嘆撈

營業中

休息中

見Instagram 有人介紹黎間甜品餐廳, 比佢嘅紫薯窩夫吸引左,所以要專程遠道而黎. 星期日的下午4:30pm, 一開門就入去食. 咁就可以唔洗等位啦. 叫左一個紫薯窩夫加麻糬同一個焦糖脆脆花生醬甜奶鮮忌廉窩夫. 焦糖脆脆花生醬甜奶鮮忌廉窩夫店員一拎出黎個刻, 真係有少少震撼. 因為真係好大個窩夫. 花生醬好香. 窩夫餅好好食. 濕度岩岩好. 唔會太乾. 焦糖脆脆係岩岩好, 唔會有煮耐左嘅苦味. (曾經係其他鋪頭食過苦味, 有陰影>___<) 最值得讚嘅地方: 佢個花生醬係熱嫁!!咁提升左個香氣同口感好配合. 再加埋少少雪糕, 唔會覺得口好乾/漿住個口咁. 紫薯窩夫佢嘅賣點當然係成個紫色!上面有紫薯脆片, 海量紫薯忌廉同切左嘅日式小甜薯. 可能因為食左紫薯脆同小甜薯, 所以忌廉其實我只係食忌廉味, 不過幾好係口感好滑同埋就算食晒成個窩夫唔會太濟, 不過真係飽左. 麻糬就係窩夫餅入面, 會咬到一粒粒幾有咬口. 兩款我都好鐘意, 如果再返黎食. 我會encore 紫薯窩夫, 畢竟出面唔多餐廳有得食.五十幾蚊食到好味又有心機嘅窩夫，真心覺得性價比好高！ 令我最開心嘅係佢每

係網上忽然見到好多人介紹呢間野,，男朋友知港女通常都鐘意食紫薯，專程入去試下呢間野。如果怕等位既，可能唔太適合你，我前後去左兩次，平均都等１５分鐘或以上。但如果你等得既，絕對值得嫁！我揀左「紫薯窩夫」，男朋友就食「焦糖脆脆花生醬甜奶鮮忌廉窩夫」，兩個都冇令人失望。紫薯窩夫口味比較清淡，我最欣賞佢上面Ｄ紫薯薄片，增加口感之餘，味道亦比較出色。鐘意食紫薯既不妨一試。至於焦糖脆脆花生醬甜奶鮮忌廉窩夫，好甜，佢好甜，真係好甜。（好重要所以講３次）男朋友一食就停唔到口，因為佢好鐘意食格仔餅，冇錯，佢個味同格仔餅真係好似，但佢比格仔餅更甜更脆。焦糖脆脆份量好多，配埋花生醬，食完要減好耐肥先得。如果好鐘意甜野，一定要叫呢個，絕對令你食到好飽好滿足！總括黎講，呢次甜品係我近來食過覺得最好食既，價錢雖然唔平，但係好值得！

前2 篇寫到食左章魚燒同壽司飯都仲有位淨, 梗係要去食埋甜品!遠方見到有人聚集就知道目的地就在前方!餐牌的甜品好多選擇好特別, 向仲食得落既情況下, 我地點了炸餃子小食同人人推介的紫薯窩夫炸餃子味道OK百香果柑桔梳打都唔錯, 唔會太甜主角紫薯窩夫上場~~每一碟都畫有獨有的可愛貓貓圖案, 好有心思雪糕可以自選, 加錢可以配榴槤雪糕就馬上轉了! 榴槤雪糕好真材實料, 食落好重榴槤味, 十分正, 強烈建議榴槤控加錢轉呢個雪糕!至於紫薯窩夫, 除了紫薯CREAM, 仲有D紫薯乾拌窩夫 , 同樣食落唔太甜又有淡淡紫薯香味窩夫新鮮製造, 需時等候 ,食落暖笠笠又夠脆如果再黎開呢邊, 一定會再次光臨!

週五放工後是開心的，那開心要做什麼？約好友吃甜品😂～咱們約了在景峰等，去這間到夜裡時門外總有很多人排隊吃甜品的小店。兩個人或許更容易取位就是了，我們等了大約五分鐘左右便得以進內了。店內的坐位不多，因此位置之間的空間頗近的。我們點了蕃薯糖水跟紫薯窩夫，我們這晚吃的甜品都是圍繞薯蕃薯，天涼了就特別想吃了。蕃薯糖水有少許的薑味，在寒冷下吃是很暖胃的。碗內有四塊大件的蕃薯在內，每件蕃薯也有點糖水的薑味，挺好吃的。然後是我們期待的紫薯窩夫了～一看便吸引了有沒有？這賣相是真的很吸引耶。而且碟上還有隻以朱古力繪成的十分可愛的小貓，好像感到店家的用心呢。而本來並不打算相機吃先的我也決定先拍照再說了。紫薯薯片偏硬，隨便吃下後就是喜歡的窩夫了。窩夫味香，外脆內軟，配上在上方的紫薯忌廉後，大大的滿足了口腹之慾呢。紫薯忌廉有很濃郁的紫薯味，口感甜膩，怪不得紫薯適合作甜品了。雖然吃到最後會覺得紫薯味甜得發膩了，但是整體還是很好吃，值得推薦喔。

見到👀呢間屋企附近嘅甜品舖出咗紫薯甜品，所以就決定孝敬爸媽👨🏻👩，請佢地食甜品我地有三個人，不過叫三野就太多喇，而爸爸又唔鍾意食紫薯，所以紫薯燉蛋就留番下次啦等咗一陣，紫薯窩夫終於上枱喇即製嘅窩夫表面脆脆，入面就好香軟上面就有濃濃嘅紫薯忌廉同紫薯乾，不過夾埋抹茶雪糕一齊食，啲抹茶味就有啲俾紫薯味蓋過咗喇不過呢到嘅另一個買點就係碟邊仲有朱古力醬唧出黎嘅貓貓🐈，超得意啊~~爸爸就選擇咗呢個焦糖脆脆花生醬甜鮮忌廉窩夫，個人覺得呢個窩夫仲好味過紫薯嗰個~窩夫都一樣外脆內軟窩夫上面揸上花生醬，之後再淋上甜甜嘅煉奶，最後再放啲蜜糖脆脆同雲喱拿雪係面，增加咗脆脆同凍冰冰嘅口感，但係自己一個人食曬都幾漏，因為全部嘅材料都係好甜，真係十級邪惡嘅甜品黎啊