星海．譽宴 (鱷魚恤中心)

朋友有興趣在「星海．星海薈 」擺宴，所以今晚特意過來，親身視察環境。知道星海是以小清新的庭園設計為概念，雖然是一家酒家，但其環境裝潢卻營造出浪漫的用餐氛圍。無論是婚宴酒席還是家庭聚會，星海．星海薈都是不錯的選擇。很少酒家有這種時尚優雅的裝潢。加上，星海．星海薈鄰近APM商場及觀塘工業區，非常方便，行街放工去就一流，婚宴的話就能方便賓客。星海．星海薈晚市餐牌亦非常多選擇，比起一般的酒樓有更多特色的小菜。🌀 1. 鐵板白胡椒煎焗澳洲龍蝦一看餐牌，見到這道鐵板白胡椒煎焗澳洲龍蝦正有優惠。澳洲龍蝦肉質鮮美彈牙，經過鐵板煎焗後外表金黃酥脆，切開後可見龍蝦肉飽滿多汁。重點是大廚放了豐富的白胡椒，椒味四溢，非常香口，與龍蝦的鮮甜味完美融合。🌀 2. 紅燒皇子乳鴿乳鴿同樣做緊優惠，當然叫返一隻。乳鴿經過紅燒後外表色澤誘人,入口即化，而肉質卻保持嫩滑，鹹香十足。🌀 3. 芥末牛柳粒之後想叫一道有肉有菜的小炒，正好見到芥末牛柳粒。其實芥末牛柳粒並不單純是用日式芥末炒牛柳粒，而是用上萵筍來炒。芥末Wasabi味香氣撲鼻，牛柳粒富有肉汁，與芥末的辣香完美結合，在口中激發出層層遞進的味道。🌀 4. 金銀蒜斑球籠仔蒸飯這個籠仔蒸飯實在是整晚最有驚喜的。斑球非常新鮮，肉質細嫩，每顆都是啖啖肉。再搭配金銀蒜的惹味香氣，整個炒飯吸收了斑球和蒜香的鮮甜滋味，入口綿密軟糯，非常豐富。無論是婚宴宴會還是家庭聚會，星海．星海薈絕對是一個非常好的選擇。…查看更多

家人飯局來酒樓食下，環境唔錯地方闊落寧靜舒適，光線柔和加上天花裝飾優雅，感覺似婚宴格調。菜式多選擇，來這裡飲茶飯局聚餐，都係不錯的地方，而且近工業區多樓上店開倉，行完整天來食就perfect。招牌白胡椒蟹 $638招牌菜吸引，肉蟹大隻有斤半多，香噴噴熱辣辣。蟹肉雪白鮮美，而且大件食落啖啖肉，令人滿足，加上白胡椒十分惹味。食完先發現餐牌有白胡椒龍蝦仲抵食，留待下次再食~香烤京式片皮鴨 $198片皮鴨全隻二百蚊幾抵，師傅即席將鴨皮切片。鴨皮鬆脆帶點油香，肉厚切肉嫩有汁。餅皮大塊口感煙韌。包起來唔易鬆爛，夾埋青瓜、京蔥和京醬，簡單好食。紅燒皇子乳鴿 $68乳鴿皮脆肉嫩，唔會好乾身，肉都晒入味，相當好食。紅豆沙 $0雖然是免費，但好有口水準，綿綿口感，甜度剛好，真係想添多碗。…查看更多

朋友食完，覺得龍蝦又抵又正，介紹我同屋企人黎幫襯啲龍蝦，所以今晚就同屋企人嚟呢度食晚飯嚟到當然必食澳洲龍蝦啦龍蝦份量好多，有好多嚿肉， 肉質鮮味彈牙，每一嚿都啖啖肉， 唔會淨係得個殼譽宴啲龍蝦質素真係唔錯分量又多，用白胡椒煎焗，一上枱就勁香，鮮甜嘅龍蝦配上白胡椒煎焗， 龍蝦嘅精華出曬嚟，無論口感同味道都一流之後就係紅燒煲仔翅（足3兩），超！足！料！塊魚翅勁厚身！勁大塊！成梳完整配有醋同芽菜，口感同味道啱啱好之後呢個係雪梨無花果花膠燉湯，湯渣有齊咁多樣呀而且咁抵嘅價錢，花膠好大塊，性價比勁高必點必飲紅燒皇子乳鴿，$68梗係要試下啦即叫即整， 上枱熱辣辣， 醃得好夠味，好好食，而且大大隻， 絕非嗰啲一蚊乳鴿可以媲美總結： 酒樓裝修靚靚， 檯布碗碟均乾淨衛生，侍應招呼亦很好，加上餸菜份量大，味道又好吃，下次一定會再嚟幫襯其他小菜。…查看更多

早前 ，朋友告知， 觀塘一間酒家推出幾款特價菜式，有南非鮑魚、 紅燒煲仔翅、 北京填鴨白胡椒蟹/ 龍蝦......等等，朋友親身見証，質素有保証。剛巧，家中大廚今天要到觀塘一趟 ， 無暇下廚 ，我便趁機動議一家人到這裏吃晚飯 。酒家以黑、紫色有主，樓底高、地方寬敞，天花頂以不同大小，顏色繽紛的水晶板塊作裝飾，妨如夢幻璀璨的星河，一邊牆身設有延綿不絶的魚缸 ，專為婚禮或慶典而設的小舞台當然不可缺， 配合柔和燈光 , 布置亮麗 。我們首先選了北京填鴨，可惜沽清 ， 幸好還有乳鴿 ，另外點了一客龍蝦、 幾盅燉湯， 再來一個籠仔飯 ， 開心等吃。紅燒皇子乳鴿＄68微溫 ，外皮色澤均勻，油潤皮脆，肉嫩多汁，醃料入味，鮮而不過份鹹，最愛髀位和雞翼部份 ，帶少少皮下脂肪 ， 味道更豐腴。招牌白胡椒煎焗澳洲龍蝦  $398龍蝦以鑄鐵鑊奉上，夠鑊氣又保溫。 食物處於受熱狀態下所產生的磁磁聲響，份外誘人 。火紅色的龍蝦殼下，是肉厚、 爽脆、 感細膩的澳洲龍蝦肉，約斤半重， 味道鮮美，以往龍蝦多數配芝士汁  ，今趟終於可以轉口味 ， 配白胡椒汁  。這個汁質地比較杰身 ，混入了大量蔥頭、 粟米粒等佐料，提昇了白胡椒的香氣。白胡椒本身辣度比較輕 ， 不喧賓奪主， 但那股辣椒香仍能輕易勾起你的食慾，配搭海鮮簡直一流。金銀蒜班球籠仔蒸飯 $148籠仔蒸飯感覺上比炒飯健康  , 不會太油膩 ， 配海鮮一同蒸煮，沒有太多調味料下 ，鮮味便知有沒有。 雖然叫做斑球 ，不過用斑片來形容似乎比較貼切。 大大片斑片塊厚薄均稱，幾乎鋪滿整個表面 ， 雪白爽口， 鮮味滲透每一個角落，飯粒分明，有蛋香，口感不俗。而且還有我最愛的香菇 、 黑木耳 ，健康味美。雪梨無花果花膠湯 ＄68這盅燉花膠湯原價＄118 現售＄68 ， 價錢也不算貴 ，所以每人也叫了一盅。燉湯用了瘦肉、雞腳為湯膽 ， 加入花膠、 雪梨、無花果清燉 ， 雪梨的甜味尤其突出，最驚喜的是花膠比想像中厚，有咬口又彈牙，且還有兩大片 ， 真的超滿足，清肺養顏 ，正 ！食完飯，還有起沙陳皮紅豆糖水送，不單肚皮滿滿，對朋友今次的推介也十分滿意。…查看更多