日月堂

營業中

休息中

觀塘區嘅食肆花多眼亂🙈當中食🇹🇼台灣菜式嘅都有好多間早排食嘅呢一間位於工廈裡面位置並唔算太易搵到但係仍然有大批捧場客😲估計佢哋嘅出品應該幾有水準👍🏻餐廳裝修以簡單為主🤍配合木餐枱木餐櫈🪑感覺到強烈台式懷舊風格🫶🏻紅燒豬腳拌麵 ($60)豬腳夠哂入味又夠有彈牙麵質軟度適中～加埋醬油同乾蔥等等調味撈埋好正麻辣牛肉麵 ($75)牛肉偏腍但富有口感麻辣湯底唔會太嗆屬於比較溫柔嘅一種麻辣麵條同拌麵比較之下會發現麻辣麵嘅麵條比較闊同薄台式鹵水豬大腸 ($39)食得台灣麵就一定要叫啲小食呢個鹵水大腸鹵得夠味質地屬於偏腍的一類好彩份量夠如果唔係好快會被清光😂麻辣鴨血 ($48)又係大大份～啲鴨血煮得非常入味又滑身配合拌麵定湯麵都非常夾黑糖珍珠鮮奶 ($34)絕對唔比街外嘅茶店差！黑糖珍珠煮得好夠味而且唔會過淋或者煮唔透👍🏻鳳梨綠茶 ($15)清新宜人夠晒清爽咁熱辣辣嘅天氣下飲真係一流！呢間餐廳嘅價錢都相對親民份量亦夠大份所以我哋都飽到試唔到佢哋啲蛋餅、蚵仔煎、刈包～不過唔緊要～應該好快會再去試埋😉

🔺炸鹽酥雞 $48外皮好薄 夠酥脆 雞肉肉質嫩滑 每枱都放有鹽粉可以因應口味自行調配🔺起司肉鬆蛋捲餅 $60餡料豐富 蛋香味濃配上芝士拉絲同滿滿肉鬆口感豐富 蛋皮比較煙韌 如果煎得再香脆啲就Perfect啦🔺牛三寶麵 $85牛腱肉 牛筋 牛肋骨 三款配料厚肉軟稔 又夠入味 真係啖啖肉湯底偏重味 濃郁帶甜有少許藥材味另外+$5轉冬粉 食落滑捋捋 但無想像中咁煙韌🔺紅燒豬腳拌麵 $60 豬手有三大件 質感Q彈爽口 醬汁有啲似甜甜嘅薑醋 彎彎曲曲嘅扁麵條 質感彈牙有口感 仲有津白同半隻蛋🔺茉香奶綠🔺香芋奶茶由糖度 冰度🧊 甚至多奶少奶都能夠自行選擇 兩杯飲品都份量十足 珍奶煙韌🧋個人鍾意蜂蜜蘆薈大大粒 有口感 但味道稍為淡咗少少

台灣菜唔知點解特別吸引到我 所以捐窿捐罅都想搵啲啱口味嘅餐廳🫢 呢晚就嚟咗觀塘工廈嘅一間樓上台式餐廳牛三寶刀削麵牛三寶分別係牛腱肉 牛筋同牛肋條 三寶都燘得好入味🐮 蘿蔔就更加唔駛講 吸晒牛肉同湯底嘅精華 特登將麵條改做刀削麵 麵質更加有口感同咬口🍜紅燒豬腳拌麵呢個拌麵嘅蒜味同蔥油香味都好足夠💛 加上麵係刀削麵嘅關係 啲配料同醬汁更加容易掛喺麵上面 豬腳亦都好味 唔會太多骨 豬肉好軟腍👍🏻酥炸魷魚呢個一上檯已經好香 如果鍾意重口味嘅朋友可以再落鹽酥粉🤪起司肉鬆蛋捲餅蛋餅係每次食台灣菜都必點嘅菜式😍 呢個蛋餅好足料 咬落先食到肉鬆嘅味 然後再有芝士鹹鹹地 加埋聞到好香嘅蛋味 呢個蛋餅係全餐最滿意嘅☺️飲品凍黑糖珍珠鮮奶同凍金桔檸檬綠茶 天氣咁熱 飲呢啲手搖飲品就夠晒消暑啦🧋雖然呢間餐廳匿藏喺工廈入面 但係都唔算難搵 所以都好多人專登嚟幫襯 如果去觀塘都可以考慮呢間隱世台灣小店啊😌

📌 日月堂 - 觀塘興業街14號永興工業大廈4樓C2室🗓(10/4) 星期一 ⏰ 下午2點左右💈特式：今日係長假期最後一日，就同大家搵食到嚟出名多隱世美食嘅觀塘，有朋友介紹左呢間台灣菜，隱居於工業大廈內，既然咁隱蔽，今日就同大家去探索下。🥩🍔🌭🌮🥗🥯🥘🍲🍝🍣🥟🍤🍱食物：呢間台灣餐廳菜式種類唔算多，但耳熟能詳嘅典型台灣食品佢都有齊，而家等我同大家講下🇹🇼味道先。牛三寶麵 - 呢個一上枱已經聞到好香牛湯底味，份量亦好多，飲完一啖個湯底真係幾欣賞，個湯好香好濃牛味，但飲入口又唔會覺得咸，應該係熬左好耐，跟湯嘅紅/白蘿蔔都已經淋晒好入味；餸就有牛筋/滷牛展/牛筋，肉重牛味同炆得好淋，完全唔韌唔痴牙，牛筋好粗又有咬口；麵質就偏軟身，如果下次再揀我就會選擇加錢轉其他麵底。紅燒豬腳拌麵 - 呢個拌麵嘅蔥油好香，又唔油膩，豬腳夠入味同炆我夠淋，同埋腳毛都清得好乾淨。炸鹽酥雞 - 滿滿一大碟都得抵食，炸得唔算好脆，本身都好夠鹽酥香味，如果想食再重味d，佢枱面仲有鹽酥粉可以自行再加。酥炸魷魚 - 呢個魷魚炸得幾好，炸漿唔厚，上枱亦唔油膩，食完之後個碟都唔見到有油，呢點好欣賞。☕️🍵🥤🧋🍺🍷🥃🍹🧉🍾🍶🥛飲品

約朋友去觀塘食野永遠唔會怕無野食，因爲實在太多高水準工廈餐廳！前排同朋友去左呢間好有台灣感覺嘅日月堂,真係幾抵食。起司雞排便當($63)-呢款係比較特別，雞肉內真係夾了半溶芝士，超吸引。而旁邊嘅滷肉唔會好肥，仲有軟骨，鹹度適中入味，口感好好。蚵仔煎($42)-無expect過蚵仔係大大粒，幾肥美。特別鍾意中間夾了層生菜，令味道更balance玉米起司蛋捲餅($38)-蛋捲嘅外層香脆之餘，蛋味好濃，配上入面熱熔芝士同玉米，口感一流。紅燒豬腳拌麵($60) -豬腳整到好軟淋，而且都幾多多筋，口感幾好。飲品方面，餐廳好好咁提供甜度同冰量選擇，可以嘆到台式飲品之餘唔會好邪惡。點了凍仙草奶茶($24)同凍黑糖珍珠鮮奶($32)，價錢好抵之餘仙草同珍珠分量好充足，好滿足。

觀塘未曾光顧既既台灣餐廳只剩一家，今日去埋日月堂就代表我完成觀塘台式餐廳既「圖鑒」，日月堂位於工廠大廈入面，只要見到「縱未知明日福禍，仍約定你下月平安相聚」就證明你無去錯地方！我望住牆上既台灣風景明信片，心中渴望旅行嘅慾望再次燃起🔥日月堂食物既選擇幾多，台式滷水同吐司係一般台式餐廳所沒有。- 滷雞腿便當🍗雞腿、蔬菜同滷水蛋鋪滿整個碗，完全見唔到底下既白飯，其中雞腿佔左碗既一半，雞肉軟嫩有彈性，而且好入味。另外滷肉好甜美，不過份量太少，得返白飯嘅時候有啲乾🤣- 紅燒豬腳拌麵豬腳一共有四大件，肉質充滿嚼勁，鹹甜適中。Q彈既拌麵加上大量炸蒜，香甜惹味。- 梅子地瓜條每一條地瓜條都非常粗身，金黃色既外層非常吸引，口感香脆綿密，梅子粉令味道變得酸酸甜甜。- 鳳梨綠茶、台式檸檬紅茶味道係真正既鳯梨甜味，並非一味死甜。至於檸檬紅茶甘香輕盈，層次分明，而且好大杯。日月堂既食物同飲品都非常正宗，食完之後暫時舒緩我想去旅行既衝動，不過我都希望盡快可以去旅行🧳

之前聽朋友講觀塘有間好有台灣風味既餐廳，由於太耐冇去旅行，有啲掛住台灣，於是就走去試吓！雖然地點難搵咗少少，但去到見到裝修環境，真係有啲去左台灣嘅感覺！❤️坐低之後叫咗：紅燒豬腳拌麵 $60好大碗嘅拌麵，豬腳好入味，拌麵既香蒜同蔥勁多，令到成碗面都好野味！☺️大滷肉飯 $42反而滷肉飯唔係好大碗，但啲滷肉好好食，味道偏濃，好有台灣嘅味道🥰鹽酥雞 $48鹽酥雞新鮮即炸，所以攞到出嚟超熱，食落去香脆可口，雞肉又大粒，食落去啖啖肉，滿足！👍🏻👍🏻蚵仔煎 $42呢個真係台灣味最濃嘅一個餸！佢嘅蚵仔煎係用台灣正宗做法，除咗蛋，菜同蠔仔之外， 仲用咗好多番薯粉，令到成塊蚵仔煎煙煙韌韌，再配埋獨特嘅甜酸醬，正😍玉米起司蛋卷餅 $38呢個真係值得推介！蛋捲入面勁多芝士同粟米，所以勁香芝士味，食完一舊都飽飽地😂👍🏻炸芋泥 $30呢個唔係度度有得食，想要見到有即刻叫黎試下！外表似炸魚旦，咬落去個皮鬆脆可口，入邊啲芋泥夠「粉」，中間有啲黃色好似鹹蛋黃嘅物體，鹹鹹地中和返芋泥既甜，令到甜度啱啱好👍🏻最後叫咗兩杯嘢飲，黑糖珍珠鮮奶 $32同香芋奶茶 $24，飲落去感覺同出邊既台式飲品差唔多，所以唔多講啦。整體來講食

今日晏晝同同事去附近工廈睇下有乜好食，同事話冇得去旅行好想食下台灣野，咁就搵左間台式餐廳，lunch hour都唔洗等好耐。入去坐低後，好快就諗好食乜。清燉牛肉麵 $70我相信好多人都會鍾意食牛肉麵，而我就最鍾意食清燉牛肉麵，因為可以食得出牛肉嘅原味！日月堂呢個清燉牛肉麵真心要讚，因為肉質真好好滑，軟而不碎、嫩而不爛，又大塊又厚，吸收最晒湯底嘅精華，咬落好juicy，而且湯底牛味濃郁，入面啲茶同蘿蔔都吸晒味，好好食！紅燒豬腳拌麵 $60豬手好淋，又入味，而且豬手都有好多舊。乾拌麵最緊要係麵質同個汁，個汁真係唔錯，而且拌麵係曲麵，每次都吸多咗汁，唔會好乾，好貼心。炸鹽酥雞 $48炸鹽酥雞炸得香脆可口，外脆內滑多汁，外加嘅椒鹽唔會太多，好食！而且一碟都幾大份！玉米起司蛋卷餅 $38蛋餅裡面包著非常飽滿嘅芝士和粟米，吃起來有咬口又有兩種口感！同埋芝士溶解在蛋餅中，但蛋餅煎落唔會好油膩，而且都幾大份！香芋奶茶加珍珠 $24+$5黑糖珍珠鮮奶 $32食物好有台灣Feel，餐廳又好有自由Feel！疫情期間食到正宗嘅台灣菜感覺真係開心！