Gram Cafe & Pancakes

營業中

休息中

黎到炎炎夏日 真係好需要解渴可口的冰凍甜食 有日同朋友行街行到身水身汗 見到門口有西瓜冰 就即刻入黎坐下 食下西瓜飲杯水解一解暑先🥰🍉西瓜雪花冰 -造型好吸引的西瓜冰 粒粒西瓜好易食😜裡面仲有好香濃的牛奶冰 一睇就知係解暑涼伴啦❤️🌋紫薯火山流漿班戟黎到更係要試埋梳乎厘班戟 今次就試左紫薯味 梳乎厘質地厚實 做到有空氣感而不失咬口 唔會好似食左陣風咁 外層好多紫薯醬 啖啖都有紫薯味 第一次食咸味梳乎厘 原來都幾夾個喎😂

又到係尖沙咀上堂之前嘅覓食時間😂今次係The One 見到間好似幾吸引嘅pancake店⭐️紫薯火山🌋流漿班戟Purple Potato Cream Volcano Pancake一送到嚟，會有塊膠圍住個pancake，店員會提醒拎走個膠之後可以放係另一個碟到，好貼心個pancake好岩打卡📸一開始會見到紫薯粉&nuts 作擺盤，幾靚下🫶🏻一拎開塊膠，勁多醬流出嚟，真係名副其實叫火山流漿😂😂個pancake 好似burger咁，上下係cake，中間夾住紫薯蓉。呢個pancake偏向係梳乎厘個種，外形直身，但表面平滑。相比梳乎厘會少🤏🏻了點鬆化輕盈，無咁重空氣感。而個紫薯蓉&醬唔會話好甜👍🏻個環境好舒服😌好岩同朋友相聚傾計👭👫👬

每次幫人慶祝生日都想試吓唔同嘅嘢，呢日就去左買Gram嘅pancake代替生日蛋糕，同朋友慶祝生日🥳🎂～紫薯火山流漿班戟💜外賣都做到流漿效果！👍🏻食嘅時候先倒紫薯流漿去pancake面，拉開膠片，流漿效果即刻出嚟！🤭梳芙厘pancake入口即化，中間夾住微甜嘅紫薯薯溶🍠，配埋濃厚奶味🥛、香滑嘅紫薯流漿，眨吓眼就食晒😋意大利芝士蛋糕班戟☕️賣相精緻，係偏厚實嘅班戟，唔係souffle texture，中間嘅吉士醬都幾滑，咖啡味就再濃啲會更好～

日本人氣過江龍Gram開咗咁耐都冇食過，早兩日同兩個朋友食完晚飯又唔係太飽，就去咗食甜品，每人一個甜品share黎食可以試3款🌟石板街班戟3層朱古力班戟佈滿好多可可粉同朱古力醬，中間夾住cream同吉士醬，班戟口感鬆軟，食落朱古力味都濃，而吉士醬幾香甜，配埋最頂嘅焦糖粒、士多啤梨同藍莓，酸酸甜甜冇咁膩🌟紫薯火山流漿班戟賣相有啲似一件moose cake，但一拎開張膠紙就好似火山熔岩咁流出黎，入面係兩塊厚班戟夾住一大堆紫薯，而個流漿都充滿紫薯味同奶香味，呢個食完會有啲飽濟感🌟焦糖香蕉班戟呢個有一條香蕉切開兩邊，之後加咗啲燒到好脆嘅焦糖喺上面，而班戟係薄果款，似熱香餅，淋埋啲焦糖漿上去連埋香蕉，cream同合桃一齊食特別好味下次試埋佢嘅招牌梳乎厘班戟

Gram之前已經食過兩次，佢地嘅梳乎厘班戟夠鬆軟又多款揀，今次見佢新出左個而家大熱嘅火山流漿班戟，就算外賣都可以做倒流漿效果，忍唔住又再幫趁。外賣蛋糕都係獨立包裝。意大利芝士蛋糕班戟($118) - Tiramisu班戟因為萬聖節仲多左鬼魂裝飾，非常可愛。朱古力蛋糕同吉士醬梅花間竹，蛋糕唔會太乾太硬，朱古力味都幾濃。紫薯火山流漿班戟($118) - 紫薯班戟個紫薯漿係分開盒裝，外賣時侍應特別提醒食之前先將紫薯漿淋上蛋糕面。一拎開圍住蛋糕嘅膠片，紫薯漿就流晒落黎，因為加左紫薯漿，所以蛋糕除左好香紫薯味，仲比較濕潤同飽肚。蛋糕面有好多雜果，可以話睇得又食得。

呢間一直人氣高企嘅日本過江龍pancake 係下午茶首選🥳其實作為飯後甜品都唔錯😋口感鬆軟嘅pancake食左會有幸福嘅感覺🤩而招牌梳乎厘pancake每日得3個時段限量供應架咋！想試嘅過就mark定個時間黎喇😜.◾️紫薯火山流漿班戟 • $108呢款pancake 比較特別，芝士漿要向上拉先會流落pancake 道，好似岩漿咁視覺十分澎湃🤩粉紫色亦令人食慾大增！兩層pancake中間香甜嘅紫薯蓉，pancake鬆軟得來又唔會都係空氣感，加上濕潤creamy嘅芝士流漿，口感層次豐富💜◾️石板街班戟 • $118 呢款朱古力味嘅pancake口感較厚實，同傳統嘅pancake質感差唔多，食完會有飽足感，配料有果仁，棉花糖，粟子，pancake中間有軟滑嘅吉士夾層，朱古力味突出！🤤

平時嚟食梳乎厘pancake食得多，今日試吓食新味道紫薯火山流漿班戟 ($108)原來係要親手拉開膠圈，讓紫薯好似火山流漿咁緩緩流下！好過癮呀，但原來要令到佢流得靚都好有技巧！班戟充滿厚度，口感鬆軟，中間原來加入新鮮紫薯蓉，味道天然一啲都唔甜，而且份量好多，好似食極都仲有咁！雜果朱古力班戟 ($108)班戟口感鬆軟，有好多新鮮士多啤梨 、紅莓、藍莓、奇異果、橙，色彩繽紛，再加埋朱古力醬，無得輸嘅組合！

日本鬆餅過江龍gram在日本一直都很有名氣，差不多每天都有人在排隊在吃他的限量鬆餅。剛剛在香港開店的時候也差不多是這個情況，那時候一直想試但因為太多人所以沒有試到。而因為疫情的原因，今年都去不到日本了，所以只好找日本的味道來回憶一下就選擇了這家鬆餅店！剛到店的時候，店裡還不算多人，可能剛好是香港人的吃飯時候吧，所以我們很快便入座了。我們這次就點了兩個不同種類的鬆缾！紫薯火山流漿班戟（１０８元）＊＊每日限量供應＊＊這個完全被他的圖片吸引了，那個滿滿的流漿還配上了我喜歡的紫薯，最重要還是限量的，那是必須要叫的！由此是即叫即整的關係，等了一段時間後，他終於送到了，實物跟圖片是完全一樣的！報告沒有違反商品說明條例！此時候店員會提醒你要慢慢在膠片的兩邊拉起，不要在交接處直接拉開，如果自己拉不到可以請店員幫忙，那我肯定是自己來！這更有成功感！最後我也很成功做到跟圖片一樣的效果！班戟有兩層，中間藏了大量的紫薯。班戟鬆軟有蛋香，配上甜甜的紫薯流漿，十分不錯！也可以配上綿密的紫薯一起吃，既健康又邪惡又一個配搭，味道也十分好！不過就是旁邊的水果有點酸，但可能也是用來突出和中和甜味吧！Tiramisu 意大

抗疫期間，以往要排長龍的食店，都不用再排隊了！今天路經Gram Cafe & Pancake，就吃份甜點吧！。清酒士多啤梨火山流漿班戟：打卡一流的pink pink pancake，粉紅控表示很滿意！🤣🤣可以選擇自己去打開「火山」，或是由店員代勞。那麼，當然自己玩玩啦！哈哈！鬆軟的吉士醬夾心班㦸，配上甜而不漏的士多啤梨醬，還有淡淡的清酒香氣，非常特別！。紫薯火山流漿班戟：以新鮮的紫薯蓉作為夾心，再配上紫薯醬，甜度恰到好處，紫薯迷一定要試！