈牙，我覺得送麵一流。洛神花山楂雪梨茶係佢哋自家製，洛神花同山楂平時會比較酸味重啲，但佢混入咗雪梨茶之後就更加香甜，大人細路都鍾意。雖然係外賣為主嘅小店，但其實佢都有個堂食嘅位置，裝修靚靚完全冇後巷嘅感覺，都幾唔錯㗎！…查看更多